| 39) всех же благих 80 Богу нашего ума кормило со всякою мольбою подавше, мало некое и худо яко воистинну и всякого неразумия исполнено и не суть достойно святого величествия слово изрещи покусимся. Но убо предложение тако чюдно и доблественно, и вина сице велика и всячески выше меры нашея, ангельского бо ума и языка еже того 81 мужедоблестиом достойная провозгласити похваления 82 и в лепоту, како убо емуже нсдостоин мир весь колико некое от иже в мире сущих премирному и небесному ключимо будет похваление. Хотех убо и аз ревновати реченным онем трудолюбницам, летающим убо по всяким цветом от ключимых же плоды собирающим. Цвети убо воистинну паче же рай другий многоцветен и благоюханен божественная писания, от негоже мысленыя цветы обимав духовнаго меда составити, от онех люботрудствия по премногу честнейша елико от видимых премирная и от земных и тленных нетленная, подобяся некоему рабу неключиму, благоразумну же обаче, в винограде господина своего ходящу; еликия бо он тамо цветы узрит красны и благолепны, сих собрав своему владыце или того любовным другом честне приношает, тако и аз от божественнаго оного (л. 39 об.) сада нетленными и неувядаемыми цветы венец похваления словесы плет, по возможному дерзнух святого благосиятельную и священную венчати главу. Но не вем убо, како бедствуя ум принести, тесное разума и недоуметельное языка моего ведый; желание убо протязает надежду и понуждает к начинанию, боязнь же сокращает и отвращает начинание. Но что убо отпаднем ли предложения, студа облаком покрывшеся и боязнию спрятуеми. И в лепоту, понеже за многое грубости не можем похвалити по достоинству, никакоже мню праведно, любовию же паче растворивше страх и сложен от обоего соплетше венец, священным говением грубаго нашего смысла худословие святыя и поклоняемыя Троицы великому таиннику и служителю благонравно, яко долг воздадим. Приимет бо вем, якоже и того Владыка 83 вдовыя две цате предразсудив благомыслие от многоценных приношений, тако и наше яко оного истый ученик и подражатель восприимет усердие, не приносимых худости сматряя, но предложения изящество приемля, ибо и Бог не даров и трудов количеству, но изволения качеству является мзды воздаруя. |
| И не просто глаголеть: «Поклонюся», но «и в страсе твоем». Зри убо, яко поклоняется церкви, боит же ся не церкви, но божиа страха. Еда убо иному поклоняется, иного же боится? Никако же, но яко же поклоняеться богови, тако и страх божий имат, явьствено же хотя показати зде, яко подобает поклонятися церкви, яко поклоняяйся церкви поклоняется господу богу, иже повеле в славу свою церковь създати. И аще не бы подобало поклонятися церкви, не бы глаголал пророк: «Поклонюся к церкви святей твоей». Еда убо лжеть Давид, глаголя сиа, и не покланялся к церкви глаголеть: «Поклонюся к церкви святей твоей»? Аще и Давид лжеть, то кто убо истинен есть! Како убо сам глаголеть Давид: «Погубиши вся глаголющаа лжю». Аще ли же Давид истинствуеть, глаголя: «Поклонюся к церкви святей твоей», и ни единою глаголеть, но и многащи, то кто убо дръзнеть рещи, яко не подобаеть покланятися церкви! Пакы подобно тому и в ином глаголеть Давид: възносите господа бога нашего, и поклоняйтеся подножию ногу его, яко свято есть. Почто не рече зде: «Поклоняйтеся ему»? Преж бо рекл есть о сем многащи Давид и инии пророци, яко подобаеть господу богу поклонятися, ныне же хотя показати, яко подобаеть поклонятися и божественой церкви; глаголеть: «Поклоняйтеся и подножию ногу его». Аще ли ж кто речеть, яко не вемы, что есть подножие ног его, сие ин пророк сказал есть, глаголя от лица божиа: «Небо мне престол, земля подножие ногама моима». И Давид убо повелеваеть поклонятися подножию ног божиих. Другый же пророк сказуеть, яко земля есть подножие ног божиих. Еда убо Давид велить земли поклонитися? Никако же. Но егда слышиши: «Земля же подножие ногама моима», не мни его о земли точию глаголюща о единой, ею же и мы всегда попираем, но глаголеть пророк, яко вся земля и яже на ней, всяко дыхание и всяко създание, подножие есть ногама божиима. Всякого же дыханиа и създаниа, еже на земли, честьнейши есть церков господа бога вседръжителя и еже в ней честнейшаа вещи, яко самь господь бог повеле, и пророци и апостоли всех честнейши церковь предаша почитати и поклонятися, яко и человеци вси церкви ради спасошася и спасаются. |
