| село Мокра Поляна; село Арбанасы… село Боиковци… село Другошевци… село Маисторие, селище Маисторие Крупници, селище Вильска, селище Врдунь, селище Калуяневци, селище Денково, селище Враче, сслище Седларь, селище Мекша; село Глажня с мегями и отеси и с правинами села того. И за сиа села вса успомену брат Царства ми, Севастократор Деян, яко да си утеше меге куде cy сим селищем, и такози повеле Царство ми, да поге (поде) сам с вещиими людьми, да ю теше, и утесавши да принесе Царству ми, и Царство ми записа меге сие сим селом всем, понеже суть у единотес. (Следует указание границ и обычное заклинание наследником о ненарушении сего хрисовула). Села освобождаются «от всех поданк, малых и великих и от всех владущих, разве да си облада сим метохом црковь, а ин никто же. В лето 6857 (1349), Индиктион (10-й). А под 1379 годом находим в Хиландарской обители хрисовуле, писанный по повелению вдовы Севастократора Деяна. «Госпоге превисоке Царице Српскея, Кура Евдокие, и сына ея, Господина Костандина, 31 в граде Струмице: Я, благочестива и Христолюбиваа Госпогя Царица Евдокиа и с превозлюбленним и всесердечниим сыном Царьства ми, Костадином, потщаемо се елико по силе нашои дари и чести приносити светим и божественим церквам, в них же образ Господа Бога Саваофа по вчеловечению написует се, тем же и ми, раждегше се божественою любовию, изволисмо предпосилати и дарове даровати Господу Богу и Пречистои того Богоматери, от нихе же ни есть даль наипаче больше и любезнее храму Пречисти Богородице, изволисмо, иже в Светеи Горе Афона, в месте, рекомом Хеландаро, ведуще не дрзновение к Сину своему, Владици нашему, Христу, о содеяних, ни умолити Владику Христа. Темже и ми припадаем к храму и приносим с усердием сие дари: церковь нашу бащинну Богородицу, иже в месте, рекомом Архилевица, тако и с всом обителиу и ризницом тези цркве, и направами всеми, и с всеми сими по имену сели и заселци: село Архилевица, село Колицко, село Ругинци, село Извор, село Подлешане, село Бела Водица, село Литияница, село Мокра Поляна, село Глажня, село Домановци, село Гокшинци, село Гояновци, село Станчикя, село Злокукяне, село Деиковци, село Крупници, село Скрлинци, село Тудорци, село Другошевци и с всеми синори и мегями, яко же записанием златопечатним утверждено имать от Господина ни светопочившега Цара Стефана, такожде и с црквом, коя есть у Велбужду, рекомаа Госпогиново Поле и село Козница Кричяновска… село Строиково и у Архилевици другую нову црквь скораго помощника Св. |
| В лета 7160-го 935 году на праздник преподобнаго чюдотворца Сергия, сентября въ 25 день, прииде в дом Святыя Троицы и преподобнаго чюдотворца Сергия помолитися з государем царем и великим князем Алексеем Михайловичемъ всеа Русии святейший Иосиф, патриарх Московский и всеа Русии; купно празднество пресветло учиниша, яко же обычай есть, и братия учрежения прияша по царской милости. Святейший же патриарх Иосиф, призвав архимарита и нас, возвещает о чюдеси преподобнаго чюдотворца Сергия сице: Одержаша мя, рече, нутреныя болезнилюты и щемота неистерпима утробе моей, яко не мощи ми николико сну прикоснутись на мнозе. И молящу ми ся преподобному Сергию, да поможет и упросит у Спаса терпение в немощех моих, паче же от него прося исцеления болезнем моим, и во мнозех изнемоганиихъ бывшу ми, рече, в забытии, мня сон зрети: грядущу ми, рече, яко на яве поклонитися мощем преподобнаго Сергия. И егда, пришед, припаде к преподобнымъ его мощем, нача молитися со слезами, прося помощи, и внезапу увидевшу ми преподобнаго Сергия чюдотворца воставша, и в раке своей седяща, и рукою мя благословляющу, и к себе к вечному покою призываше мя, и болезни моя вся осязав. Аз