| 9 . Во многих убо инаковость и несходство и разнствие: обрестися же вне сих в Бозе, истинно едином и единственном, есть возвергнути себе превыше многих 323 к созерцаниям яже о Бозе. И сие являет Моисей, иже вне полка потче скинию ( Исх.33:7, 11–23 ) уча, и посем беседоваше с Богош. He безбедно бо есть, словом произносимым покушатися изрещи Неизреченнаго, понежс произносимое слово есть двойство и более. А еже без гласа единою душею зрети сущее, крепчае есть, понеже (тогда) стоит она в нераздельней единице, а не во многих. Архиерей бо, емуже едва повелено бе единою в лето входити во Святая святых ( Евр.9:7 ) внутрь завесы, научает, яко единому точию прошедшему двор в Святое, и внутрь Святая святых бывшему, сиссть все естество чувственных и мысленных минувшему, и от всякаго свойства, временному бытию сообразнаго, чисту бывшему, подобает непокровенным и нагим умом приступати к видениям яже о Бозе. 10 . Великии Моисей, вне полка поставивый свою скинию, сиесть мысль и ум водрузивый вне видимых, покланятися Богу ( Исх.34:8 ) начинает, и вшед во мрак ( Исх.20:21 ), – в невидимое и невещественное ведения место, – ту пребывает посвящаем в священнейшия тайны. 11 . Иже во внешней жизни и поведении исполняяй закон, от единых точию последствий злонравия празден есть, закалая в жертву Богу неразумное страстей деиство, и сим образом таковый довольствуется для спасения, ради своего духовнаго младенчества. 12 . Иже евангельскую жизнь истинне целуяй 324 , и начало и конец своего злонравия изсече, и всякую добродетель делом и словом проходит, принося жертву хваления и исповедания, всякаго действеннаго страстей стужения отчужден, и от борения с оным во уме свободен сый, и точию в надежде будущих благ имеяй питающую душу, ненасытную сладость. 13 . Страх геенны, поощряет вводимых 325 убегати злонравия; желание же воздаяния благ, дарует преуспевающим усердие к содеянию благих: а таинство любве, воземлет ум превыше всех сотворенных, соделовая его слепым ко всяческим, яже после Бога суть. Единех бо соделавшихся слепцами ко всяческим, яже после Бога суть, Господь умудряет ( Псал.145:8 ), показуя им божественнейшая. |
| Кто бо, глаголет? разуме ум Господень, или кто советник Ему бысть ( Рим.11:34 )? Сам же глаголет: коль краты восхотех собрати чада твоя, и не восхотесте. ( Мф.23:37 ). Прочее от сего веровати должни есмы, яко Той ны собирает, нашея же токмо приищет воли: кое же есть явление воли, аще не труд волен? Якоже бо железо распиляющо, посекающо, земледелствующо, насаждающо, то убо нагнетаемо повинуется, обаче ин есть движай и отводяй, и, внегда сотрено будет, разжигаяй и обновляяй: тако и человек, аще и утесняется и трудится, делая благое, обаче Господь отай в нем делает, и, внегда утрудитися тому и сокрушитися сердцем, утешает и обновляет его: якоже и Пророк глаголет: еда прославится секира без секущаго? или вознесется пила без влекущаго ( Ис.10:15 )? Тако же есть и о злобе: егда человек послушен бывает и готов, тогда сатана женет и поощряет того, якоже разбойник меч. Железу же приуподобихом сердце за нечувствие вещей и многу жестокость: не подобаше же нам, яко нечувственну железу, не ведети державствующаго (понежс скоро от возделателя Слова в лукаваго помысл препадаем): но пачс, якоже вол и осел, ведети гонящаго и наставляющаго в разуме: глаголет бо: позна вол стяжавшаго и, и осел ясли господина своего: Израиль же Мене не позна ( Ис.1:3 ) Помолимся убо прияти познание Бога, и духовным наказатися законом в послужение заповедей Его, Аминь. Тогожде, о пощении и смирении. Слово седьмое Подобает постничествующым, начинающым и совершати: юным же и старцем, здраво имущым тело, ни труда ни озлобления боящымся, всяцем усердием полезншее и утвержденнейшее непрестанно любити пощение: мерою хлеб ясти, такожде и воду пити, от времене до времене: толико же, елико алчущым и жаждущым отходити от вечери, и нуждней ко Богу службе невозбраняемой быти от сласти. Аще бо восхощем ядуще насытитися; то скоро унывше, на иное преложимся желание, и аще тем приемше насытимся, и сие яко первое отвергше, на ино преложимся желание отраднейшее: и аще то приемше насытимся, и сие, яко прочая, отвергше, оставим: и не возможно есть нам, аще умыслим себе желание, паче неже пощение, ко утешению, пребыти самым насыщаемем. |
