| Да не оставиши свободы некоего от чувств твоих, о человече, да не како паки возвратитися к ней не возможеши. Покой убо, юныя точию вредит; разрешение же, и совершенныя и старцы. От покоя убо в лукавыя помыслы приходящии, могут паки возвратитися во хранение, и стати в высоцем своем жительстве; надеждою же дела вознерадевшии о хранении, от высокаго жительства к разорению живота пленени быша. Есть во стране врагов биенный, и во время мира умирающий: и есть виною купли живота исходящий, и остен души своей приемлющий. Не егда поползнемся в чесом, тогда да опечалимся, но егда пребудем в том; поползновение бо, случается множицею и совершенным: а еже пребыти в нем, умерщвление есть совершенно. Печаль же она, еюже печалуем о своих поползновениих, вместо делания чиста вменяется нам от благодати. Иже надеждою покаяния поползаяйся вторицею, сей с коварством ходит пред Богом. На сего неведомо нападает смерть, и не достизает времене надежды своея, дела добродетели исполнити. Кийждо, разрешен сый чувствы, есть и сердцем разрешен. Делание сердца, уза есть внешних удес. И аще с разсуждением творит кто сие, по бывшим прежде нас Отцем, явствен есть от иных триех, являемыхь в нем: яко несть привязан к приобретению телесному, ниже любит чревообъядение, и ярость отстоит от него отнюд. Идеже бо суть три сия: приобретение телесное, аще и мало есть, или велико, и скорояростие и побеждение чревообъядением: то аще и является кто подобен древним Святым, разумей, яко от нетерпения внутренных есть разрешение внешних его, а не от различия презрения души его. Аще ли же ни, то како презрел есть телесная, а кротости не стяжал есть? Презрению, еже с разсуждением, последует еже не привязатися к чесому, и презрение покоя, и вожделения человеческаго; и аще со уготованием приемлет кто тщеты Бога ради радуяся, чист есть внутрьуду; и аще не презрит кого за удоповреждения яже в нем, воистинну свободен есть: и аще не приступает к почитающему его, или не имать негодования и на обезчещающаго, сей умертвился есть миру сему в животе сем. Хранение разсуждения лучше есть паче всякаго жительства, действуемаго всяцем образом, и всякою мерою человеческою. |
| Посем молим твое благородие на нас, богомолцов, не послушати клеветы от лихих человеке//(л. 255) и не прикасатися нам, помазаником Божиим, судом и управою чрез каноны. Не не весть твое благородие писанаго в книгах Моисеовых, убоясь Валак, царь Исраиля, и призываше Волаама волхва, глаголя: «Аще, – рече, – ты прокленеши Исраиля, прокляти будут, и с клятвою побию Кольми паче нас, обидимых и плачючих, услышит Бог молитву и моление на оскорбивших нас. же наша чает Господа, яко помощник и защитник наш есть, и во имя святое Его Тебе же, аще Бог попустил есть гонити, да постигнеши и скончавши о нас, еже хощеши. Наказ, даный Михайлу Верделевскому да подьячему Григорью Богданову, мы взяли и к нему припишем псаломская речения, тридцать четвертой: Господи, обидящая мя, возбрани борющая и прочая подобныя тем, и привешу, плачючися Животворящему Кресту Христову, яко то наша и надежда от гонящих мя. Аще и много твоему благородию восписа, не помни, яко досаждая, но молю твое благородие со долготерпением послушати и писаная разсудити, яко несть неправды в нем. Мы толико и таково от твоих сигклитиков поругаеми, еже по Божественным уставом благословляти, его же благословим обоима рукама, якоже Христос нам предаде, вознося на небо, воздвиг руки своя, благослови. же тако поругает, бесяся, называясь сам ся патриархом, идеже сатана его научит//(л. 256) тамо, аки архиерей 1692 творяся, паче же Христос крестит беззаконными своими прокляты руки. И не се точию, но и пса некоего, подобна себе, научи, действом отца своего, сатаны проклятого, такожде действовати предними ногами, аки Христос, руками, возносясь на небо, благослови