| И ныне, Богородичен: Творец и Избавитель мой,/Христос Господь,/воплощся из Тебе, Пречистая Мати и Дево,/первую клятву, яже от Адама, разруши./Темже немолчно со Архангелом вопием Ти:/радуйся, Благодатная, радуйся, Владычице,/мира Заступнице, Покрове и спасение душ наших. На стиховне стихиры, глас 2. Подобен: Доме Евфрафов: Подвизайся добрым подвигом веры,/нощь же и день в терпении и молитве пребывая,/преподобне Геннадие,/течение твое, яко добр воин, скончав,/обетования вечнаго наследия приял еси. Стих: Честна пред Господем/смерть преподобных Его. Отложив ветхаго человека с деяньми его,/обновлялся же выну духом ума твоего,/облеклся еси, отче всечестный,/в новаго человека, созданнаго по Богу,/в правде и в преподобии истины. Стих: Блажен муж, бояйся Господа,/в заповедех Его восхощет зело. Блажим тя, благоугодившаго пред Господем,/блажим сохраншаго от юности/чистоту душевную и телесную,/достойно есть присно ублажати тя,/преподобне Геннадие. Слава, глас 8: Чтуще тя, преподобне: (зри страницу 299). И ныне, Богородичен: Владычице, приими: По Ныне отпущаеши: тропарь преподобному, глас 4: Яко пустыннолюбивая горлица: (зри на велицей вечерни). Слава, и ныне, Богородичен: Еже от века утаенное: НА ВЕЛИЦЕЙ ВЕЧЕРНИ На Господи, воззвах: стихиры, глас 8. Подобен: О, преславнаго чудесе: Измлада умудрен быв Божественным Писанием,/возмогая же во благодати,/яже о Христе Иисусе, Господе нашем,/потщался еси, преподобне Геннадие,/подвизатися подвигом добрым,/себе искусна поставите пред Богом,/делателя непостыдна, духом горяща,/Господеви работающая./Темже и был еси образ верным,/словом и житием, любовию, верою и чистотою./Ныне же водворяяся в селениих Небесных/и тамо с лики Безплотных сил прославляя Триипостаснаго Бога,/моли, преподобне, о рабех,/чтущих всехвальную память твою. Возгревая дар Божий,/живущий в тебе, отче всечестный,/отревая же всяку житейскую суету,/очистив себе от всякия скверны плоти и духа,/соделался еси сосуд в честь,/освящен и благопотребен Владыце,/на всяко дело благое уготован./Темже уготовася ти неувядаемый венец Божественныя славы,/егоже сподоби, Господи, и нас, грешных,/молитв ради угодника Твоего. |
| «Кто иногда слушается, а иногда не слушается старца, тот подобен человеку, который к своему больному глазу в одно время прикладывает целебную мазь, а в другое — известь. Ибо Писание говорит: «Един созидая», а другой разоряяй, что успеет более, токмо труд ( Сир.34:23 ) — (Лествица, сл. 4. поуч. 60). «Кто вопрошает и ослушивается отцев, тот раздражает Бога», — говорит Варсануфий Великий (отв. 55). «Ни от чего не отвращайтесь, — ни от душевных, ни от телесных трудов, потому что и телесное наше, будучи посвящаемо Богу, духовно есть» (Святой Феодор Студит, 4, 4; Добротолюбие, т. 4). «Каким образом телесные труды делаются душевными добродетелями? Какое отношение имеют телесные труды к расположению души? Я объясню вам это, — говорит авва Дорофей: — так как душа по преступлении заповеди предалась, как говорит святой Григорий, прелести сластолюбия и самозакония и возлюбила телесное, и некоторым образом стала как бы нечто единое с телом и вся сделалась плотию, как сказано: не имать пребывати дух мой в человецех сих, зане суть плоть ( Быт.6:1 ), и бедная душа как бы состраждет телу, и соучаствует во всем, что делается с телом. Посему и телесный труд приводит душу в смирение: труд смиряет тело, а когда тело смиряется, то имеет с ним смиряется и душа» (Авва Дорофей. поуч. 2) 10 . Но «телесное обучение вмале есть полезно, а благочестие на все полезно есть». ( 1Тим.4:8 ); и телесный труд полезен настолько, насколько служит духовному совершенствованию, насколько приучает человека к смирению. На вопрос, что больше — телесный труд или хранение сердца? Авва Агафон ответил одному брату: человек подобен дереву: телесный труд—листья, а хранение сердца — плод. Поелику же, по Писанию: всякое древо, еже не творит плода добра, посекасмо бывает и в огонь вметаемо ( Мф.3:10 ), то, очевидно, важно попечение о плоде, т.