| Подобает ведати, яко во всех пятках святыя и великия 40-цы на вечернях, и повечериях, поклонов не творим, токмо воображенныя в преждесвященной, еже есть, по да исправится: поклоны 3. По входе святых даров, поклоны 3. И на Буди имя господне: поклоны 3. Повечерие же поем великое, на немже по 1— м трисвятом глаголем тропарь мученка: Слава, и ныне, богородичен. По 2-м обычныя тропари: Помилуй нас Господи: и поем покойный канон настоящаго гласа. По Достойно и по трисвятом, кондак мученичен: и прочая, и отпуст малый. [Смотри] Ведомо да есть, яко последование минеи, прилучающихся святых в субботы и недели святыя 40-цы, поется в повечериях, или егда изволит екклисиарх. Тако творим во всех пятках в вечер святыя и великия 40-цы. В субботу 1-ю святых постов На Утрени, по шестопсалмии поем Бог господь, на глас 2. И глаголем тропарь святаго феодора: Велия веры: дважды. Слава, и ныне, богородичен: Вся паче смысла: и обычныя кафисмы. По 1-й кафисме седален мученичен осмогласника, настоящаго гласа, с богородичным. По 2-й кафисме седален святаго феодора, глас 3. Подобен: божия веры: Кипя веры православием: Другий седален святаго: божественный дар тя: богородичен: Невместимаго бога: и чтем мучение святаго. Таже псалом 50: И канон храма, со ирмосом на 6: И святаго феодора два, на 8: 1-й, глас 4: 2-й, глас 6. Катавасиа: отверзу уста моя: По 3-й песни, седален святаго, глас 8. Подобен: Премудрости слова: божественное всеоружие восприим: Слава: Максимиановыми ласканьми: И ныне: яко всенепорочная невесто творца: По 6-й песни, кондак святаго, глас 8: Веру христову: И икос. и чтем синаксарий. По 9-й песни, ексапостиларий святаго: и богородичен. На хвалитех, стихиры на 4, глас 1. Подобен: небесных чинов: Слава, глас 6: священия дар: И ныне: Богородице, ты еси лоза: На стиховне стихиры святаго, глас 4, самогласны, с припевы их: 1-й, праведник яко финикс процветет: 2-й, Насаждени в дому господни: Слава, глас 8: Страдальческим мужеством: И ныне: владычице, приими молитвы: и прочее последование утрени. присовокупляем и час 1-й. |
| А яко убо влепоту предложишесе безобразныих образы и зраци безрачныих, не едину вину речет кто убо быти юже в нас меру, немогущую непосредствне на умная вьзетисе видения и требующую искреныих и соестествныих возвождений, 301 иже яже мощная нам ображения предлагают безобразныих и пачеестественыих видений, но яко и се таинственыим Словесем есть подобнейше еже недоведомыими и свещенныими гаданьми скривати и невходну многыим полагати свещенную и сокровенную премирныих умов истину. Есть бо не всяк священен, «ни же всех, – якоже Словеса реше, – разум». 302 Аще ли же неприкладная образописания виновствует кто студно быти, глаголе возлагати яже сице студна суть изображения боговидныим и светейшиим добротам, лепо есть к тому рещи, яко два суть свещенного изьявления образа. 303 3. Овь убо яко подобен подобниими происходе свещеннозрачныими образи, ов же отличныими образотворенми в отнудь неуподобленне 304 и неприкладне сотвараем. Сего ради и честное пресуществного богоначелия блаженство изьявителныих Словес тайная предания когда убо яко Слово 305 306 и Ум 307 и Существо воспевают, богоподобное словеснство и премудрость Того являюще и воистину суще бытие и иже сущиих бытия вину истинную, и яко свет 308 то наздавают, и живот 309 310 наричут. Таковыим свещенным назданиям честнейшиим убо сущиим и тименныих образ превосходити некако мнещиимсе, недостатечествующиим же и сице богоначелного к Истине подобия (есть бо паче всякого сущства и живота, ниединому убо то свету начретающу, всякому же