ученики И аще ты, тако ведая, стерпиши такому проклятому, не отмстя? Имать на тя гнев Божий Ъ приити, не укоснев. Мы же не точию, Христа ради, поношение и укорения прияти, но умрети готови есмы. Тебе мало мнится, положили душу свою за друга своего, обаче у Бога несть больши сея ея же ради Сам нас Христос ради умре. Аще и ныне муками и скорбми не умрем, всяко умрем, обаче же слово учит нас не боятися от убивающих тело, души же не могущих убити; горе тем, иже по убиении имут быть ввержени в дебрь Того боятися надобно, иже ныне славою мира сего превозносятся и гордятся, аки безсмертни и аки боги славятся от человекбезумных, всладость приемлют таковыя безумныя глаголы: ты – бог земной. Нас 1693 же священное писание учит: наш на небеси и на земли вся, елико возхоте, безумными глаголы 1694 Новходоносор, царь Вавилонский, усладився, царства глаголы Тирский князь превознесся, к нему же Бог Езикеем пророком рече: «И ты, сыне человечь, рцы Тирску князю: „ты яко бог вознесь, ты же не си бог, но человеке; тако некогда денница, восиявающая заутра, поставлю, – рече, – престол мой//(л. 257) выше небес и буду подобен Вышнему». И еже име, погуби: вместо денница тма |
| Слава, и ныне: Аллилуиа, аллилуиа, аллилуиа, слава Тебе Боже. (3 раза) По окончании предначинательного псалма диакон, если его нет, то священник став на обычном месте амвона, произносит мирную ектению: Миром Господу помолимся. Хор: Господи, помилуй. О свышнем мире и спасении душ наших, Господу помолимся. Хор: Господи, помилуй. О мире всего мipa, благостоянии святых Божиих церквей и соединении всех, Господу помолимся. Хор: Господи, помилуй. О святем храме сем и с верою, благоговением и страхом Божиим входящих в онь, Господу помолимся. Хор: Господи, помилуй. О Великом Господине и отце нашем, Святейшем Патриархе (имярек), и о господине нашем преосвященнейшем митрополите (или архиепископе, или епископе) (имярек), честнем пресвитерстве, во Христе диаконстве, о всем причте и людех, Господу помолимся. Хор: Господи, помилуй. О Богохранимей стране нашей, властех и воинстве ея, Господу помолимся. Хор: Господи, помилуй. О граде сем (или о веси сей), всяком граде, стране, и верою живущих в них, Господу помолимся. Хор: Господи, помилуй. О благорастворении воздухов, о изобилии плодов земных, и временех мирных, Господу помолимся. Хор: Господи, помилуй. О путешествующих, недугующих, страждущих, в темницех заключенных и о спасении их, Господу помолимся. Хор: Господи, помилуй. О избавитися нам от всякия скорби, гнева и нужды, Господу помолимся. Хор: Господи, помилуй. Заступи, спаси, помилуй и сохрани нас, Боже, Твоею благодатию. Хор: Господи, помилуй. Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим. Хор: Тебе, Господи. Молитва 1-я (светильничная) Иерей: Господи щедрый и милостивый, долготерпеливе и многомилостиве, внуши молитву нашу, и вонми гласу моления нашего, сотвори с нами знамение во благо, настави нас на путь Твой, еже ходити во истине Твоей, возвесели сердца наша, во еже боятися имене Твоего святаго. Зане велий еси Ты и творяй чудеса, Ты еси Бог един, и несть подобен Тебе в бозех, Господи: силен в милости и благ в крепости, во еже помогати, и утешати, и спасати вся уповающия во имя святое Твое. Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков. |