| како бо не последнюю неправду на Него свидетельствуют; сострадавшая убо телеса душям добродетельными труды общих натрижнению лишити его хуляще. с прегрешившые же паки, от общия вины и деяния, не запрещена оставляти. единых же душ кроме содействовавших телес, или сугубому истязоватися мучению, или сугубого сподоблятися мздовоздаяния. не точию же таковые хулы священныи сей отец лик отверже, но и прежде убо сих не многом напред временем низложи и проклят, Анфима трапезонтянина, Евтихово создавающа мудрование, и Севгира. Петра же Апамийского изоора, и вселукавой оно и многоглавное разсеяние и содружество. Агапиту убо паче Римскому, благочестивая деяния предначеншу. Сосудником же и содействеником явльшымся преименитым архиереом. от них же убо Ефремии славныи Антиохова же сей. Иеросалима же Петр священныи предстательствоваше. сих убо всебожественое архиереов собрание отсекше и отвергше, незаблудные же и божественые соборные церкве укрепиша и утвердиша догматы . и се деяния убо вселенского пятого собора о сих. Собор, шестыи, на единоволных, Пира Сергия, и прочих единомудрствующих еретиков Святыи же и вселенскии шестыи собор, в царствующем убо граде. и сие таинственных истинных зрении, священно водружашеся позорище. седмьдесять же и сто богоносными мужи подвига подъидуще светле побеждающе показавше благочестие. сего начальницы и иных преимети судишася достойнии. Георгии муж, царствующага града архиерейскии сан вручен бысть. и Феодор и Георгии в презвитерех достоинством причтени вкупе диакону Иоанну, иже в место Агафона святейшего папы Римского, в ексархов чин счисляхуся. и Александрова же великого града престола Петр инок место наполняше. с ними же и Георгии инок и презвитер в степень архиерейского Иеросалимского предстояше седалища. сии убо со инеми священными и святыми отцы, Сергия и Пира и Павла, Констянтиня града начальствующих, и Анория Римского, Кирила же Александрийского, и Феодора Фаранского, друг друго плетенную лжи пленицу растерзавше. к сим же и Макария Антиохийского, вкупе Стефану ереси ученику, со старцем некоим окаянным, именем Полихронием, под праведное осуждение сотвориша. |
| Прочее же речем и о сем, еже той же великий церковъный учитель святый Иоанн Златоустый [а] глаголеть, еже не достоит убивати еретики; аще быхом убивали еретики, рать несмирна была во вселенней. Сиа глаголеть о епископех и о священницех, и о иноцех, и о всех церковных причетницех, а не о царех, ниже о князех и о судиях земьских. Аще бы глаголал о царех и о князех и о судиях, рекл бы, яко не подобает царем и князем и судиям убивати еретики; ныне же глаголеть: «Аще быхом убивали еретики», се явьствено показует, яко о епископех, и о священницех и о иноцех, и о причетницех церковных глаголеть; сам бо той бяше иреже причетник церковный и инок, потом же и священник, таже и епископ. Того ради, и всех сих лице на себе въсприим, глаголеть: «Аще быхом убивали еретики мы, рать несмиръна была бы», а не о царех, ни о князех, ни о судиях земьских сиа глаголеть. О царех убо и о князех и о судиях и святии апостоли глаголють, яко они власть приаша от господа бога, в отмщение злодеем, в похвалу же добротворящим. Глаголеть убо врьховный апостол Петр: «Повинитися убо всякому человеческому зданию господа ради, сиречь человеческой власти; аще царю, яко преобладающу; аще князем, яко посылаемом от него, в отмщение убо злодеем, в похвалу же добротворящим. Тако бо есть воля божиа, благотворящим обуздовати безумных человек неразумие». Подобно же тому и Павел глаголеть: «Князи бо не суть