е. хранении ума. Впрочем, для нас потребно и лиственное прикрытие и благоукрашение, т.е. телесный труд» (Ник. Уед.; Добротолюбие, т. 5, стр. 265). Что касается мысленного, внутреннего повиновения старцу, то оно обязывает послушника к следующим действиям: прежде всего он должен постепенно отсекать свои разумения, научиться ничего не слагать умом и сердцем ни относительно настоящего, ни относительно прошедшего и будущего, не верить себе, своему уму и сердцу, не решать без определенного наставника, что хорошо и что худо, ни знать, ни думать даже, без указания отца. |
| И не иное что на уста приходит, токмо различные оныя Духом Святым иногда воспетыя гласы, торжеством вкупе и благодарением Божию помощь славящие: поим Господеви славно бо прославися: велий Господь наш, и велия крепость Его: и разумна Его несть числа. Сотвори с нами величии сильный, и свято имя Его. Сей Бог наш о прославим Его, Бог отца моего, и вознесу Его, Господь сокрушаяй брани, Господь имя ему. Кто подобен Тебе в бозех, Господи? Кто подобен Тебе? Десница, Твоя, Господи, прославися в крепости, десная Твоя рука сокруши враги, и множеством славы Твоея стерл еси супостаты. Господи, силою Твоею возвеселится царь, и о спасении Твоем возрадуется зело. О крепкий во бранех, Господи! Не преставай и до века тако прославити в нас непобедимую силу Твою, храня и защищая люди твоя, и сокрушая враги креста Твоего. О слово Израилева! О едина похвала верных, Твоих, Господи! Укрепи Боже сие, еже сотворил еси в нас: да будет сия, Тобою данная победа, во славу имени Твоего, в радость всему православию, в страх и трепет всем злославным и враждебным иноверцем, в похвалу цареви нашему, во образ наследию Его: не отступай и в последние дни верного Твоего служителя, православного монарха нашего, ополчаяся окрест его, и укрепляя оружие его, дондеже испразднятся вси жестоковыйные и непослушливые раби, дондеже покорятся вси восстающие нань врази, дондеже вси языцы бранем хотящие, крайним ударенни страхом, утихнут и не рекут, где есть Бог их? Но купно с нами прославят Отца и Сына и Святого Духа, Ему же слава во веки. Аминь! 5. Из похвального слова о Флоте Российском (1720) (Необходимость заведения флота) Да рассудит всяк, к чему толь пространная поля водная, моря и безмерный океан создал Бог? К питию ли? Довлели бы на сие реки и источники, а не толикое вод множество большую часть земноводного сего круга объемшее, еще же и питию человеческому весьма не угодное. Сия того вина есть (яко премудре рассуждает Василий великий в своем Шестодневнии), что премудрый мира Создатель, промышляя человеком взаимное друголюбие, не благоволил всем странам земным всякие плоды житию нашему потребные произносити; ибо тогда сии жители на оных, а оныя на сих ниже посмотрели бы, един от другого помощи не требуя. |
| Слава, глас 6: Преподобне отче Михаиле,/во всю землю изыде вещание исправлений твоих./Тем на Небесех обрел еси мзду трудов твоих,/демонския погубил еси полки/и Ангельския достигл еси чины,/ихже житию без порока поревновал еси./Дерзновение имея ко Христу Богу,/мир испроси душам нашим. И ныне, Богородичен: Кто Тебе не ублажит: Аще не празднуеши, Богородичен или Крестобогородичен. Подобен: Тридневен: На древе Живот наш зрящи Всенепорочная Богородица висящ,/матерски рыдающи, вопияше:/Сыне Мой и Боже Мой,/спаси любовию поющия Тя. Вход. Прокимен дне. И чтения преподобническая (зри день 19-й). На стиховне