| «Егда Литовских полков Гетман, зовомый Саиега, прииде под монастырь святые живоначальные Троицы Сергия чудотворца, тогда града Переяславля Залесного людие всяких чинов, забывше крестное целование, нзмениша Государю своему благоверному Царю и Великому Князю Василию Ивановичу Московскому, и присташа к сопротивным, и соединившися с Литовскими людьми, поидоша ко граду Ростову, ведуще бо его не крепка суща. И абие вестно бысть в Ростове, яко Переяславцы с Литвою идут ратию на град, и приидоша вси людие Ростовстии с градоначальники к преосвященному Митрополиту Филарету и молиша его, да благословит им бежати в Ярославль град; он же увещеваше и утверждаше их стояти крепко за православную веру и за Государя своего, ему же крест целоваша, и глаголаше к ним: «аще одолены от супостат наших и избиены будем, то венцы мученические от Бога приимем.» Людие же молиша его, да и сам с ними в Ярославль пойдет; а Святитель Божий, яко адамант тверд и столб непоколебимый, мужественным великодушием стоя, рече: «аще ми будет и многия муки претерпети, дому пречистые Богородицы и Ростовских чудотворцев не остануся.» То слышащие от него людие, овии бежаша в Ярославль, а друзии яко овцы при пастыре своем, при Архиерею Божию осташа. Уведав же Святитель приближающиеся супостаты, пойде в соборную пречистые Богородицы церковь и облечеся в святительския одеяния, и людие мнози в церковь стекошася; готовяся же Святитель, яко агнец к заколению, причастися пречистых и животворящих таинств тела и крове Христовы, такожде же и овцы словесные, пастырь добрый, тою безсмертною пищею напита; повеле бо протопопу и иереем, вся сущия в церкви люди исповедати и причастити божественных тайн, и возложися на Бога глаголя: «се аз и дети, яже дал ми еси Боже.» Тем временем приидоша Переяславцы и Литва во град, и начата избивати людей, елицех обретоша во граде, не убежавших к Ярославлю; таже идоша к церкви; Митрополит же повеле утвердити двери, и начаша тыи к дверям приступати, и биюице сокрушати дверь и добывати церкве. Митрополит же к дверям пришед, нача говорити Переяславцом, увещевая от божественного писания, чтобы помнили свою православную веру, и от Литовских людей отстали бы, и чтобы обратились к своему Государю, ему же крест целоваша. А Переяславцы, яко волцы возопиша велиим гласом, и начата жесточае в двери бити, и восбивше двери, начата сещи люди, и изсекоша множество неповинного народа. А Митрополита с места его жива взята, и святительская с него содраша облачения, и одеяша его в худые одежды и отослаша в село Тушино, еже близ Москвы.» (Он был освобожден войсками Князя Михаила Шуйского близ Осипова монастыря). |
| Ирмос: Юноши благочестивыя, пещи огненней приобщившияся, шумящ дух росный невредимы сохрани, и Божия Ангела снизхождение. Темже в пламени орошаеми благодарственно воспеваху: препетый отцев, Господи и Боже, благословен еси. Припев: Слава Тебе, Боже наш, слава Тебе. Якоже на небеси с трепетом и чудом предстояху, во Иордане силы Ангельския, смотряюще толика Божия схождения: яко держай превышних вод состав, в водах Плотоносец стояше, Бог отцев наших. Слава Отцу и Сыну и Святому Духу. Облак древле и море Божественнаго проображаху крещения чудо, в нихже древнии крестишася, исходяще законнии людие. Море же бе образ воды, и облак Духа: имиже совершаеми, благословен еси, зовем, Господи Боже, во веки. И ныне и присно и во веки веков. Аминь. Вси вернии, в Немже совершение прияхом, богословяще немолчно со Ангелы, прославим Отца и Сына и Духа Святаго; се бо Троица Ипостасьми Единосущная, Един же Бог, Емуже поем: благословен еси, Господи Боже, во веки. Песнь 8 Ирмос: Тайну преславную Вавилонская показа пещь, источившая росу, яко струями имяше невещественный Огнь восприяти Иордан, и объяти плотию крещаема Зиждителя; Егоже благословят людие и превозносят во вся веки. Припев: Слава Тебе, Боже