же, рече, возбнув, ничесо же видев, а болезни моя облегчишася, и здрав бысть, яко бы николи же болев. И востав от одра своего, нача благодарити Бога и преподобнаго чюдотворца Сергия, яко облегчение прием от болезни молитвами его святыми. И помыслив того дня послати во обитель святаго взять просвиру и меду чюдотворцова и воды новоявленново кладезя, и егда помышляющу ми о сем, и хотяще послати того ради нарочно, внезапу в том часе поведаша мне, яко от васъ соборной старец прислан, вся сия нося с собою, и принесе ми. Аз же сия прием, в болшое удивление внидох и чюдотворцу Сергию благодарение воздах, и сего ради молих самодержца и на праздник сей прииде благодарениевоздати. Мы же, слышавше сия, радостни бывше душами, и веселия сердца наша наполнишася, яко таковаго чюдеси сподобишася слышати от первосвятителя в наша лета содеявшася. Святейши[й] же Иосиф патриарх мног вклад, златоглавы и прочия вещи в Сергиеву казну принесе, тако же и хлеба много числом мер обеща дати братии на корм, еже и бысть. После его святителскаго еже к Богу отшествия самодержец царь и великий князь Алексей Михайловичь всеа Рос[и]и обещание ево исполнил, повеле дати по нем десять тысечь четвертей ржи братии на корм и повеле по нем по вся дни в двух церквах литоргию служити, донеле же и обитель Сергиева стоит. |
| Ты, Господи, рекл еси пречистыми своими неложными усты: аще что просите молящеся, и о имени Моем дастся вам. И паки рекл еси Господи: просите и примете, ищите и обрящете, толцете и отверзется вам. И по мале рече: всяк бо прося приемлет, и толкущему отверзается. И тако множицею стужая человеколюбию Божию и от многого труда седох в церкви на месте своем, понеже во вся четыре нощи и три дни не исходит для спания; и бысть яко седох в мал сон сведен бых, седя и видех: и се обретохся во святой соборной церкви и видех свет велик зело, обаче от живущих никого ту видех, но прежде бывшими леты усопших святителей и священников стоящих по странам, идеже гроби прежде усопших святых отец митрополитов и патриархов; един же некто святолепен муж сединою честною доволен или вельми красен, браду имея густу вельми мало продолговату, во священных святительских одеждах вси стояху. Той же вышепомянутый святолепный муж, обходя по иным святым отцем, хартию и коноварницу с киноварем обносит по всем святителем, они же вси подписуют; аз же со страхом приступив к носящему хартию и киноварницу вопросих его: что сие творите подписующе руки на хартии? Он же рече ми: о твоем пришествии на престол святый. Аз рече: покажи ми, аще есть истинна. Он же показа ми, и смотрях; и бысть тако. Аз же паки рекох ему: ты подпишешилися? Он рече: подписахомся уже, и показа ми о себе написанное. Аз смотрив со вниманием, и обретшеся истинна написано полтрети строки сице: смиренный Иона Божиею милостью митрополит тако страхом Божиим подинсую подобно есть. Аз же приим дерзновение идох к месту и, хотящу ми взыти, обретох святителя стояща на месте, в честных одеян архиерейских одеждах, и ужасохся. Он же рече ми: не ужасайся, брате, яко тако воля Божия есть, взыди на стол свой и паси словесные Христовы овцы, яже ти Господь поручил; и абие невидим бысть. Аз же утвердився взыдох; мню же святителя стояща Петра чудотворца. Ей ей, тако ми Господь свидетель на се. Аминь. Да в ней же написано: обретаюсь есмь днесь во святей Божии велицей соборной апостольстей церкви Пресвятыя Богородицы, исповедал вашему царскому величеству; понеже отхожения своего вину исполнил, яже помыслил и сотворил, и се приидох видети пресветлые лица ваша и поклонитися пресвятой славе царствия вашего, вину прием от священного евангелия, идеже бе написано: вы рече, взыдете в праздник сей, аз не взыду в праздник сей, яко время мое не у исполнися, и сия рек им оста в Галилеи; егда же взыдоша братия его в праздник, тогда и сам взыде не яве, но яко тай. |