боязнь благым делом, но злым. Хощеши ли не боятися власти? Благое твори, и имаши похвалу от нея: божий бо слуга есть ти в благое. Аще ли же злое творити, бойся, не бо без ума мечь носит. Божий бо служитель есть, отмъститель в гнев злое творящиму». Подобно же тому и святии отци глаголють. Священный убо Златоуст сице рече: «На ползу убо людем земленое начяльство поставися от бога, а не от диавола, яко же неции неподобнии глаголют, да боящеся человеци не поглощают друг друга, яко же рыбы. Того бо ради глаголет святый апостол Петр, яко тако есть воля божиа, благотворящим обуздовати безумных человек неразумие». Тако же глаголет святый Григорие Акраганьский епископ, во своих правилных завещаниих: «Велие убо суть в человецех дарование божие свыше дано человеколюбие, священничество же и царство; ово убо божественым служа, ово же человечьскими обладая пекий ся. |
| Ты же тла ради душу погубилъ еси, и славы ради мимотекущия нетлнную славу презрлъ еси, и на человка возъярився, на Бога возсталъ еси. Разумй же, бдникъ, от каковыя высоты и в какову пропасть душею и тломъ сшелъ еси! Збысться на теб реченное: «Иже имя мнится, взято будетъ от него». 54 Се твое благочестие, еже самолюбия ради погубилъ ся еси, а не Бога ради? Могутъ же разумти и тамо сущии и разумъ имуще твой злобный ядъ, яко славы ради сея маловременныя жизни скоротекущаго вку и богатства ради сие сотворилъ еси, а не от смерти бгая. Аще праведенъ и благочестивъ еси, по твоему глаголу, почто убоялся еси неповинныя смерти, 55 еже нсть смерть, но приобртение? Последи же всяко умрети же. Аще ли же убоялся еси ложнаго на тя отречения смертнаго, по твоихъ друзй, сотонинскихъ слугъ, злодйственному солганию, се убо явно есть ваше измнное умышление от начала и до нын. Почто же апостола Павла презрлъ еси, якоже рече: «Всяка душа владыкамъ превладющимъ да повинуется; никоя же бо владычества, яже не от Бога, учиненна суть: тмъ же противляяйся власти Божию повелнию противится». 56 Смотри же сего и разумй, яко противляяйся власти Богу противится; аще убо кто Богу противится, – сей отступник именуется, еже убо горчайшее согршение. Сие же убо реченно бысть о всякой власти, еже убо кровми и бранми приемлюще власти. Разумй же реченное, яко не восхищениемъ прияхомъ царство; тмъ же наипаче противляяйся власти Богу противится. Тако же и апостолъ Павелъ рече, ты же и сия словеса презрлъ еси: «Раби, послушайте господий своихъ, не перед очима точию работающе, яко человкомъ угодницы, но яко Богу, и не токмо благимъ, но и строптивымъ, не токмо за гнвъ, но и за совесть». 57 Се бо есть воля Господня, еже благое творяще пострадати. 58 И аще праведенъ еси и благочестивъ, про что не изволилъ еси от мене, строптиваго владыки, страдати и внецъ жизни наслдити? Но ради привременныя славы, и самолюбия, и сладости мира сего все свое благочестие душевное со крестиянскою врою и з закономъ попралъ еси, уподобился еси смени, падающему на камени и возрастшему; 59 возсиявшу же солнцу со зноемъ, абие словесе ради ложнаго соблазнился еси, и отпалъ еси и плода не сотворилъ еси; и по ложныхъ словесхъ убо, подобно на пути падающему смени, сотворилъ еси, еже убо всявше слово к Богу вру истинну и к намъ прямую службу – сие убо врагъ все из сердца твоего изхитилъ есть и сотворилъ в своей воли ходити. |
| Из катихисиса великого 71 . „Вопрос. Чесому научаемся из сего 10-го стиха. Исповедую едино крещение во оставление грехов? Ответ. Сему научаемся, яко у нас православных Християн едино точию крещение во оставление грехов. Аще убо единощи водою и духом крещаемся, но трищи в воду погружаемся сицевым именованием святые животворящие Троицы, глаголет убо сице Иерей 72 : Крещается раб Божий, имярек, во имя отца, аминь, и сына аминь, и святого духа аминь, сиречь, право, воистинну буди тако. Вопрос. Чего ради сице написано в символе есть, едино крещение? Ответ. Яко всяк православный Християнин чрез весь век живота своего единощи сим святым