наш, слава Тебе. Отложи страх весь, Избавитель Предтечи рече, Мне же повинися, яко Благому, Мне приступи, сие бо естеством бых. Моим повелением покорися, и крести Мя сошедшаго: Егоже благословят людие и превозносят во вся веки. Слава Отцу и Сыну и Святому Духу. Глаголы якоже услыша Креститель Владычни, с трепетом длань простирает: обаче же рукою коснувся верху Зиждителя своего, Крещшемуся вопияше: освяти мя, Ты бо еси Бог мой, Егоже благословят людие и превозносят во вся веки. И ныне и присно и во веки веков. Аминь. Троицы явление во Иордане бысть, Самое бо Пребожественное естество Отец возгласи: Сей крещаемый Сын возлюбленный Мой; Дух же прииде к подобному, Его же благословят людие и превозносят во вся веки. Песнь 9 Ирмос: Недоумеет всяк язык благохвалити по достоянию, изумевает же ум и премирный пети Тя, Богородице. Обаче Благая сущи, веру приими, ибо любовь веси Божественную нашу: Ты бо христиан еси Предстательница, Тя величаем. |
| Песнь 8 Ирмос: Тайну преславную вавилонская показа пещь,/источившая росу,/яко струями имяше невещественный Огнь восприяти Иордан/и объяти плотию крещаема Зиждителя,/ егоже благословят людие и превозносят во вся веки. Отложи страх весь, – Избавитель Предтечи рече, –/Мне же повинися, яко Благому,/Мне приступи, сие бо естеством бых,/Моим повелением покорися и крести Мя, сошедшего,/ егоже благословят людие и превозносят во вся веки. Глаголы якоже услыша Креститель Владычни, с трепетом длань простирает,/обаче же, рукою коснувся верху Зиждителя своего, Крещшемуся вопияше:/освяти мя. Ты бо еси Бог мой,/ егоже благословят людие и превозносят во вся веки. Троицы явление во Иордане бысть,/самое бо Пребожественное Естество, Отец, возгласи:/Сей крещаемый – Сын возлюбленный Мой,/Дух же прииде к Подобному,/ егоже благословят людие и превозносят во вся веки. Ин. Песнь 8 Ирмос: В пещь огненную ко отроком еврейским снизшедшаго/и пламень в росу преложшаго Бога,/пойте, дела, яко Господа,/и превозносите во вся веки. Удобрившися добродетельми, украсилася еси добротами мучения/и Жениху обручилася еси, паче всех человеков краснейшему,/добротою сияющему безсмертия, Татиано Богомудрая. С безплотными слугами в темнице Творца славословила еси,/сияющи славою Божественнаго блистания/и всем неприступна пребывающи, держимым тьмою прелести. Сокрушение твоих удес истни врагов коварства,/кровей течение нечестия лютыя потоки, честная, изсуши,/пучина чудес нам явльшися. Богородичен : Спаси, ущедри ны,/щедраго Бога нам Спаса рождшая паче слова,/огнепальных помышлений и страстей изымающи зноя Твоими молитвами,/Чистая, Препрославленная. Песнь 9 Ирмос: Недоумеет всяк язык благохвалити по достоянию,/изумевает же ум и премирный пети Тя, Богородице,/обаче, Благая сущи, веру приими,/ибо любовь веси Божественную нашу:/Ты бо христиан еси Предстательница, Тя величаем. Давиде, прииди Духом к просвещенным, –/ныне приступите, – пой к Богу, –/верою, – глаголя, – просветитеся!/Сей нищий воззва Адам в падении, ибо Того услыша Господь,/пришед, струями Иорданскими тленнаго же обнови. |
| КОНДАК 6 Предстояще пред пречистым Твоим образом, вси людие проповедают великия Твоя милости, яко град наш и вся грады ограждаеши, и веси защищаеши, и ведуще Тя воистину помощницу сильну и непобедиму, со слезами приносим ти молитвы, поюще: Аллилуиа. ИКОС 6 Видение чудесное Богоматери и святыя словеса Ея приемля, приемши Твой святый образ во храм, и во время мирового поветрия с молебным пением припадающе к Тебе людие Твои, и исцеление получивше, со слезами взываше сице: Радуйся, во утешение даровавшая нам образ Твой чудотворный. Радуйся, новую милость и новую благодать нам явившая. Радуйся, покровительнице наша от бед нас спасающая. Радуйся, в болезнях наших скорую помощь нам подающая. Радуйся, теплая ходатаица о живущих во граде Твоем. Радуйся, всеблагая наша наставнице, любовию