| Стих: Блажен муж, бояйся Господа,/в заповедех Его восхощет зело. Яко в высоких чертозех,/добродетели предуготовал еси дом себе,/Сергие, отче наш,/и яко воистинну Божественную светлость/зрети сподобился еси,/в нюже вселився, зриши Святую Троицу:/Ейже молися,/даровати миру велию милость. Слава, глас 8: Преподобне отче,/мира красоту и сладость временную/отнюд возненавидел еси,/монашеское житие паче возлюбив,/и Ангелом собеседник быти сподобился еси,/и светильник многосветлый Российския земли,/чудесми, якоже второе солнце сияя./Но всех нас поминай,/совершающих священную память твою:/мы бо чада твоя,/и овцы словесных твоих учений/и тя на помощь призываем,/просяще тобою прияти мир и велию милость. И ныне, Богородичен: Владычице, приими: Тропарь, глас 4: Иже добродетелей подвижник,/яко истинный воин Христа Бога,/на страсти вельми подвизался еси в жизни временней,/в пениих, бдениих же и пощениих образ быв твоим учеником:/темже и вселися в тя Пресвятый Дух,/Егоже действием светло украшен еси./Но яко имея дерзновение ко Святей Троице,/поминай стадо, еже собрал еси, мудре,/и не забуди, якоже обещался еси,/посещая чад твоих,//Сергие преподобне, отче наш. Слава, и ныне: Еже от века утаенное: На велицей вечерни, Блажен муж, первый антифон. На Господи, воззвах: стихиры на 8, глас 6: Подобен: Всю отложивше: Мира мятеж, преподобне, оставив,/и взем крест твой, последовал еси Христу/невозвратным помыслом,/и в пустыню вселился еси, преподобне,/душевныя страсти из корене исторгая/и телесная чувства огорчевая,/и частыми бдении и молитвами/благодать восприял еси, преподобне,/целити различныя недуги,/Ангелов собеседниче и преподобных сожителю:/молися Господу, Сергие преподобне,//помиловатися душам нашим. Преподобне отче,/кто исповесть труды твоя и болезни?/Или кий язык изречет/жестокое твое житие,/бдение же и сухоядение,/и еже на земли легание,/чистоту душевную и телесную,/устнами и умом совершенное безмолвие,/смирение же нелицемерное,/молитвы непрестанныя и разсуждение доброразсудное,/худость ризную и память смертную?/Сергие отче наш,//моли спастися душам нашим. |
| Яко Благ и Человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь. По прочтении седьмой молитвы священник входит в алтарь северными дверьми. Диакон, по прочтении 103-го псалма, произносит великую ектению: Миром Господу помолимся... Хор: Господи, помилуй. Священник по окончании ектении возглашает: Яко подобает Тебе всякая слава... Хор: Аминь. Чтец: первый антифон 18-й кафизмы. 39 При чтении кафизмы пения: И ныне... Господи, помилуй не бывает. Чтец после возгласа «Яко подобает...» и пения «Аминь» сразу же начинает чтение кафизмы и каждый антифон (их в кафизме три) заканчивает словами: «Слава, и ныне... Аллилуиа, аллилуиа, аллилуиа. Слава Тебе, Боже» (трижды). Во время чтения кафизмы священник вынимает из дарохранительницы (на престоле) Преждеосвященный Святый Агнец и полагает его на дискос, совершает каждение и переносит Святый Агнец на жертвенник. Это священнодействие совершается так. Во время первого антифона священник совершает положение Святого Агнца на дискос. По произнесении возгласа «Яко подобает Тебе всякая слава...» священник поклоняется пред престолом, берет Евангелие, лежащее на антиминсе, полагает его за антиминсом и, раскрыв последний, идет в предложение (жертвенник) за дискосом и, взяв его, поставляет на раскрытом антиминсе. Далее священник с благоговением многим взимает из дарохранительницы Преждеосвященный Святый Агнец, полагает его на дискос, после чего земно поклоняется пред Святыми Дарами. К этому времени чтец заканчивает первый антифон. Диакон произносит малую ектению, а священник читает (тайно) молитву первого антифона (первую светильничную молитву): Господи щедрый и милостивый, долготерпеливе и многомилостиве! Внуши молитву нашу и вонми гласу моления нашего, сотвори с нами знáмение во благо; настави нас на путь Твой, еже ходити во истине Твоей: возвесели сердцá наша, во еже боятися Имене Твоего Святаго. Занé вéлий еси Ты и творяй чудеса, Ты еси Бог Един, и несть подобен Тебе в бозéх, Господи: силен в милости и благ в крепости, во еже помогати, и утешати, и спасати вся уповающия во Имя Святое Твое. |