слову и уму подобия того безьсьссуждения недостатьчьствующиим). Когда ли же и отличными изьявленми от техжде Словес премирне поетсе невидимо то, 311 и непостижно, и невместимо нарицающиим, и от ихже не что есть, но что несть знаменаетсе. Сие бо, яко мню, и истейше есть на том, понеже, якоже и скровенное и свещенническое предание научи и, еже убо не быти по нечесом сущиих то истинствуем, неразумеваем же еже пресуществное того и недомысльное 312 и неизреченное неопределение. Елма же убо отречения 313 при божествных истинна суть, наньречения же неприлична сокровению неизреченныих, ближнейше паче есть при невидимыих еже отличныими назданми изьяшнение. |
| Едине Милостиве и Благоутробне, имея непостижимую благости пучину, и ведый естество человеческое, еже соделал еси, Тебе молим, Христе Боже: преставльшагося от нас упокой, идеже всех есть веселящихся жилище в Тебе, еже славити Твое Божество. Уснувый во гробе яко человек, силою непобедимою Твоею, яко Бог воскресил еси во гробех спящыя, немолчно песнь Ти приносящыя. Тем вопием Ти, Христе Боже: преставльшагося от нас упокой, идеже всех есть веселящихся жилище в Тебе, еже славити Твое Божество. Слава, и ныне: Свещу умную Тя, носящую свет Божества, совокупльшийся дебельству человеческаго существа, Богородице, вси свемы; тем Твоего моли Сына и Бога, преставльшагося в сладости упокоити, идеже всех есть веселящихся жилище, Чистая, еже славити Тя, Всенепорочную. Антифон 4, глас 4: От юности моея мнози борют мя страсти, но Сам мя заступи, и спаси, Спасе мой. Ненавидящии Сиона посрамитеся от Господа: яко трава бо огнем будете изсохше. Слава: Святым Духом всяка душа живится, и чистотою возвышается, светлеется Троическим Единством, священнотайне. И ныне, тойже. Стихиры, глас 4. Подобен: Дал еси знамение: Воистинну страшно есть смертное таинство, како душа от тела нуждею разлучается, от счинения и сочетания естественнейший соуз Божиим хотением отсекается. Темже Тя молим: преставльшагося упокой в селениих праведных Твоих, Жизнодавче Человеколюбче. Сон является верующым смерть, Тебе положену во Гробе, всеми Владычествующему, и смертную державу Разрушившему, и Упразднившему ея насилие многолетное. Темже Тя молим: преставльшагося вчини в селениих святых Твоих, в праведных светлостех. Ты правда же и освящение нам был еси, и душам избавление: Отцу бо привел еси оправданы и избавлены, восприим наше должное запрещение. И ныне молим Тя, преставльшагося упокой в радости и светлости святых, Благодетелю Спасе наш. Слава, и ныне, Богородичен: Словесем последующе богоглаголивых, Всенепорочная, Богородицу Тя мудрствуем: Бога бо родила еси воплотившагося недомысленно, избавльшаго нас плененных прегрешеньми. Темже ныне молим Тя: преставльшагося раба Твоего ( или, рабу Твою) Своими сияньми просвети, Пречистая. |
| Богородичен: Священные сосуды Твоей, Пречистая, души/полны ароматов и мvpa Божественного Духа,/нашедшего на Тебя: ибо Бога родив,/Ты верных от зловония страстей избавила. Катавасия: Твоя песнословцы, Богородице,/Живый и Независтный Источниче,/лик себе совокупльшия, духовно утверди,/в Божественней Твоей славе/венцев славы сподоби. Катавасия: Твоих песнопевцев, Богородица,/– живой и обильный источник,/устроивших духовный праздник, утверди/и в божественной Твоей славе/удостой венцов славы. Кондак трясения, глас 6. Подобен: Еже о нас: Кондак землетрясения, Избави труса тяжкаго всех нас, Господи,/и язвы нестерпимыя грех ради наших,/пощади, Господи, православныя люди Твоя,/яже стяжал еси Твоею Кровию, Владыко;/и град не предаждь в погибель трусом страшным,/иного