| 993 г. на основании данного жития св. Евфимием (изд. прот. К.С. Кекелидзе, Сведения груз. источников о МИ, Труды Киевск. дух. акад., 1915, III, стр. 451–484; отт, 42–75). В общем его можно относить к пол. IX в. (эпохе восстановления православия). Ценность его не велика: это – просто своеобразная рецензия документов ο ΜИ, дошедших до нас и в полном виде (стр. 43, 64., 73. , 92). Впрочем, житие это важно в том отношении, что сохранило греч. текст части письма Анастасия апокр. (стр. 9–10). Доселе известного в лат. переводе. „История краткая» – древнейшее из всех вообще житий МИ. Детальностью своих показаний она обличает в авторе почти современника. От нее зависит не только Феофан (an. 6149, ed.de Boor, р. 3467–14: ср. Историю, стр. 106–15), но и Comp. Vind. (стр. 1022 и 214; 1024. 2111; 113, 2114, 116–11, 2214–19; 1125. 217). Написана она пο прекращении династии Ираклидов – в конце VII или в нач. VIII в. В ней сохранился греч. текст Hypomnesticum " a Феодосия гангрского. Compendium Vindob, – основа всей синаксарной традиции и, прежде всего, древнейшего (первоначального) синаксаря, сохранившегося (фрагментарно) при уставе Вел. Церкви (кон. IX в.) и давшего свои ответвления в Минологии ими. Василия (житие МИ, 13 авг., сохранилось только в слав. прологе;=синаксарю IIa у проф. И. Д. Муретова, Твор. МИ, τ. I, 292–296) и Минологии Сирлета. Из Comp. V., далее, обработано житие МИ и в позднейшем (стишном) прологе Comp. V. зависит от „Истории краткой“, от Relatio (2120–223, 14–15), от соч. Анастасия Син. „О ересях и соборах“ (Pitra, Juris ecclesiastici Graecorum historia et monumenta, t. II, 268–269; cp. Comp. стр. 2115., 2215–19, 6–13) и, по-видимому, от какого-то похвального слова о МИ (2118–19 2220–33). Comp. V. следует относить к VIII в. Может быть, св. Иоанн Дамаскин († до 754 г.) имел его в виду при составлении канона МИ (21 янв., песнь III, троп. 3; V, 1; cp. Сорт.. стр. 517, 217). Синаксарь „Лаврентиев“ (стр. 23, пр.1) обработан из Comp. Vind. при пособии синаксаря Вел. |
| По времени же некогда вспомяну скораго в бедах помощника и чудотворца Даниила дивная дела, и яко мнози, с верою прибегающии ко святеи раце его, от различных болезнеи исцеление приемлют молитвами его. И по времени пришедшу ми во обитель Пресвятыя Троицы и у гроба преподобнаго молебное совершившу ми, и кроплением и умовением лица своего паки начах ясно зрети молитвами преподобнаго. (33) Ч[юдо преподобнаго о Феодоровском казначее старце Ермагене]. Феодоровскаго монастыря 1803 казначеи старец Ермоген л.113. поведа, глаголя: «бывшу ми, рече, в работниках во обители Живоначалныя Троицы и преподобнаго Даниила и по обычаю строющим нам келии братии на упокоение; во время ж зноя сверстницы мои престаша от труда, покои приимающе. Искони же ненавидяи добра диявол вложи ми во ум, да иду на кладязь преподобнаго; и пришедшу ми от неразумия водрузих жезл в кладяз, имже подпирахся, и детски жезлом в кладязи глумяся, и абие в тои час отъястеся у мене руце и не могох ими ничесоже творити, но быша руце мои, яко и древие. Страхом же содержим отидох от кладезя, нимало могии рукама владети. Пребывшу же ми в таковеи болезни время немало, и абие на молбу обратихся к преподобному, и со слезами прощения прошаше о своем согрешении: «помилуж мя, рече, святче Божии, и не помяни многаго об. моего неразумия к тебе, согреших [бо] и безответен есмь пред тобою». И на образ преподобнаго умилно взирая и умом и речию непрестанно моляхся; и в той час быша ми руце, яко же и прежде, молитвами святаго». (34) Ч[юдо преподобнаго о девице Варваре]. Града Переаславля в Рыбнои слободе, в неиже церковь святых мученик четыредесяти 1804 , тоя убо церкви священник Иродион поведа, глаголя: «в дому моем, рече, имех девицу от родителеи моих по плотскому рождению брата моего дщи, именем Варвара. Завистию убо дияволею, иже всегда искии нашу погибел и враг бяше душ и телес наших, злыи сопостат и томител, смути убо ум девицы, и пребываше изумлена, и нелепая глаголаше. Бывши ж в тои болезни девица многи дни, нимало облегчения приемляше. |