| Слава: Свет и Светове, Жизнь же и Жизни, славлю Тя всеблагочестно,/Отче, Слове и Душе Святый,/Триипостасная Единице, неразделимая державо, Божество неслитное,/Свят, Свят, Свят, вопия с вышними силами. Слава: Как Свет и Светы,/и Жизнь и Жизни, прославляю Тебя со всем благоговением,/Отче, Слово и Дух Святой,/Единство в трех Лицах, неразделимая держава,/Божество неслитное,/и возглашаю: “Свят, Свят, Свят!”/с вышими Силами. И ныне: От светоносных пройде ложесн Твоих великое Солнце Христос,/и мир просвети, Пречистая, осияньми светлыми, и тму отъят преступления:/темже поем Тя, яко вину всех добрых, Богоневесто. И ныне, Богородичен: От светоносного чрева Твоего произошло/великое Солнце – Христос,/и просветил Он мир, Пречистая, сияниями светлыми,/и тьму преступления прогнал;/потому мы воспеваем Тебя,/как всего доброго виновницу, Божия Невеста. Таже, Свят Господь Бог наш: трижды, на глас 3. Затем: Свят Господь, Бог наш: трижды. Ексапостиларий. Самогласен: Ексапостиларий Пасхи Плотию уснув,/яко мертв,/Царю и Господи,/тридневен воскресл еси,/Адама воздвиг от тли,/и упразднив смерть:/Пасха нетления,/мира спасение. [Единожды.] Плотию уснув, как смертный,/Ты, Царь и Господь,/на третий день воскрес,/Адама воздвигнув из тления и упразднив смерть./Пасха нетления,/мира спасение! (1) Слава: другий. Подобен: Жены услышите: Ексапостиларий иной Предста Человеколюбец и всещедрый Господь Овчей купели, еже исцелити недуги:/обрете же человека слежаща многими леты, и к нему возопи:/возми одр, и иди на пути правыя. Слава: Явился Человеколюбец и всемилостивый Господь/у Овечьей купальни для исцеления недугов наших;/обрел же там человека, долгие годы лежавшего,/и к нему возгласил:/“Возьми постель свою,/и иди на пути правые!” И ныне: тойже. И ныне: повторяем то же. На хвалитех поставим стихов, 8. И поем стихиры воскресны, глас 3: На “Хвалите” стихиры на 8, Стихиры воскресные, глас 3 Приидите вси языцы,/уразумейте страшныя тайны силу:/Христос бо Спас наш, Еже в начале Слово,/распятся нас ради, и волею погребеся,/и воскресе из мертвых, еже спасти всяческая:/Тому поклонимся. |
| На стиховне стихиры праздника, глас 6 (зри день сей выше). Слава, преподобному, глас 8: Приидите, людие, днесь,/в летнюю память Богоноснаго отца сошедшеся,/видите, како в мертвенном сем теле сый,/смертию обладаше,/словом воззвав мертвыя,/и послушаху гласа его:/ов елей возлия сам на ся,/ов же повелением место свое уступаше иному,/ин же по кончине, паки ожив, пребысть,/дондеже уготовася место ему./Сего убо, яко толику благодать от Бога приемша,/похвальными песньми ублажающе, молим:/да молится о нас Христу,/еже воздвигнути нас от прегрешений наших/и избавити от бед души наша. И ныне, праздника, глас тойже: Господи, в Вифлеем пришед,/в вертеп вселился еси,/Небо престол имея,/в яслех восклонился еси,/Егоже воинства окружают Ангел,/к пастырем снизшел еси,/да спасеши, яко Благоутробен, род наш,/слава Тебе. Тропарь , глас 1: Умертвив плотския похоти многим воздержанием/и копанием гробов святым,/присно, аки мертв, в пещере живя,/мертвыя повелением своим воздвизал еси,/Марко прехвальне,/мертви и наша мудрования плотская/и настави нас на течение добродетелей,/моля о нас Единаго Человеколюбца. Слава, и ныне, праздника. НА УТРЕНИ По 1-м стихословии седален, глас 1. Подобен: Лик ангельский: Глас Божественный в сердце своем приемь,/мир оставил и званию Господа своего последовал еси./Тем крест, аки жезл, в руце свои вземь,/тихо о нем жития сего море прешел еси,/мысленнаго же фараона в бездне трудов своих потопил еси/и был еси преподобным украшение, Марко досточудне. Слава, и ныне, праздника. или сей Богородичен: Глас Гавриилов приносим Ти, Чистая Дево:/радуйся, заченшая Творца всех, Бога,/и обновльшая обетшавшее человеческое естество;/радуйся, яко была еси в рождестве Дева/и по рождестве паки Дева пребываеши. По 2-м стихословии седален, глас 5. Подобен: Собезначальное Слово: Кто по достоянию исповесть Человеколюбче Твое к земным, Владыко,/яко крест Твой дал еси им в помощь,/егоже и угодник Твой, в руце приемь, победи вся демонския полки:/сей бо бысть ему броня и шлем спасения,/сей бысть пища и питие сладкое,/сей бысть ему слава и пред преподобными украшение. |