бо, разве Тебе, Бога не вемы,/и воззови поющим:/Аз есмь с вами, и никтоже на вы. Избавь всех нас, Господи, от грозного землетрясения,/и наказания нестерпимого за грехи наши./Пощади, Господи, Православных людей Твоих,/которых Ты приобрел Своею Кровию, Владыка./И не предай город на погибель от страшного землетрясения,/ибо мы иного Бога, кроме Тебя, не знаем./И воззови к воспевающим Тебя:/“Я – с вами, и никто – против вас!” Седален мученика, глас 4. Подобен: Удивися Иосиф: Седален мученика, Яко доблему страдальцу/и воину крепку Всецарюющаго Христа,/взываем псаломски:/радуйся, мучеников украшение и лепота;/радуйся, светлая Церкве звездо/и стено, и пристанище прибегающих к тебе,/великомучениче славне Димитрие,/тя поющия спасай/от всякаго вреда чуждаго и озлобления вся. Как доблестному страдальцу и воину крепкому/над всеми царствующего Христа,/мы взываем в песнях:/“Радуйся, мучеников украшение и благолепие;/радуйся, светлая Церкви звезда/и стена, и пристанище прибегающим к тебе,/великомученик славный Димитрий!/Всех, тебя воспевающих спасай/от всякого вреда противника и бедствия!” Слава, и ныне, трясения, глас тойже. Подобен: Вознесыйся: Слава, и ныне, землетрясения, глас Согрешившия Тебе много не презрел еси,/но, наказав, милостивно исправил еси;/Божественным призиранием Твоим потряс землю, Владыко Долготерпеливе,/никакоже повредив вся рабы Твоя за милосердие многое./Тем благодарственными Тя гласы славословим/и со страхом славим. |
| Преподобнаго игумена Саввы Сторожевскаго, Звенигородскаго ВЕЧЕР Блажен муж: 1-й антифон. На Господи, воззвах: стихиры на 6, глас 6. Подобен: Все отложше: Мир возненавидев,/Христа возлюбил еси,/Сиона мысленнаго житель показался еси./Наставлением учителя твоего/совершеннаго послушания достигл еси/и многая искушения претерпел еси./Божественным Духом себе вооружив,/к борению льстиваго, радуяся, изшел еси/и сего победил еси/силою из Девы Возсиявшаго. От юности, преподобне,/плотская мудрования покорил еси духу,/и, в живоносную мертвость одеявся,/светильник, блаженне, явился еси пресветлый./Благодатию Божественнаго Духа/истинен пастырь показався,/словесною, Савво, цевницею/собранное стадо о Христе добре упасл еси/и на пажить духовную возвел еси. Зрети желая мысленную светлость/Божественнаго обожения,/житие возжелев невещественное,/мир оставил еси,/пустыню достигл еси и слезами сию напоил еси, желание улучив,/еже ко Владыце твоему предстояние,/и ныне священнолепно предстоиши,/со Ангелы ликовствуя. Слава, глас тойже. Самогласен: Еже по образу соблюд невредимо,/ум владыку на страсти пагубныя постнически поставив,/во еже по подобию яко мощно возшел еси:/мужески бо естество понудив,/потщался еси хуждшее покорити лучшему/и плоть поработити духу;/темже монашествующих явился еси верх,/житель пустынный, благотекущих обучитель,/правило добродетели известнейшее;/и ныне на Небесех, зерцалом разрешшимся,/отче наш Савво,/чисте зриши Святую Троицу,/моляся несредственне о иже верою и любовию чтущих тя. И ныне, Богородичен: Кто Тебе не ублажит: Вход. Прокимен дне, и чтения 3. Премудрости Соломоновы чтение (глава 3): Праведных души в руце Божией,/и не прикоснется их мука./Непщевани быша во очесех безумных умрети,/и вменися озлобление исход их,/и еже от нас шествие – сокрушение;/они же суть в мире./Ибо пред лицем человеческим аще и муку приимут,/упование их безсмертия исполнено./И вмале наказани бывше,/великими благодетельствовани будут,/яко Бог искуси я/и обрете их достойны Себе./Яко злато в горниле, искуси их,/и яко всеплодие жертвенное прият я./И во время посещения их возсияют/и, яко искры по стеблию, потекут./Судят языком и обладают людьми,/и воцарится Господь в них во веки./Надеющиися Нань разумеют истину/и вернии в любви пребудут Ему./Яко благодать и милость в преподобных Его/и посещение во избранных Его. |