| Никон все еще думал, что экстраординарное содержание его письма не может быть покрыто молчанием и простым изгнанием его из собора. В письме Никон рассказывает, что он «слыша смятение и молву велику о патриаршеском столе, – овии тако, инии инако глаголюще развращенная и несть ничтоже истинно, но кийждо, что хощет то и глаголет», горячо молился Господу, чтобы открыл ему «чему подобает быти». Целых пять дней он изнурял себя беспощадным постом, не ел, не пил, «ни сну причащаяся, лежа на ребрех, разве утомився седев с час в сутки». Непрестанно молился «вопиюще и плачуще, доньдеже известит ми Господь Бог , что суть подобает сотворити и что суть годно Его святой воле». И вот на пятый день пришло видение. «Видех се: обретохся во святей соборней церкви. И видел свет велик зело, обаче от живущих никого ту видех, но прежде бывшими леты усопших святителей и священников, стоящих по сторонам, идеже гробы прежде усопших? св. отец – митрополитов и патриархов. Един же некто святолепен муж, сединою честною доволен, или вельми красен, браду имея густу вельми, мало продолговату. Во священных святительских одеждах вся стояху. Той же, вышепомянутый святолепный муж, обходя по иным святым отцем, хартию и киноварницу с киноварем обносит по всем святителем, они же все подписуют. Аз же со страхом приступив к носящему хартию и киноварницу, вопросив его, что сие творите, подписующе руки на хартии? Он же рече ми: о твоем пришествии на престол святый. Аз же рече: покажи ми, аще есть истина? Он показа ми. И смотрях и бысть тако. Аз же паки рекох ему: ты подпишеши ли ся? Он рече: подписахомся уже. И показа ми о себе написанное. Аз смотрев со вниманием, и обретшеся истина, написано полтретьи строки сице: «смиренный Иона, Божиею милостию митрополит. Тако страхом Божиим подписую, подобно есть». Аз же, приим дерзновение, идох к месту. И хотящу ми взыти, обретох святителя стояща на месте, в честных одеяна архиерейских одеждах и ужасохся. Он же рече ми, не ужасайся брате, яко тако воля Божия есть. Взыди на стол свой и паси словесные Христовы овцы, яже ти Господь поручи. |
| Зосима на остров Соловки, и паки Германским, и виде, видение божественныя лучи осиявшыя место, иде же обитель составлена и церковь прекрасну на воздусе и ина многа, яже виде Герман при животе блаженных отец. Сия вся повеле Герман клириком писати на памяти и писания того не мало было. По преставлении же Германове не радиша о написании том: просто бо писано, яко же сказоваше им Герман простою речию, тако они и писаша, не украшаюше речи, но точию памяти ради писано житие блаженных отец Зосимы и Савватия. И некий священник прииде к нам на Соловки от иных монастырей, и пребысть неколико время, и отьиде во свояси и написание Германово взя с собою, нам же без писания оставшим о житии Соловецких начальник. Прилучися мне Досифею быти в пресловущем великом Новограде у архиепископа. Вопрошаше мя прилежне о устроении места острова Соловецкаго и о начальниках Соловецкаго монастыря. Аз же елико видех, исповедах. Архиепископ же рече: «напиши ми о житии начальник монастыря вашего, и о чудесех их, и еже вся исповедал ми еси». Мне же грубу сущу и недовольну смыслом на