| Тропарь писан на велицей вечерни. НА ВЕЛИЦЕЙ ВЕЧЕРНИ Блажен муж: 1-й антифон. На Господи, воззвах: стихиры, глас 1. Подобен: Прехвальнии мученицы: Днесь град Переславль тобою хвалится,/отче наш Данииле,/в нем бо, яко солнце, отечеству твоему возсиял еси/благодатию нетления и чудес./Буди убо выну пред Богом ходатай нам/и испроси душам нашим мир и велию милость. Безстрастия рачитель быв в житии твоем/и подвиги постными себе украсив,/Христу сообразен был еси,/Егоже моли, преподобне,/даровати душам нашим мир и велию милость. Страсти умертвив, невидимых враг полки победил еси,/просветив же умныя очи сердца,/Божественных видений сподобился еси./Просвети убо и наша очеса сердечныя,/во еже видети и возвещати/чудный свет веры Православныя/и прославити Отца нашего Небеснаго,/чающе от Него мира и велия милости. Чудный свет видел еси, преподобне,/аки многим свещам, горящим ту,/идеже погребал еси странныя,/отнюдуже разжегся Божественною ревностию,/храм на месте том воздвигл еси,/во еже молитися о них./Ныне же и о нас молися ко Господу,/да подаст душам нашим мир и велию милость. Воздея преподобныя руце/и преклоняя колена твоя,/прилежно к Богу молился еси/не точию о спасении твоем и братии твоея,/но и о устроении всего мира/и благостоянии святых Божиих церквей,/темже и о нас помолися ко Господу, яко о твоем стаде,/даровати душам нашим мир и велию милость. Слава, глас 5: Приидите, христоименитии людие,/восхвалим преподобнаго отца нашего Даниила,/в последняя лета нам возсиявшаго/и чудес зарями мир озарившаго,/и возопиим к нему, глаголюще:/радуйся, пастырю и учителю наш;/радуйся, покрове и прибежище духовным чадом твоим;/радуйся, граду нашему/похвало и утверждение. И ныне, Богородичен: В Чермнем мори: Вход. Прокимен дне. И чтения преподобническая. Премудрости Соломоновы чтение (глава 3): Праведных души в руце Божией,/и не прикоснется их мука./Непщевани быша во очесех безумных умрети,/и вменися озлобление исход их,/и еже от нас шествие – сокрушение,/они же суть в мире./Ибо пред лицем человеческим аще и муку приимут,/упование их безсмертия исполнено./И вмале наказани бывше,/великими благодетельствовани будут,/яко Бог искуси я и обрете их достойны Себе./Яко злато в горниле, искуси их/и, яко всеплодие жертвенное, прият я./И во время посещения их возсияют/и, яко искры по стеблию, потекут./Судят языком и обладают людьми,/и воцарится Господь в них во веки./Надеющиися Нань разумеют истину/и вернии в любви пребудут Ему./Яко благодать и милость в преподобных Его/и посещение во избранных Его. |
| О Христе укрепляемь,/вся коварствия лукаваго твердым умом, Сергие,/якоже сеть, расторгнул еси/и пресветло светило миру, отче, показался еси. Светом Божественным осияемь/и со Ангелы ныне на Небесех водворился,/поминай верою чтущих память твою,/преподобне Сергие приснопамятне. Богородичен: Возвысила еси воистину падшее человеческое существо,/яже образом Божественным и Отца равенством,/видимым Сыном неизменным, Богомати,/без Семене во чреве поносивши. Ин Ирмос: Из утробы Иону младенца изблева морский зверь,/якова прият;/в Деву же всельшееся Слово/и Плоть приемшее пройде, сохраншее нетленну:/Егоже бо не пострада нетления,//Рождшую сохрани неврежденну. Нас свыше, стадо твое, озаряеши милостивно, отче,/воинству благочестивому победу подая молитвами твоими, возвышая рог православных,/от нас же приими, аще и малое, приносимое тебе моление. На недузех различных исцеления благодать тебе даровася/и на дусех нечистых от Христа власть, мудре,/яко божественный доблественник, венец приял еси победы от всех