стихиры, глас 1. Подобен: Небесных чинов: Мощей твоих рака, Богомудре преподобне,/всех собирает/и, богатно имеющи исцеление, всеблаженне,/всем подает, верою притекающим к тебе./Непрестанно моли о нас, еже спасти души наша. Стих: Праведник, яко финикс, процветет,/яко кедр, иже в Ливане, умножится. Райскую доброту богатно зриши/и довольно пожинаеши нетления класы,/иже процветоша мирови духовне./Ихже причащающеся, тя почитаем,/тем и всечестную память твою празднующе, молим:/сотвори мольбы о нас,/иже верою тя славящих всегда. Стих: Священницы Твои облекутся в правду,/и преподобнии Твои возрадуются. Единожительством сам украсился еси,/о Михаиле треблаженне,/и явися всем светильник Солнца,/Божества Трисиятельнаго,/и просвещаеши всех, блаженне,/притекающих к тебе честне/и празднующих твою память. Слава, глас 8: Монахов множества/наставника тя почитаем, отче наш Михаиле:/твоею бо стезею воистинну право ходити познахом./Блажен еси, Христу работав,/и вражию обличил еси силу,/Ангелов собеседниче, преподобных сопричастниче и праведных,/с нимиже молися Господеви/помиловатися душам нашим. И ныне, Богородичен: Безневестная Дево: Аще не празднуеши, Богородичен или Крестобогородичен: Юница Нескверная,/Юнца видящи, на древе пригвождаема волею,/рыдающи жалостне, –/увы Мне, – вопияше, – любимейшее Чадо!/Что Ти сонм воздаде безблагодатный еврейский,/хотя Мя обезчадствовати от Тебе, Вселюбезне? Тропарь мучеником общий, глас 4: Мученицы Твои, Господи,/во страданиих своих венцы прияша нетленныя от Тебе, Бога нашего,/имуще бо крепость Твою,/мучителей низложиша,/сокрушиша и демонов немощныя дерзости./Тех молитвами/спаси души наша. |
| [Смотри] Ведомо же да есть: яко в палестине, еже есть во иерусалимской стране, не прияхом от святых отец сотворяти совершенныя литургии в среду и пяток сырныя седмицы, ниже преждесвященныя: в та бо два дни поем Аллилуиа с поклоны, вечер и утро, якоже выше речеся. По вечерни же в сих дву днех, ядим сыр и яица, единою днем разрешающе правила тетрадитов и яковитов. В среду вечера. Повечерие, глаголем малое, и поем канон минеи на ряду в субботу хотящаго прилучитися святаго. В четверток сырный. На Утрени, на Бог господь, тропарь святаго дважды: Слава, и ныне, богородичен: и обычныя кафисмы. По 1-й кафисме седален октоиха. и чтение, слово святаго анастасиа, игумена синайския горы, о 6-м псалме. По 2-й кафисме, седален триоди, глас 5. Подобен: Собезначальное: Четыредесятницу: Слава, тойже: И ныне, В тебе надежды Дево чистая: оба канона октоиха: и минеи святаго на 4: и триоди, якоже предписася в понедельник сея седмицы. По 3— й песни седален святаго. Слава, и ныне, богородичен. По 6-й песни, кондак и икос святаго: и чтем пролог. По 9-й песни, светилен октоиха: И святаго, аще есть: Слава, и ныне, богородичен. На стиховне триоди самогласен, глас 3: Возсия воздержания благолепие: со обычными припевы: и мученичен. Слава, и ныне, богородичен: В женах святая Богородице: и прочее по обычаю все. В четверток сырный вечера. от начала поклоны начинаем, якоже во вторник сырный. На вечерни, на Утрени, и на часех, поем во всем подобне, якоже в среду сея седмицы предписася. В пяток сырный вечера, память совершаем всех преподобных и богоносных отцев, в подвизе просиявших. обычная кафисма. На Господи воззвах, ставим стихов 6, и поем стихиры триоди отцев. глас 8: Приидите вси вернии: Слава, глас 6: Иже по образу соблюдше невредимо: И ныне, богородичен 1, гласа. Прокимен дне, глас 6: Боже заступник мой еси ты: Стих: Изми мя от враг моих Боже: И чтение: пророчества захариина: Тако глаголет Господь вседержитель: пост четвертый: Прокимен, глас 6: Да уповает израиль на Господа от ныне и до века. Стих: Господи не вознесеся сердце мое: Таже, Сподоби Господи: и Исполним вечернюю молитву нашу: На стиховне самогласен дне, глас 2: очистим себе братие: и обычныя припевы: и мученичен. Слава, глас 8: Монахов множества: И ныне, богородичен, подобен: о преславнаго чудесе! Радуйся чистоты сокровище: Тропарь, глас 4: боже отец наших, творяй присно с нами по твоей кротости, не отстави милость твою о нас, но молитвами их в мире управи живот наш. |