крещением крещен бывает, яко же и Христос единощи за нас умре, то есть, едино крещение“, и прочая. Апостол, Евреем зач: 312. Не возможно бо просвещенных единою, и вкусивших дара небесного, а причастников бывших духа святого, и добра вкусившим Божия глагола, и силы же грядущего века, и отпадших паки обновляти в покаяние, второе распинающе себе сына Божия, и обличающе. Златоуст, сие объясняет. „Крещение есть крест, сраспят бо ся ветхий наш человек“. И паки: „Сообразни быхом подобию смерти его“. И паки: „С погребохомся убо ему крещением в смерть. Якоже убо несть второе распинатися Христу, сице несть креститися; иже убо второе крещаяй, паки его распинает“. Преподобный Иоанн Дамаскин тако о сем говорит: „Исповедую едино крещение во оставление грехов, и в жизнь вечную. Крещение бо Господне смерть являет, с погребохомся убо Господеви крещением, яко же глаголет Божественный Апостол; яко же убо единощи совершися Господня смерть, такожде единощи подобает креститися, крещатися же по Господню слову: во имя отца и сына, и святого духа, учащимся во отца и сына и святого духа исповеданию; елицы убо во отца и сына, и святого духа крестившеся, единому естеству в триех ипостасех научившеся, паки воскрещаются, сии распинают Христа, яко глаголет Божественный Апостол; не можно бо единощи просветившимся и проч., паки возновлятися в покаяние, второе распинают себе Христа, и погружающимся; елицы же не во святую Троицу крестишася, сим подобает паки креститися, и прочее“. |
| Назвать верующими во иного бога можно только тогда, если они и на самом деле вместо Христа обожают кого-либо другого, как, например, татары и турки обожают Моамефа. Но если еретики отметаются Христа только по отвержению каковой-либо единой, или нескольких его заповедей, а по богословию вравне с нами будут его исповедовать, тогда, порицая их во инобожии, мы вознесем хулу на самого Христа, ими исповедуемого. Преподобный Иосиф Водоколамский о сем пишет тако: «еретицы убо не едино мудрствуют, но ов убо тако, ов же инако: павликиане убо, и фотиане (фотиниане), фриги и евномиане, монтаниты и савелианы, маркиониты и измаилите, и инии таковии: сии убо не веруют во Святую и Единосущную Троицу, Господа же нашего Иисуса Христа Богом не нарицают, и плотского смотрения Его не приемлют, но овии убо пророка его нарицают, овии же просто человека. О сих убо глаголют вся Божественная писания, яко, егда приходят к православной вере, подобает им прежде поститися время довольно, и вне церкви стояти, потом же сих крестити, якоже еллины, таже и Божественному причащению сподобити. Суть же и друзи еретицы, аще и зле мудрствуют, но не тако, якоже первая, иже суть наватиане и донатиане, средницы и четыренадесятницы, и воздержницы, и инии таковии: сии убо исповедуют Святую Единосущную Троицу, и Господа нашего Исуса Христа истинного Бога нарицают, и плотскому смотрению его веруют, имут же некоторые ереси в себе. И аще восхотят приступити к православной вере, и ересь их прокленут, сих убо не повелевает Божественное писание крестити, но якоже крещенных приимати вскоре и божественных таин общению тех сподобливати» (Просветитель слово 15). Справедливость сказанного преподобным и собственный разум подтверждаем, говоря: если во устах христианина имя Христа Спасителя нашего свято, то и во устах какого-либо еретика оно отнюдь никак не может быть проклято. Ибо мы знаем, что и самого беса, когда он правильно исповедал Христа Сыном Божиим ( Мф.8:29 ), святые отцы не принимали за исповедание иного бога, но относили к нашему же Спасителю Сыну Божию. |