нас привлекающая. Радуйся, хранительнице наша от бед и болезней. Радуйся, за вся благодеяния Твоя благодарению нас научающая. Радуйся, похвало Урюпинская, града нашего держава и украшение. КОНДАК 7 Хотя благочестивыя люди достойно перенести Твой честный образ во храм Вознесения Господня и ублажать Тя хвалебно собором. Ты же чудодействием явилася еси на место явления Твоего, да вси удивляшеся чудесам сим, воспеваша Богу: Аллилуиа. ИКОС 7 Новое знамение милосердия Твоего явила еси, Владычице, в чудесном прославлении святыя иконы Твоея. Вси людие — здравии и болящие, богатии и нищие, прибегаем к Тебе; буди милостива к нам, недостойным рабам Твоим, любовию воспевающим Тебе таковая: Радуйся, приносящая к Сыну Твоему моления верных. Радуйся, Заступница усердная рода христианскаго от Бога нам дарованная. Радуйся, предстательнице к Богу, мир от бед спасающая. Радуйся, благосердная услышительнице молений наших. Радуйся, за всех нас милостивая к Сыну Твоему и Богу ходатаица. Радуйся, грешных с Богом примирение. Радуйся, верных Господеви сочетавшая. Радуйся, Бога с человеки соединившая. Радуйся, похвало Урюпинская, града нашего держава и украшение. КОНДАК 8 Дивно Тя от небес на святых горах явившуюся, Ангели воспеша, апостоли прославиша, лик святый восхвалиша, вси люди поклонишася Тебе и прославиша славу Твою, и воспеша Богу: Аллилуиа. |
| Чюдо 23 Полуборской волости человкъ нкий именемъ Димитрий прииде на Хергозеро во обитель чюдотворца Макария помолитися и пред чюдотворным его образом молебное пние соверши. И повда попу Герасиму при братии во обители и при множеств людей, яко бысть у него скорбь, нарицаемая веснуха, вельми тяжка. И бысть он в той скорби многое время. И приводиша к нему многи врачи, и никтоже что ползы сотворити не возможе. Но воспомянувъ великаго чюдотворца Макария, и помолився ему со слезами, и общася ити во обитель, л. 38 об. и молебное пение совершити, и даръ принести «по сил моей». И внезапу молитвами чудотворца Макариа от тое скорби бывъ здравъ. И вси слышавший прославиша Бога и чудотворца Макария. Чюдо 24 Человкъ нкий именем Борисъ восхот чюдотворную икону преподобнаго отца Макариа, которая в Хергозерской обители, дабы ему обложити тое икону златомъ и сребром. И привезена бысть та икона ис пустыни во град Каргополь в домъ к троицкому священнику Герасиму. Священник 424 же Герасимъ тогда болен б ногами, и опухоль велия на ногахъ его, едва можаше мало камо прейти, и то со опочивомъ. И во единъ вечеръ попъ Герасим помолився доволно пред образом чюдотворцевым и ляже уснути. л. 39 Явися же ему во сн нощию чюдотворец Макарий, глаголя: «Се видиши во двор своем стоящъ котелъ вашъ с капустнымъ крошенымъ и испаренымъ листом? И обложи тм ноз свои и привей платы» 425 . Поп же возбудився от сна и сотвори тако, якоже повел ему во сн чюдотворецъ Макарий. И абие опаде с ногъ его опухоль, и Быша ноги его здравы. И возрадовашася вси домашний его, и прославиша Бога и чюдотворца Макария. Чудо 25 Егда же обложиша чюдотворную икону преподобнаго отца Макариа златом и сребромъ и внесоша во церковь Живоначалныя Троицы, тогда богоспасаемаго града Каргополя от всх церковных приходовъ собрашася священ л. 39 об. ницы и диакони, мужие же и жены, и малии дти, и мало не вси людие, живущии во град, пред образомъ чудотворца Макариа молебная пния совершающе. И вземше ис церкви той святый честный и чюдотворный образъ, и понесоша его абие в Хергозерскую пустыню, идже обитель во имя его, чюдотворца Макариа, составлена. И провождаху вси людие града того честно поприще со умилениемъ и с теплыми слезами, а инии два и три поприща. А инии боголюбивии людие провождаху и до самыя Хергозерския пустыни. И путем идучи от погоста до погоста, везд священницы с причетники той честный образъ сртающе и провождающе со звономъ и молебнымъ пниемъ. |