сие великое дело, и много отрицающу ми ся. Он же рече: «елико вразумееши, напиши ми, памяти ради. Веру бо, рече, имею к начальником монастыря вашего, яко Савватий, егда на Валааме в монастыре быв, и аз у него ученик, а он мне старец, вем его старца житием велика». Аз же приим благословение от архиепископа, Богу поспешествовавшу ми, молитв ради преп. отец наших Зосимы и Савватия, написах, памяти ради, елико возмогох. И удержа мя архиепископ не мало лет, и держащу ми у себе написание то, и бывшу ми на Белеозере, в Ферапонтове монастыре. И понудих тамо пребывающаго, бывшаго митрополита Спиридона преписати и изложити стройно житие начальников Соловецких; и написаныя те памяти дах ему: бе бо он тому мудр добре, умея писания ветхая и новая. И Божиим изволением, не отречеся, понуди старость свою, и написа в общую пользу, хотящим ревновати сих преп. отец житию. Списашася же жития сия преп. отец по 30 летех преставления блаженнаго отца игумена Зосимы, начальника честныя обители Соловецкия, новаго чудотворца»... |
| Господи Боже наш, в Негоже веровахом, и Егоже имя паче всякаго имене призываем, даждь нам, ко сну отходящим, ослабу души и телу, и соблюди нас от всякаго мечтания, и темныя сласти кроме; устави стремление страстей, угаси разжжения востания телеснаго. Даждь нам целомудренно пожити делы и словесы; да добродетельное жительство восприемлюще, обетованных не отпадем благих Твоих, яко благословен еси во веки. Аминь. Молитва 7-я, святого Иоанна Златоуста (24 молитвы, по числу часов дня и ночи) Господи, не лиши мене небесных Твоих благ. Господи, избави мя вечных мук. Господи, умом ли или помышлением, словом или делом согреших, прости мя. Господи, избави мя всякаго неведения и забвения, и малодушия, и окамененнаго нечувствия. Господи, избави мя от всякаго искушения. Господи, просвети мое сердце, еже помрачи лукавое похотение. Господи, аз яко человек согреших, Ты же яко Бог щедр, помилуй мя, видя немощь души моея. Господи, посли благодать Твою в помощь мне, да прославлю имя Твое святое. Господи Иисусе Христе, напиши мя раба Твоего в книзе животней и даруй ми конец благий. Господи, Боже мой, аще и ничтоже благо сотворих пред Тобою, но даждь ми по благодати Твоей положити начало благое. Господи, окропи в сердце моем росу благодати Твоея. Господи небесе и земли, помяни мя грешнаго раба Твоего, студнаго и нечистаго, во Царствии Твоем. Аминь. Господи, в покаянии приими мя. Господи, не остави мене. Господи, не введи мене в напасть. Господи, даждь ми мысль благу. Господи, даждь ми слезы и память смертную, и умиление. Господи, даждь ми помысл исповедания грехов моих. Господи, даждь ми смирение, целомудрие и послушание. Господи, даждь ми терпение, великодушие и кротость. Господи, всели в мя корень благих, страх Твой в сердце мое. Господи, сподоби мя любити Тя от всея души моея и помышления и творити во всем волю Твою. Господи, покрый мя от человек некоторых, и бесов, и страстей, и от всякия иныя неподобныя вещи. Господи, веси, яко твориши, якоже Ты волиши, да будет воля Твоя и во мне грешнем, яко благословен еси во веки. Аминь. Молитва 8-я, ко Господу нашему Иисусу Христу |