| Снидитеся, о празднолюбцы,/ днесь в память благовернаго князя Романа,/и сию вси песненно торжествуйте:/той бо благочестия бе подражатель/и града Углеча удобрение. Слава, глас 6. Самогласен: Мира сего княжение,/яко не сущее и привременное, быти помышляя,/век же оный непреходящий/и присносущный проразумевая,/всякий добродетелей вид исправил еси/и к Богу веру несумненну имел еси,/к поддержавным же твоим милование и любовь стяжал еси,/к нищим подаяние показуя нелицемерное,/и сих ради добродетельных исправлений/в лице угождших Ему вчини тя Христос Бог наш,/имеяй велию милость. И ныне, праздника. Аще ли когда поеши возследование благовернаго князя Романа, кроме попразднства, И ныне: Богородице, Ты еси лоза истинная: На стиховне стихиры, глас 2. Подобен: Доме Евфрафов: Дом и жилище Святаго Духа/себе соделал еси, Романе,/правостию веры и благими твоими делы. Стих: Блажен муж, бояйся Господа,/в заповедех Его восхощет зело. Якоже другому Аврааму,/мира сего богатство не сотвори тебе препятия, отче/к преславному Небошественному пути. Стих: Честна пред Господем/ смерть преподобных Его. На земли княжение имел еси,/бденными же молитвами/Небесное Царствие получил еси,/в немже ныне живеши,/поминай нас, верно чтущих тя. Слава, глас и подобен тойже: Телом твоим, святе, град Углеч освятил еси,/душею же твоею священною/чтущих память твою свыше озаряеши. И ныне, глас тойже: Свеще неугасимая,/Свет Невечерний в рождестве Твоем понесшая,/просвети, Владычице, сердца любовию поющих Тя. Тропарь писан на велицей вечерни Слава, и ныне, праздника. Аще ли вне попразднства, Слава, и ныне, Богородичен: Еже от века утаенное: НА ВЕЛИЦЕЙ ВЕЧЕРНИ На Господи, воззвах: стихиры праздника и святаго, глас 4. Подобен: Званный свыше: Всяк град и страна, граду Углечу срадуйтеся/и псаломски восплещите руками вкупе,/духовное торжество празднующе днесь/благовернаго князя Романа,/благочестия столпа и нечестия обуздателя./В егоже память сошедшеся,/любезно воззовем к нему:/моли, святе, Егоже возлюбил еси, Христа Бога нашего/спасти и просветити души наша. |
| Ин Ирмос: Несть свят, яко Господь,/и несть праведен, яко Бог наш,/Егоже поет вся тварь:/несть праведен, паче Тебе, Господи. Крови каплют честныя Твоея руки,/и учения текут целомудреннаго языка твоего,/известна вопиюща по отсечении его Христа во двою естеству. Рука твоя писаньми не преста вопия,/и язык учении трубит веру твою, Богоглаголиве треблаженне:/Бог бо бе обоя движа, слагая глаголати. Треми убо телесы, во единой же души,/единомудренно сопротивистеся, отцы чуднии,/зле отъемлющим Христовы страсти и сугубое действо. Богородичен: Жены убо раждают, Мати Дево Чистая,/но не ктому девы пребывают, якоже Ты:/ниже бо едина от сих Бога породи, токмо Ты, Богородице Чистая. Ин кондак мучеников, глас 2. Подобен: В молитвах: Божественныя, вернии, и храбрыя/ублажим супруги Христовы славныя,/и похвалим, яко твердыя проповедники благочестию/и суща рачители, Фотия и Аникиту,/и песньми и хвалами венчаем. Ин кондак преподобнаго, глас 6. Подобен: Еже о нас: Свет трисиянный, всельшийся в душу твою,/сосуд избран показа тя, всеблаженне, являюща Божественная концем,/неудобопостижных разумений ты сказуяй, блаженне,/и Троицу всем, Максиме, воспроповедуяй ясно,/Пресущную Безначальну. Икос: Подражатель явлься Спасовых страстей/и Того в души твоей