| Поступим уже во глубину настоящаго нашего общежительства и узрим великое же и зде сочисление 2875 великих нашых отцев, священноиноков и иноков и простых подвижников. Отец Пафнутий, отец Феодосий, отец Серапион, отец Пахомий, ученик великаго отца и прочих множество. Не сии ли вси святопожиша во общебратском сем святом нашем киновийском великом доме и святопреставишася, ихже телеса благочестно положени суть во общей нашей Усповосприемной нарицаемой горе. Еда же забудем свою киновию, тогда забудем благосердаго милостиваго и прекроткаго нашего Аарона, глаголю, киновиарха иже собра вначале общебратство сие? Не воспомянем ли же и подобных Финеесам ревностию с прочиими? Или мимотещи можем подобных каменю веры слезоточащих присно наших Петров и Еда же ли забвенна учиним и великаго подражателя во всем житии своем святому Предотечи, постника и исповедника нашего премудраго Симеона, единоутробнаго и возлюбленнаго брата виновному сего словосочинения? Сии вси есть наши наставники и вси равно глаголаша нам слово Божие, вси единственно поучаху нас пребывати во истинной святой христианстей вере. Вси согласно заповедаша нам во всех святых таинствах веровати освящающий святый трисоставный крест Христов. Вси они непременяемо повелеша нам знаменатися десницею, якоже и Христос Спаситель благослови святыя апостолы при вознесении своем на небо; учаху благоверно слагати первый перст со двема последними в символе Святыя Троицы, указательный же перст и средний – в символ дву естеств во Христе. Вси единако 2876 завещаша устами и рукописаниемь своимь в книгах и святых иконах вси сии святыя древности неизменно содержати и оным святое благоверие сочленневати, якоже Спасителево Исусово святое имя веровати и почитати за Спасителя и Исцелителя нашего, а не за равноухаго (по новым и святую аллилуйю сугубую воспевати, такожде крещение святое трипогружательное, седмипросфирное в литургии священнодействие и прочее все, иже старопечатныя книги в себе содержат. Вси они помянутии пастыри и наставники наши во оном святодревнем благоверии свято и праведно пожиша и благочестиво во оном скончашася: овии естественною смертию, друзии же великими мучениями и огнем испечени Быша за неотменное святаго благоверия всеверное свое содержание. Убо довлеет нам повсегда взирати на толь превеликий облежащий нас облак премудрых и святых учителей и святое их жительство, гордость же всякую, по апостолу, отложьше, неизменно и несомненно подражати и святую веру Но где же наш Моисей, виновник словоглаголанию Почто его не зрим во облаце сем? Почто не видим посреде толь светлаго и святаго святых собора? Почто благословеннаго от всех оных преблагословенных отец и премудрых учителей премудраго нашего отца и учителя Андрея Дионисьевича не слышим и не познаваем? Где он есть и куда отлучился? Или он отошел на Сионскую небесную гору по взятие вечных Или тамо в незнание всем погребен бысть ангелом? Или мы сами позабыли его вспомнить между воспоминаемыми нами незабвенными нашими учители и наставники? |
| Горлица, – самая чистая птица, всегда живущая на возвышенностях – есть образ Спасителя. Почитаем физиологов (см. Плин. кн.10, гл. 34), и мы найдем, что таково свойство горлицы, что она если потеряет супруга, то не соединяется с другим, – и поймем, что двоебрачие не одобряется даже безсловесными птицами. Затем горлица говорит горлице: смоквь изнесе цвет свой ( Песн.2:13 ), т.е. заповеди ветхого закона пали и цветущие отпрыски Евангелия дали благоухание. Отсюда и апостол говорит: Христово благоухание есмы ( 2Кор.2:15 ). Возстани, прииди ближняя моя, добрая моя, голубице моя, прииди. Ты голубице моя в покрове каменне, близ предстения: яви ми зрак твой и услышан сотвори ми глас твой: яко глас твой сладок и образ твой красен ( Песн.2:13–14 ). Пока ты покрывала с Моисеем лице твое и в Законе было покрывало, ни лица твоего я не видел, ни голоса твоего не удостоивал услышать, говоря: «и если умножите молитвы ваши, и то не услышу вас» ( Иер.11:11 ). А теперь с открытым лицом созерцай славу мою и закрывайся оградою из самого крепкого камня. Слыша это, невеста открывает тайны целомудрия: брат мой мне, и аз ему, пасый в кринах ( Песн.2:16 ), т.