| Не вдущу же ми, ид же везут мя, в то же время начаша в колокол бити, и познавшу ми, яко быти ми близ обители Святыя Троицы. И возмутися сердце мое от горкия печали, и слезы многи излияшася, моляся Святй Троице и Пречистой Богородице и преподобному Сергию, да спасетъ и ущедрит в бед стражущаго и не имущаго помощи ниоткуду. Сице же плачащу ми ся и преподобнаго Сергия на помощъ призывающе и хотящу ми изпод покрытыя позрти ко обители чюдотворцове, и не возможе, зане приставы по обма странама не дадуще приникнути, многу тсноту по приказу царя Бориса сотворяюще ми. И внезапу яко нкоею силою Божиею от моея выя и от рукъ и от ногъ оковы желзныя разршишася, и узрв скважнею обитель чюдотворцову, и благодаривъ Бога и Пречистую Богородицу и преподобнаго Сергия скораго помощника, и благонадеженъ бывъ, почаяв себ милости Божии быти. И прохав монастырь, приставом сия возвстив;они же, сия осмотривше, ужасошася и во удивлении быша и от звериного нрава преложишася во овчюю кротость, и быв у них прочее время во ослаб. Егда же, времени дошедшу, свободи мя Богъ от тоя напасти, и бывшу ми в прежнемъ своем достоянии, и по своему общанию сице прихожду к чюдотворцу Сергию по вся лта на поклонение ко гробу его. Слышав же сия, архимаритъ Дионисий и мы вси благодарения воздаша Святй Троицы и Пречистой Богородицы и преподобнаго Сергия скораго помощника ублажаше, яко поспшен предстатель всемъ уповающим на нь. Бысть убо во времяна она нахождения на Русииское государство безбожных Поляков и Литвы, Богу попущающу за грхи наша, и многими лты по градомъ и по весемъ христианъству ото огня и меча погибающу, и уже и Московскому государству до конца от богопротивных разорившуся, всмъ посченым бывшимъ от мала и до велика, от благородных и до простых, мнозм же в плнъ отведеным бывшим, прочим же разбгшимся по всей Рустей земли, яко овцы не имущи пастыря, по градомъ и по весем и по пустынямъ скитающеся, преходяще с мста на мсто, ид же бы аще мочно кому горкия смерти гонъзнути. И сея бды не можетъ языкъ человчь изглаголати, токмо: ох! ох! увы! увы! горе! горе! бды тоя неисказанныя, колико протяжеся напасть та кроволитная. |
| Богородици Хиландарскои; и за успомен тои всечестнога старца Романа своом братом, дарова му Царство ми си светли хрисовул Царства ми, и записа му Царство ми црквь бащину Св. Архангела с треми селии: с Трстником, и с Бежа- ники, и с Тушилом, и селищем, що есть дало било Царьство ми Севастократору Бранку, с Худинами, о чеса есть житье у Бугаре побегл, 26 а под црковь свету Богородицу Хиландарску, и како есть Царство ми иним светим и божественим црквам записало и утвердило хрисовуле, по тому жде образу и снези цркви светои божественное записа и утверди Царство ми Светои Богородици Хиландарскои (следует обыкновенное заклинание)… И сис записа се и потписа и утверди образом и знамением Царства ми в лето 6873 (1365), Индиктиона .г. (3-го), месеца Марта (11) дньоу. † Стефан Урош верни Царь Срблем и Грком. † Повелением Господина Светаго Цара Логофет Деян преручи у Прищине месеца Марта (11) дну. " Сами же Бранковичи, Гюрг (Юрий) и брат его, Влек, сыновья Великаго Севастократора Бранка, Господина граду Охриду, пишут в своем хрисовуле, что они, по просьбе их старшаго брата, монаха, приложили Хиландарю церковь Св. Архангела с селами: Трстеником, Бежаники и Тушилом. Влек же, сверх того, приложил села, прилежащия к Трстенику, именно: Баницу, Врбовц, Щучинце, Мугиваре…» Еще Стефан Душан разделил свое Царство на восемь Воеводств, почтив начальников сих Воеводств разными почестями и санами. Сильный умел держать их в повиновении, но, при слабом сыне его это разделение и усиление власти областных начальников обратилось во зло: Великие Воеводы, пользуясь слабостию своего Государя, стали управлять Воеводствами почти самовластно, и, таким образом, еще при жизни последняго Царя из дому Неманичей, погибли разом плоды усилий прежних Сербских Кралей и Царя Стефана, то есть, Сербия распалась на уделы и, вскоре за тем, терзаемая внутренними усобицами, сделалась добычею сильнаго врага: Урош V убит 2-го Декабря, 1367 года, во время охоты, одним из Сербских властелей, которому он более всех доверился, Кралем Вукашином, на Косовом поле, недалеко от Неродимли. |
|
|