| Тропарь писан на велицей вечерни. НА ВЕЛИЦЕЙ ВЕЧЕРНИ Блажен муж: 1-й антифон. На Господи, воззвах: стихиры на 8, глас 4. Подобен: Званный свыше: Преподобне отче,/мятеж мирский оставив/и крест твой взем,/последовал еси нас ради распеншемуся Христу,/постом и жаждею плотския страсти умерщвляя,/греховное же терние всенощными подвиги искоренил еси,/слезными источники напоил еси ниву души твоея,/возделав плод сторичный,/и ныне предстоиши всех Царю,/Егоже моли спасти и просветити души наша. Преподобне отче Макарие,/душу и сердце от страстей очистив,/дом Духа Пресвятаго показался еси,/Егоже действием светло украшен быв,/зрел еси будущая, яко настоящая,/и далечайшая, яко близ сущая,/весть бо Господь прославляти Своя угодники,/Емуже ныне во славе Небесней в лице святых предстоя,/моли спасти и просветити души наша. Преподобне отче Макарие,/кто исповесть труды твоя,/бдения же и сухоядения,/и еже на земли легания,/и пустынная озлобления?/Безстрастия сосуд был еси,/благодати исполнен Святаго Духа,/Ангелом собеседниче и преподобным сожителю,/Вседержителю Богу возложив себе,/Егоже моли спасти и просветити души наша. Преподобне отче Макарие,/странника и пришельца себе на земли помышляя,/душевныя твоя очеса ко Иерусалиму Небесному присно возводил еси,/слезами постелю твою омывая./Ныне же Небеснаго радования в соборе святых наслаждаяся/и Богови выну предстоя,/моли спасти и просветити души наша. Ины стихиры, глас 2. Подобен: Егда от Древа: Егда Божественное рачение найде на тя, преподобне,/мирский мятеж оставль,/во обитель вселился еси,/в нейже трудолюбне подвизався,/украсил еси душу твою добродетельми/и, наставник людем христоименитым явлься,/ввел еси тыя во ограду Небесную,/идеже, радуяся с тобою, взывают ко Господу:/слава, Человеколюбче, Твоему смотрению. Егда искушение велие/наведе враг на обитель твою, преподобне,/юже варвары разориша,/ты, ревности Божественныя исполнився/и упование свое на помощь Матере Божия возложив,/трудом сугубым вдал еси себе/и, из пепела тую возсоздав и братию собрав,/с нею купно в радовании духа воспел еси Богу:/слава, Человеколюбче, Твоему благосердию. |
| Нашего ради спасения Единородный Сын и Слово Божие храм Себе созда в пречестнем чреве Девы Марии и Ту Софию именова, Премудрость Божию, еже есть девственных душа, темже Тя яко Богородицу величаем. И ныне: Приими от нас песнь исходную, Мати Живаго Бога, и светоносною Твоею и Божественною осени благодатию: Императору победительная, христолюбивым людем мир, грехов оставление поющим и душам спасение подающи, темже Тя яко Богородицу величаем. —15— На 9 песни припевы. Роди вси блажим тя едину Богородицу. Или: Ангелы успение пречистыя видевшее удивишася, како Девая восходит от земли на небо. Таже ирмос: Неизреченным велением: И вторый лик поет тойже припев и ирмос, И на кийждо тропарь поют тойже припев по единожды. Посем первый лик поет успенского второго канона припев. Величай душе моя, от земли на небо честное преставление Божия Матери. И ирмос Побеждается естества уставы: И вторый лик поет тойже припев и ирмос. И на кийждо тропарь поют тойже припев по единожды. Таже ока лика сшедшеся вкупе, поют первого успенского канона припев, и ирмос: Неизреченным велением пешехо: и второго канона успенского припев, и ирмос: Побеждается естества уставы: и поклон. Светилен, подобен: ибо звездами: Апостолы от конец совокуплшеся зде, в гефсиманийстей веси, погребите тело мое: и ты сие и Боже мой, прими дух мой. Трижды. На хвалитех стихиры, на 4 глас 4. Подобен: Яко добля: В славном успении твоем, небеса радуются, и ангельская возрадовавшася воинства: вся же земля веселится, песнь тебе исходную провозглашающи, Матери всеми владычествующего, неискусобрачная Пресвятая Дево, яже род человеческий избавляшая, прародительного осуждения. Дважды: От конец стекошася аплстолов лучшии, Богоначальным мановением погребсти тя: и от земли вземлему тя к высоте зрящее, глас Гавриилов радостью вопияху тебе: радуйся носила Божества всего, радуйся едина, земля с вышними рождеством твоим совокупляшая. Яже живот рождшая, к жизни преминула еси, честным успением твоим бессмертнем: дориносящим тя ангелом, началом, и силам: апостолом, и пророком, и всей твари: приемшу же нетленными дланми Сыну Твоему, Непорочную душу твою, Дево Мати Богоневесто. |
| Богородичен: Скиния свидетельства Тя прообрази,/Хлеб Истинный жизни приемшую, Чистая,/Слово Отца Соприсносущное. Светилен: Подобен: Небо звездами: Ангельскаго жития желая, преподобне,/покорил еси страсти плотския мужески/и равноангелен был еси, Богоносе отче Максиме. Богородичен: Тя Предстательницу имамы вси грешнии, о Пресвятая Дево!/Ты благопременна сотвори Твоего Сына матерними Твоими молитвами. На хвалитех стихиры на 4, глас 4. Подобен: Дал еси знамение: Дал еси притчу терпения и мужества, Преблагий Господи,/праведнаго Максима, и многочудеснаго/добродетельми, и словесы, и делы сияюща,/целомудрием украшаема и кротостию./Тем Твое неизреченное строение славим,/Иисусе Всесильне, и Спасе душ наших. Праведен и незлобив,/истинен же, и непорочен, и верен,/уклоняяся от всякия злобныя вещи,/показался еси, Максиме блаженне,/просвещен добродетельми и благочестием сияя./Тем тя ублажаем/и святое твое и честное днесь празднуем успение,/радующеся, Богомудре. Целомудрием и благоверием,/яко багряницею многоценной, одеявся, Максиме,/правдою же и кротостию, яко Божественным венцем, увязлся еси,/со страждущими Христа ради царствовати возжелел еси./И ныне Царю сил предстоиши,/Иисусу Всемилостивому и Спасу душ наших. Слава, глас 8: Добродетелей твоих, Богомудре Максиме, исправления/уясниша верных сердца:/кто бо слыша безмерное твое смирение и терпение, не удивится?/Еже ко всем кротость и беззлобие,/к скорбящим милование/и сущим в бедах скорое поможение,/плавающим немятежное пристанище/и путешествующим благое поспешение/вся Боголепно предвари, досточудне,/и ныне неувядаемым венцем венчался еси/от руки Вседержителя Бога:/Егоже моли спастися душам нашим. И ныне, Богородичен: Владычице, приими молитву раб Твоих/и избави нас/от всякия нужды и печали. НА ЛИТУРГИИ Блаженны, песнь 3-я и 6-я. Прокимен, глас 7: Честна пред Господем смерть преподобных Его. Стих: Что воздам Господеви о всех, яже воздаде ми? Апостол к Галатом, зачало 213. Евангелие от Матфея, зачало 10. Причастен: В память вечную: |
| Непрестанным рачением влеком/к Горним добротам Царя Христа,/слезными струями и всенощными бдении/злострастия терние искоренил еси/и, якоже крин, давидски процвел еси,/Богоблаженне отче Феодосие. Явися нам источник спасения/и река цельбоносных вод/гроб преподобнаго Феодосия,/струи исцелений изливая,/приидите, почерпем усердно вси/злолютых всех избавление. Слава, глас 6: Приидите, вси вернии,/духовно торжествуйте,/приидите и видите,/еже ныне явися от вещественнаго сосуда,/невещественную благодать, от гроба Богомудраго Феодосия кипящую,/к немуже с веселием возопиим, глаголюще:/о всеблаженне,/Христа моли непрестанно спастися душам нашим. И ныне, Богородичен: Богородице, Ты