е. среди чистейших хоров девственниц. Хочешь ли знать, какой престол имеет истинно миролюбивый Соломон и каких оруженосцев? Се, одр Соломонь, шестьдесят сильных окрест его от сильных Израилевых: вси имуще оружия, научени на брань: муж оружие его на бедре его ( Песн.3:7–8 ). Состоящие в свите его имеют меч при бедре, как оный судия Аод μφοτεροδξιος 5 ) ( Суд. 3 ), который умертвил тучнейшего врага, всецело преданного плоти, отсекая все похоти. Пойду, говорит, к горе смирней ( Песн.4:6 ), т.е. к тем, которые умертвили тела свои, и к холму Ливанску – к чистейшим сонмам девственниц – «и скажу невесте моей»: вся добра еси, ближняя моя, и порока несть в тебе (ст. 7). Поэтому и апостол говорит: да представит ю себе славну церковь , неимущу скверны или порока ( Еф.5:27 ). Гряди от Ливана, невесто, гряди от Ливана: прииди и прейди из начала веры, от главы Санира и Аермона, от оград львовых, от гор пардалеов ( Песн.4:8 ). |
| " Христову подражателю, небесному жителю, вышеестественному и плотному ангелу, преизящному и премудрому духовному учителю нашему, пастырю же и молитвенику, великому господину, отцу отцем, преосвященному Филиппу митрополиту московскому и всея Русии, по благоволению Вседержателя Христа Бога, царь Алексей, чадо твое, за молитвы святых ти здравствует. Ничто же ми тако печаль души творит, пресвятый владыко, яко же быти тебе богохранимого царствующего нашего града Москвы во святей велицей и применитей соборней и апостольской церкви… второе, молю тя и придти тебе желаю семо, еже разрешити согрешение прадеда нашего царя и великого князя Иоанна, нанесенное на тя нерассудно завистию и неудержанием ярости, и еже на него твое негодование а к и о б щ-ника и нас творит злобы его, яко же пишется: терпчины бо родительные оскомины чадам различные творят… Аще и неповинен есмь досаждения твоего, но гроб прадедний присно убеждает мя и в жалость приводит… И сего ради преклоняю сан свой царский за оного, иже на тя согрешившего, да оставиши ему согрешения его своим к нам пришествием… Сего ради тя молю о сем, освященная главо и честь моего царства, твоим преклоняю честным мощам и повиную к твоему молению вею мою власть, да пришед простиши, иже тя оскорби понапраснству, раскаялся бо о содеянном, и он тогда, и за того покаяния к тебе и нашего ради прощения, прииди к нам, снятый владыка. Исправи бо ся тобой и евангельский глагол, за него же ты пострада, за еже всяко царство раздельшеся на ся не станет, и несть пререкующего ти глаголати о сведениях Господних, и благодать Божия в твоей пастве, за молитв святых ти, в нашем царстве присно изобилует, и несть уже днесь в твоей пастве некотораго разделения. Аще бы убо было, не бы стояло доселе, разделения ради, но ныне вси единомышленно просим и молим тя, прииди с миром во свояси и свои тя с любовью приимут. О священная главе, святый владыко Филипп, пастырю наш! Молим тя, не презри нашего грешного моления, прииди к нам с миром. Царь Алексей желает видеть тя и поклонитися мощем твоим святым " . |