имея, всеблаженне,/восхождения в сердцы твоем возложил еси, пребогате,/Той же тебе подаде благодать с Небесе./Сопротивився бо еси мучителем, мудре, мужески,/Безначальную, и Божественную, и Единосущную Троицу проповедуя/и обличая злославныя и богоборныя,/безмерныя претерпел еси напасти, всехвальне,/языка отрезание богословнаго, преподобне, и твоея руки вкупе,/не престал же еси ты со дерзновением глаголя/и утверждая верныя Божественными твоими учении,/Троицу всем людем проповедуя ясно, Пресущную Безначальну. Седален мучеников, глас 4. Подобен: Вознесыйся: Низложше вражия возношения терпением лютых мук, страстотерпцы,/на Небесех живете ныне, радующеся, Фотие славный и Аникито блаженне./Темже ублажаетеся во веки веков, о нас молящеся Христу,/творящих вашу память. |
| И ныне, праздника, глас 6: Еже от Девы Солнце: Тропарь , глас 2: Богу от юности, отче, избравшу и возлюбившу тя/и провидящу твое доброе произволение,/наставляет тя приити к преподобному Своему угоднику -/Кириллу всеблаженному,/от негоже наставлен бысть на путь спасения,/страхом Божиим, и чистотою душевною, и благоговением,/и непрестанными к Богу молитвами/во мнозе подвизе жизнь свою препроводил еси/и заповеди Божия непорочно соблюл еси,/пастырь и наставник иноком предивен был еси,/и ныне Престолу Христову со дерзновением предстоиши на Небесех,/со Ангелы светлоликоствуя,/отче преподобне, Мартиниане всеблаженне,/не престай моляся Христу Богу/спасти и помиловати души наша. НА УТРЕНИ На Бог Господь: тропарь праздника, дважды. Слава, святаго, и ныне, праздника. По 1-м стихословии седален, глас 5. Подобен: Собезначальное Слово: От юности, преподобне, Бога возлюбил еси,/и ко блаженному Кириллу приведеся от своих родителей,/и вдался еси ему со всяцем усердием,/от негоже навыче Божественному разуму,/и богоугодно на земли житие совершил еси,/и чудесем от Бога дар восприял еси,/Егоже моли даровати нам спасение и велию милость. Слава, и ныне, праздника, что на ряду того числа 12-го. По 2-м стихословии седален, глас 4. Подобен: Удивися Иосиф: Безсмертную жизнь, отче, возлюбил еси,/маловременное житие возненавидел еси,/Царство Небесное получити вожделел еси/и сего ради в постех, и бдении, в слезах и воздыханиях,/в труде и подвизе жизнь свою препроводил еси,/тем и явися чисто жилище Пресвятому Духу,/Егоже действием светло ныне украшаяся,/моли спасти нас, воспевающих тя. Слава, и ныне, праздника. По полиелее седален, глас 8. Подобен: Премудрости: Наста днесь, Богоносе, пресветлая память твоя,/в нюже сошедшеся, радостию тя восхваляем/и духовныя подвиги твоя почитаем,/ихже добре свершил еси, и Христу благоугодил еси,/и чудес действие от Него восприял еси,/бесовскую тьму от человек прогоняеши/и различныя недуги и язи исцеляеши притекающим ти с верою./Тем и мы молим тя, преподобне Мартиниане, отче наш,/моли Христа Бога согрешением оставление даровати/празднующим любовию святую память твою. |
| Что ощутив владыки Едомстии, и князи Моавитстии, все темные служители сатанины, вострепеташа и ужасошася. Поим Господеви: славно бо Он в нас прославися; поим взывая, кто подобен Тебе в бозех Господи, кто подобен Тебе? Кто толико прославлен во святых, дивен в славе, творяй чудеса? Поим, да и впредь в нас прославится. Да нападет на внутренних врагов наших страх и трепет, да продолжится в них ужас, от множества славы Его происходящий, да окаменятся величием Мышцы Его, да не подвигнутся ни ко искушению, ни к нанесению вечной погибели, дондеже пройдут людие Его, все верующие во Имя Его и уповающие на Него, их же Он стяжал кровью и смертью Своей, дондеже