Царствующаго. Богородичен: Весь лик пророческий, от Бога научен, Твое провозгласи таинство/несказаннаго Божественнаго зачатия еже из Тебе Слова, Мати Дево:/Ты бо Истинный начальный Свет родила еси. Кондак, глас 8. Подобен: Избранной Воеводе: Христовою любовию уязвився, преподобне,/и Тому невозвратным желанием последовав,/всякое наслаждение плотское возненавидел еси/и, яко солнце, Отечеству твоему возсиял еси;/тем и Христос даром чудес обогати тя./Поминай нас, чтущих пресветлую память твою, да зовем ти://радуйся, Сергие богомудре. Икос: Евангельский глас, отче, услышав,/вся оставил еси плотская мудрования,/богатство же и славу, яко прах, вменив,/и на страсти, яко бесплотен, подвизався,/и безплотных ликостоянием чести сподобился еси./Разума дарование приял еси,/еже и подаждь в песнех поющим ти сице:/Радуйся, Сергие преподобне и богоносе, Небесный человече, земный Ангеле./Радуйся, Духа Святаго обитель./Радуйся, молитвами богоданен дар приемый./Радуйся, яко прежде рождения проглашением прославив Святую Троицу, Яже тя прослави в жизни сей и по смерти./Радуйся, целомудрия столпе, имже всяка страсть попрася./Радуйся, яко от младых ногтей последствовал еси Христу./Радуйся, притекающим к тебе спасения ходатай./Радуйся, светильниче многосветлый, возведый ко Христу монахов множества./Радуйся, похвала Отечеству твоему./Радуйся, пророчеством украшенный, во еже прорицати, яко настоящая, будущая./Радуйся, яко молитвами твоими сопротивнии побеждаются./Радуйся, православному воинству нашему похвала и утверждение,/егоже соблюди молитвами твоими от враг ненаветно, да зовем ти:/радуйся, Сергие богомудре. |
| И аще обрящешися таков, отступи, рече, да не опален будеши, приходя недостойне. Такожде по еже рещи диакону, Вонмем, внутрь алтаря Иерей обема рукама воздвизает святый хлеб на высоту, яко показуя того хотящим причащатися 12 , глаголет велегласно: святая святым. А еже глаголет, сие есть. Святая не иным даются, токмо святым. И аще свят еси, приступи. Святи будете, рече, яко аз свят есм. Аще Исаии подобен еси, приступи со страхом, и божественный угль приими устнама, да услышиши и ты от иереа, паче же от Серафима: „Се коснуся устнам твоим, и все грехи твои очистит“. Таковым чищением предочистим нас, им же Богоотец оный (Давид) на всяк день обновляйте себе, и нас уча, глаголаше: Сердце сокрушенно и смиренно Бог не уничижит. И паки: оклеветающаго тайно искренняго своего, сего изгонях. И паки: аще воздах воздающим ми злая. Таковыми миры помажем себе и уготовим к приятию иже нас ради младенствовавшего и странствовавшего Владыку. Аще бо пост принесеши, аще девство, аще бдение, аще низу лежание, сердце же сокрушенно не принесеши, ниже оставити брату своему согрешения, ничтоже пользова себе. Но речется и к тебе, еже к Израилю речеся Пророком: не таков пост хощу, глаголет Господь. Слыши, что отвеща Господь верховному апостолу Петру вопросившу, – аще до седьмижды брат согрешит, отпущу ли ему, – не до седьми крат, но и до седьмидесяти седьми. Сие являет, яко аще и во всей своей жизни согрешают в тя братия, оставляти им. И аще не оставлявши долг брату своему, которым дерзновением речеши в молитве, Отче наш, остави нам долги наша, яко же и мы оставляем должником нашим... Но многих слышах глаголющих: не могу оставити: зело преобиде мя, вельми обезчести мя, премного опагуби мя, врага и местника судом приложися ко мне. Но не глаголи мне студеные сии и смеха достойные глаголы, а истрезвися, яко от пианства, от безсловесныя ярости, и познай, кто бе первее, и кто еси ныне. Не тебе ли ради ныне раждается Христос и в худе вертепе и в скотиих яслех полагается; Не тебе ли ради он человек бывает и по естеству, и по действу, яко да ты Бог по благодати будеши; Аще бо Христос не облагодетельствова тебе, суща первее врага, ниже ты остави обидевшему тя. |
|
|