| Слава, и ныне, праздника, глас 5: В оспойте, людие, Матери Бога нашего: На стиховне стихиры, глас 5: Подобен: Р адуйся: Радуйся, земле Русская,/имущи чудотворный образ Всецарицы Богородицы,/иже, яко звезда светозарная,/пределы твоя просвещает./Приидите, вси людие, припадем к Пречистей Отроковице,/болезни щедро исцеляющей,/от злостраданий скоро избавляющей,/от напастей духов злобы свобождающей/и печали елеем милости утоляющей./О, Мати Всеблагая,/преукрашенная благочестия добротами,/облецы ны целомудрия одеждами/и не остави любовию чтущия Тя. Стих: С лыши, Дщи, и виждь,/и приклони ухо Твое. Радуйся, земле Русская,/дом Пресвятыя Богородицы нареченная,/ликуй, красуйся и торжествуй,/дар драгоценный восприимши/от удела перваго Богородицы, Святыя горы Афонския,/многоцелебный образ Приснодевы,/емуже с верою покланяющеся,/воспеваем из глубины сердечныя:/о Благословенная Царице,/Ты ведаеши чаяния и воздыхания душ наших,/не остави нас, Любоблагая,/подаждь нам помощь спасительную/и утеши нас Твоим Небесным предстательством. Стих: К лятся Господь Давиду истиною,/и не отвержется ея. Ныне соберитеся, людие Божии,/приидите, вси концы земли,/се бо образ небосветлый Марии Девы Всецарицы/созывает к веселию верныя./О, велия милость Владычицы!/О, паче ума чудес множества,/чрез икону сию источаемых!/Темже песненными похвалами воспоим, глаголюще:/радуйся, Всенепорочная Дево,/радуйся, Ковчеже священный Слова Божия,/радуйся, Обрадованная,/радуйся, Цвете неувядаемый чистоты нетленныя,/радуйся, Невесто Неневестная. Слава, и ныне, праздника, глас 2: Д авидскую песнь днесь, людие, воспоем Христу Богу: Тропарь, глас 4: Образом Твоим радостотворным,/Владычице, Всецарице Богородице,/болезни и недуги наша исцели/и от всяких бед и напастей огради,/к заступлению Твоему присно прибегающих. На утрени По 1-м стихословии седален, глас 4: Благослови ны, во юдоли земной странствующия, Всесвятая Богородительнице, Небесе и земли Царице, да, песньми и пеньми ликовствующе, воспоим пришествие святаго образа Твоего. |
| Кондак 4 Бурю смятений, бед и гонений в стране нашей воздвигнутую утоли, Владычице, благоизволила еси икону Твою промыслом Божиим спасти и сохранити ю, се взятая из Собора и в реку опущенная приплыла по водам в тихую Богоспасаемую весь Двуречки, да верою укрепляемые людие до конца живота своего благодарят Бога и Тебе Царицу небесе и земли за щедроты и милости на них излиянныя и поют в радости сердца: Аллилуиа. Икос 4 Слышаще православные людие об иконе Твоей чудотворной, прибегают к Тебе с теплым молением и помощи Твоея просяще к Тебе взывают сице: Радуйся, всех любящих Тя благодатию Твоею посещающая; Радуйся, цельбоносную помощь Свою, щедро на всех просящих у Тебе милости, изливающая. Радуйся, в сонниих видениях волю Твою рабом Твоим открывающая; Радуйся, от иконы Твоея благоухание источающая. Радуйся, Источниче неиссякаемый чудес и благодати; Радуйся, родник радости и веселия. Радуйся, Солнце, согревающее и просвещающее души верных; Радуйся, от Нея же всем просящим помощи подаются исцеления и утешение. Радуйся, Ею же все обретают спасение; Радуйся, благодатная Царице небесе и земли, цельбоносную помощь иконою Твоею нам являющая. Кондак 5 Боготечная Звезда святая и чудотворная икона Твоя, Владычице, весь град наш и всю страну нашу исполнила благоуханием милостей и щедрот Твоих, да вси людие от скорбей и болезней предстательством Твоим избавляемые, благодарят Тебе Царицу цельбоносную, всех утешающую, и поют Богу: Аллилуиа. Икос 5 Видев вси людие липецкие, Владычице, токи чудес излиянныя на недужных Твоею милостию, усердно притекают к чудотворному образу Твоему во граде нашем прославленному, и слезное моление Тебе, Царице, приносят во умилении зовуще: Радуйся, в недузех страждущим - море помощи благодатное; Радуйся, болезней неизлечимых врачевство скорое и совершенное. Радуйся, единым прикосновением к иконе Твоей святой исцеления подаются; Радуйся, елеем и водою от нея освященным смертельные болезни врачествуются. Радуйся, пред сыном Твоим и Богом милосердная о нас ходатаице; Радуйся, Благодатная пред Ним предстательнице. Радуйся, весей наших хранительнице. Радуйся, града нашего Липец ка блистательное похвало; Радуйся, цвете райский неувя даемый чудною красотою сия ющий. Радуйся, надеждо наша и веч ное утешение; Радуйся, благодатная Царице небесе и земли, цельбоносную помощь иконою Твоею нам являющая. |
|
|