пройдут сквозь смертные врата в небесные селения. Поим Господеви, благодарным духом прошедшие благодеяния Его вспоминая, с таким же расположением сердца и настоящие благотворения Его прославляя, и о будущем благосостоянии с усердием всегда таковыми словами Его прося: Господи! Введ насади нас в гору достояния Твоего, в место вечного наследия Твоего, в готовое жилище Твое, еже соделал еси, во святилище Твое, еже уготовасте руце Твои. Поим Господеви все, да Господь во всех нас будет царствуяй веки, и на веки, и еще. Аминь! Беседа XXII. О том, что человек плотский, в духовной жизни неутвержденный, непостоянен в чувствованиях своих И роптаху людие на Моисеа, глаголюще: что пием? Исх.15:24 . Странно слышать, что те люди, которые с восхищением хвалили Господа, благодарили Его за великие благодеяния Его, описывали чудеса Его, видели неисповедимые дела Его, что те люди, которые уверовав Богу и угоднику Его Моисею, и узрев избавленными себя от угрожавшего погибельного бедствия с радостным духом воспевали Ему победную песнь, глаголюще: поим Господеви: славно бо прославися, – что те самые люди после трех дней возроптали на него. Писание повествует, что Моисей поят сыны Израилевы от моря чермнаго, веде их в пустыню Сур, лежащую между Египтом и Аравией: и идяху три дни в пустыни, и не обретаху воды пити. Приидошаже в Мерру, в место сим именем после прихода их названное, где нашли довольно воды, и не можаху пити от Мерры, горька бо бе: сего ради наречеся от них имя месту тому Мерра, то есть, Горесть. |
| Гражданин Вышний желая быти,/земнаго отечества град оставил еси, пресельник явився, отче Феодосие,/к Горним легко прешел еси, во свете праведных водворяяся,/духом же неотступно с нами пребываеши,/сохраняй убо нас, тя воспевающих. Распростер преподобнии твои руце,/принеси моление ко Всещедрому Богу, отче Богомудре Феодосие,/сохранити град твой невредим от варварскаго нашествия и междоусобныя брани/и спасти нас, тебе величающих. Глагол моих недостойных грубое вещание,/еже по силе принесох тебе, преподобне Феодосие,/приими и не презри,/но Творца нашего, Владыку и Господа, моли за мя,/в день страшнаго испытания милость обрести/и тамошняго мучения избавитися. Богородичен: Рясны златыми преукрашена,/одесную Царя Бога предстоиши, Богородице Дево,/моли убо Сына Твоего и Владыку/милость обрести нам в день последняго испытания,/и стояния сподоби нас со избранными,/и страшнаго мучения свободи, да вси Тебе величаем. Светилен. Подобен: Учеником зрящим: Умертвил еси долу влекущая мудрования,/и, мирскаго пристрастия удалився, яко скверны,/процвел еси, яко финикс, давидски, отче Феодосие,/и Небесною славою со Ангелы обогатился еси от Бога,/Егоже в песнех восхваляем. Слава, и ныне, Богородичен: Честнейши еси всея твари, Богородице Дево, Христа рождшая,/Того убо моли сохранитися стаду Твоему невредиму/от всякаго навета сопротивнаго. На хвалитех стихиры на 4, глас 8. Подобен: О, преславнаго чудесе: О, преславнаго чудесе!/В мертвенней телеси, яко Безплотен, подвизався,/Богови себе усердно возложил еси,/преподобне Феодосие,/любве ради Его всю твою жизнь в подвизех скончал еси,/броздами воздержания плотския страсти смирил еси/и чудесы обогатился еси./С тобою убо вопием Христу:/спаси души наша, яко Един Милосерд. Отче блаженне Феодосие,/яко тезоименит Божию даянию был еси,/сего ради и раку мощей твоих Господь человеком показа,/яже яко неистощимый источник чудес/и река дарований духовных,/слепым еже видети подает/и всем болящим исцеление дарует,/одержимыя от нечистых духов избавляет/и целомудрствовати творит. |
|
|