еси лоза истинная,/возрастившая нам Плод Живота,/Тебе молимся: молися, Владычице, со святыми апостолы/помиловати души наша. На стиховне стихиры, глас 2. Подобен: Доме Евфрафов: Двери Небесныя/восприяша постника,/пустыннолюбную горлицу,/светло сияющую чудес зарю,/Феодосия Богомудраго. Стих: Честна пред Господем/смерть преподобных Его. Духа Святаго/озарен благодатию,/град отечества земнаго оставил еси,/пресельник явился еси, отче,/и ныне в Вышних Владыце предстоиши. Стих: Блажен муж, бояйся Господа,/в заповедех Его восхощет зело. Небеснаго гражданина,/земнаго Ангела,/молим тя, отче Феодосие,/испроси у Христа Бога/спасение душам нашим. Слава, глас 8: Преподобне отче,/орган был еси Пресвятаго Духа,/постническими подвиги плоть покорил еси духови,/темже и чудес дарование восприял еси, Богомудре Феодосие./И ныне со Ангелы ликовствуеши/у Христа Бога и Спаса душ наших. И ныне, Богородичен: Владычице, приими: Тропарь писан на велицей вечерни. НА ВЕЛИЦЕЙ ВЕЧЕРНИ Блажен муж: 1-й антифон. На Господи, воззвах: поставим стихов 8 и поем стихиры, глас 4. Подобен: 3ванный свыше: Преподобне отче,/мятеж мирский оставив/и крест твой взем,/последовал еси нас ради распеншемуся Христу,/постом и жаждею плотския страсти умертвил еси,/греховное же терние всенощными подвиги искоренил еси,/слезными источники напоил еси ниву души твоея,/возделав плод сторичный./И ныне предстоиши всех Царю,/Егоже моли спасти и просветити души наша. |
| Разделы портала «Азбука веры» Церковнославянский Русский НА МАЛЕЙ ВЕЧЕРНИ Стихиры, глас 1. Подобен: Небесных чинов: НА МАЛОЙ ВЕЧЕРНЕ На “Господи воззвах:” стихиры на 4, глас 1 Подобен: “Небесных Крест возносится, и демони прогоняются,/разбойник Едема убо врата отверзает,/смерть умерщвляется и ныне пуста явися,/Христос величается./Тем веселитеся, вси земнороднии,/клятва разрушися. (2) Крест возносится – и демоны прогоняются,/разбойник же врата Эдема открывает;/смерть умерщвлена и ныне ничтожной явилась,/Христос же возвеличен./Потому веселитесь, все на земле рожденные:/проклятие отменено! (2) Приидите, боголюбивии вси,/Крест честный возносимый видяще,/возвеличим купно и славу дадим/Единому Избавителю и Богу, взывающе:/Распныйся на Древе крестнем,/не презри молящихся нас. Придите, все боголюбивые,/Крест священный видя возносимым,/возвеличим вместе и славу воздадим/единому Искупителю и Богу, взывая:/“Распятый на древе Креста,/не презри нас, Тебе молящихся!” Горесть древле ослаждая, Моисей/избави Израиля,/образом Крест прописуя,/мы же, сего вси божественно, вернии,/таинственно воображающе в сердцах наших всегда,/спасаемся державою его. Горечь в сладость претворяя,/Моисей избавил в древности Израиль,/этим образом предначертывая Крест./Мы же, все верные, с божественным благоговением/таинственно его изображая в сердцах наших всегда,/спасаемся силою его. Слава, и ныне, глас 6. Самогласен: Слава, и ныне, глас 6, самогласен Днесь сад животный/от земных незаходимых недр происходит,/на нем пригвожденнаго Христа извествует Воскресение/и, воздвизаемый руками священническими,/Того на Небеса возвещает возношение,/имже наше смешение от еже на землю падения/на Небесех жительствует./Темже благодарственне возопиим:/Господи, вознесыйся на нем и тем совознес нас,/Небесныя Твоея радости сподоби,/яко Человеколюбец. В сей день насаждение животворное/из недоступных недр земли исходит,/воскресение пригвожденного на нем Христа являет,/и, воздвигаемый руками священников/возвещает вознесение Его на небеса./Благодаря ему наш состав после падения на землю/имеет гражданство на небесах./Потому благодарственно воззовем:/“Господи, вознесенный на нем/и чрез него и нас вознесший,/небесной Твоей радости нас удостой/как Человеколюбец!” |
|
|