| 3 . Се же убо суть отступницы, иже в православной вере християнской родишась и лета некая пробыша и паки прельстишася, или во младенчестве неведения ради, или нужда ради, или в пленении отступиша от правыя веры; иже точию в себе зловерие и ересь имуща, и никого же от православных не прельстиша. И аще восхотят покаятися и паки приступить к православней християнской вере церкви, аще убо и страшно есть, но обаче милости сподобляти их божественная правила святых отец, паче же всех великий исповедник Мефодий патриарх Царя-Града. 4 . Суть же и инии отступницы, злейши первых, иже в православней вере родишася и возрастоша, ниже во младеньстве, ниже муки ради, ни в пленении, но самовольне отвергшеся Христа. О таковых пишет святый Василий Великий , правило 73. Овергийся Христа и приступив тайну спасения во вся лета живота своего плакатися подобает и исповедатись должен убо есть по время, в нем же отходит жития сего, церковней святыни сподобится верую Богу человеколюбцу. И святый Григорий Ниский пишет о таковых же, правило 1. Аще кто Христовы веры отвергся бысть Июдей, или идолослужитель, или Манихей, или ин некий таковый безбожия образ возлюбив, и о том зазрев себе и позна, аще обратится, время да имать на покаяние вся лета живота своего; да не молится с верными, но особь да молится, да не причастится святых даров, аще токмо не в болезни, смертнаго ради страха онаго от (об.) чаян же бысть. Ащели оживет, да пребудет паки непричастен до кончины 337 . Се убо глаголется о еретицех, иже своею волею кающеися преже обличения. 5 . Суть же злейше первых и вторых, иже ныне суть явившиися Новгородстии, глаголю, отступницы; ни иже во младенстве, ниже пленении и ниже нужди ради, но и родишася и многая лета пребыша в православной християнстей вере и самохотне и самопроизвольне отвергшася святыя единосущныя Троицы и православныя християнския веры и многа хуления изрекоша на Святую Троицу и на Пречистую Богородицу и на вся святая и много сквернения сотвориша на святую и божественную церковь и на святыя иконы, на животворящий Крест Христов и на священныя святых чюдотворцев мощи, и многих от православных християн прельстиша и в жидовство отведоша и оскверниша человеки всякими сквернами. В 338 лето бо 6979 овергошася Христа и всего православнаго християнства даже и доныне и ни един же от них обратися и покаяся. Сии убо суть злейшии всех еретиков и отступников. Таковии убо не Быша ниже в древния роды, ниже в средния и ниже в последняя. Се убо речено бысть, что суть еретицы и что отступницы, и о древних убо еретицех и отступницех священная правила, никая божественная писания по тоику сказуют: что еретики, каноны ереси которогождо еретика, и како их приимати кающихся и плоды покаяния искушати. |
| Что убо ради не самовольне приходим к толикому блаженству, не приидем ли ко ангелам сим, не сожительствуем ли ангелам сим, не приимем ли чистые ризы и обновимся браком сим, не помышляем брак званы есмы, Божий брак, не внимаем ли, яко в чертоги сия званной души внить подобает благими делами, светлостью жития? Отыдем убо ко онех скиниям, да делами навыкнем удобства; ничим же убо их пребывания хужше небес устрояются; ибо ангелы сходят к ним, и сам ангелски Владыко. Аще бо ко Аврааму приидоша – мужу, жену имеющу и дети питающу, понеже убо страннолюбна видеша; егда же убо много вяшщу свобожена и во плоти плоть презирающа, много паче зде пребывают и ликуют подобающее им ликование». Сия убо блаженный Златоуст и прочии святые сему согласуют, яко безженных, чисто живущих всех преудивляет житие; девство бо есть аггельское житие, с ангелами сочиняет любящих его. Тем же поучаем и наказуем твое благородие и благочестие соблюдаться от ложных пророков, иже приходят во одеждах овчих, и не веровать всякому духу, но покоряться Апостолу глаголющу: братие, покоряйтеся старейшинам вашим и повинуйтеся; ти бо бдят о душах ваших, яко слово хотяще воздать в день судный. Покоряйся убо, возлюбленный о Господе духовный сыне, боголюбивому епископу твоему, яко аще прилучится Господский праздник Рождества Христова и Богоявления в среду или в пяток, разрешает епископ мирских есть мяса и все, иноких же млеко, и масло кравие, и сыр, и яйца; на Рождество же пречистой Богородицы, и на Сретение, и на Успение, и на Преображение Христово в среду и в пяток разрешает иноков же и мирских на масло древяное, и на овощи, и на рыбу, и на вино; на Благовещение же до недели вербной, нъ кой убо день, аще случится, разрешает на масло, и на овощи, и на вино; на страстной же неделе до великого пятка – на масло и на вино, в великий же пяток – на вино точию. Два же праздника Предтечева, и святых Апостолов Петра и Павла, и возлюбленного Иоанна Богослова и к сим других нарочитых святых аще случится в среду или в пяток, аще благословит и повелит епископ есть масло древяное, и овощи, и рыбы, и вино, сице твори; на Воздвижение же честного креста – масло древяно и вино; в дваженадесятих дней от Рожества Христова до Крещения, да неделя о Мытаре и о Фарисее, да неделя сыропустная, да неделя светлая, да неделя по Троицыне дне, от светлой же недели даже и до пянтикостии в средах и в пятцах пост иже до девятого часа не соблюдаем; но аще и снедь сыра, и масла кравьего и мяса отметаемся, стыдением апостольского правила, но масло древяное и другое, к сим и рыбы приемлем, зане в сих днех аще и память Господского распятия творяще, распятию пристоающая тропари поем; но и воскресные сими 572 споем, якоже и во иных днех умилительные тропари примешаем: да аще праздники Господские в среду и в пяток, или коего нарочитого святого, и до самого пянтикостия, вопрошай главу свою, еже есть епископа твоего, да аще что глаголет, сице твори, веруя, яко Господь Бог глаголет устами епископа твоего; аще ли не велит, постися тогда. |
| Съи убо блаженыи Петр родися от христиану и благоговеину родителю в едином от мест земля Велынскыа. Прилучиже[ся] нечто сицево и прежде рождениа его, еже не достоит молчанию предати. Еще бо ему сущу в утробе матерни, в едину от нощыи, свитающы дневи недели, виде видение таково 62 мати его. Мнеше бо ся еи агньца на руку держати своею, посреде же рогу его древо благолиствно израстъше и многыми цветы же и плоды обложено, и посреде ветвеи его многы свеща светящых и благоуханиа исходяща. И възбудившися, недоумеяшеся, что се или что конець таковому видению. Обаче аще и она недомышляшеся, но конець посъледе с удивлением яви, еликыми дарми угодника Своего Бог обогати. Рождьшужеся отрочати, и седмаго лета възрасти достигшу, вдано бывает родительми книгам учитися. Но убо учителеви съ прилежанием ему прилежащу, отроку не спешно учение творяшеся, но косно и всячьскы не прележно. О сем убо немала печаль бяше родителем, немалу же тщету се вменяаше себе и учитель его. Единою же яко во сне виде отрок некоего мужа 63 в святительскых одеждах пришедша и ставша над ним, и рекша ему: «Отверзи, чадо мое, уста своя». Оному же отверзъшу, святитель десною рукою прикоснуся языку его и благословившу его, и яко же некоею сладостию гортань его нальявъшу. И абие възбудися отроча и никого же виде. И от того часа вся, елико написоваше ему учитель его, малым проучением изъучааше, яко и в мале времени всех съверьстьник своих превзыде и предвари. Бывъшу же ему двоюнадесятим летом, иде къ прележащеи тамо пусты ни в един от монастырь, и от тамо сущаго игумена постризается и к братии причитается. И с отъятием убо власныим и всяко мудрование съотрезает плотьское, и бывает свершен [въ] всем послушник 64 , духовному отцю своему последуя. В поварню убо воду на раму своем и дрова нося, и братия власницы измывая, зиме же и лете се творя безъпрестанно. Ни же се остави правило, еже по звону церковному пръвому обретатися в церкви в нощьных и в дневных правилех, и по скончани послежде всех исходити. Но и стоящу ему в церкви и съ благоговением послушающу божественаго писаниа с всякым прилежанием, николи же въсклонися к стене. И лета убо доволна в таковомъ устроени проводи день от дне, яко же некоею лествицею въсхождениа в сердци полагаше, по Лествичника указанию же и слову. Всегда убо наставника во всем послушая и братиамь без лености служа, не яко человеком, но яко самому Богу. И всем образ бываше благ к добродетельному житию смерениемь и кротостию, и молчанием. |
|
|