| О священстве 13 . Священства сподоблся Божественнаго и говийнаго 380 , самаго себе первее должен еси имети пожренна 381 умертвием страстей и сластей: и тако смети прикасатися животней 382 и страшней жертве: аще не хощеши, яко вещество удобосгараемо, божественым сожжен быти огнем. Аще бо Серафим без клещей не сме божественному прикоснутися углю; како ты коснешися без безстрастия, имже и язык имети будеши оскящен, и устне очищенне, и душу чисту с телом , и саме те руце, всякаю злата светлше, яко служительне 383 пресущественнаго огня и жертвы. 14 . Разумей крипце глаголемых силу, яко на оно на всяк день взираеша спасение, еже единою видев Симеон старец, ужасеся, и о отпущении моляшеся ( Лк.2:30 ). И аще весть не приял еси от Святаго Духа приятен быти ходатай 384 Богу и человеком, яко равноангелен: да не смееши 385 дерзостне на страшное и пречистое божественных священносовершение, его же и Ангели ужасаются, и мнози от Святых, яко от нетленна, всеблагоговейно опряташася 386 , да не како, яко Оза он, мнением благаго потребишися. 15 . Внемли себе, по рекшему ( 1Тим.4:10 ). Аще что тебе прежде, или ныне, внутрь бывает негли сквернавое от немощи, божественным да изнуряется огнем, о своих первее гресех выну приносящу 387 . Тако бо, яко избран и благопотребен сосуд и чист, и таковмя Жертвы достоин, возмогл бы еси во сребра естество, или и злата (1Kop.3:12) преложитися, аще нецыи и скудельни и древяни были быша 388 , аще точию имети будеши Божество прикланяемое 389 . Иде же бо Бог в послушание 390 готов, ниедино преиятие от сего в сие преложению. 16 . Зри же, еликия сподобился еси равноангельныя чести, и тщися пребывати неповинен 391 во стеиени, в оньже позван быль еси, добродетелью всякою и чистотою. Падшаго бо денницу веси, от какова яков бысть за возношение. Еже да неоостраждеши и ты , великими о себе самом мечтаяся: но имей себе землю, и пепел ( Быт.18:27 ), и помои 392 , и пса некоег0, и плачи выну, яко всяко сподобляешися в приобщение Божественно и сродство 393 празываем быти прикосновением святых Таин страшнаго священносовершения, человеколюбием Божиим неизреченным и неизглаголанною благостию. |
| Елицы же просивше отпущения, от Бога прияхом множицею, яко сего ради ничтоже нам зде зло терпети, а ближния тогожде причастны быти не приемлем: подобни есмы рабу оному лукавому, иже тмы талант отпущение прием от владыки, клеврету, стом пенязь должну бывшу, не прости: с нимже и законне Господь стязаяся, рече: рабе лукавым, весь долг он отпустих тебе, понеже умолил мя еси: не подобаше ли и тебе помиловати клеврета твоего, и отпустити ему долг, якоже и аз тя помиловах? И прогневався, глаголет, предаде его мучителем, дондеже воздаст весь долг. И наводит глаголя: тако сотворит вам и Отец мой иже на небесех, аще не отпустите кийждо брату своему прегрешения от сердец ваших ( Мф.18:32–35 ). Темже и инде различными благодеянии от него обогатившыяся, немилостив же и несострадателен прав имущыя, окаявает глаголя: горе вам богатым: яко восприемлете утешение ваше ( Лк.6:24 ). Воистинну бо богатство в нас есть изобилие различных нам дарований: горе же нам, яко умоливше, и множицею помиловани бывше, сами молими, никого же помиловахом, но восприемлем утешение наше. Рек же о богатых, не всех обвиняет богатящихся: суть бо в них, и воистинну богатство управляти ведущии, по воли давшаго Бога, и сторицею, якоже писано есть, во веце сем приемлющии: якоже блаженный Авраам, и праведный Иов, милостиви бывше, множае обогатеша, и зде, и в будущем веце: но, якоже предрекохом, лихоимствен нрав имущыя, или во имениих, или в различных щедротах присовояющыя себе дарования Божия, и ближняго не хотящыя маловато порицает. Не бо данное от Господа стяжание, имущаго обидит 57 : но от неправды прибывающее лихоимство, и мати сего немилосердие: ихже отнюд бежаще известновернии 58 , внезапу 59 настоящих отрекошася: не творение Божие неразсудно возненавидевше: но веровавше Христу, сие творити тем заповедавшему, от Него дневное самодовольство приемлюще. Может убо кто и без нмении богатети, содержа в лишшеимстве или слово, или разум 60 , или какое-либо милосердие, обще всем дарованная: приемлет бо, да преподает неимущему. |
| Сие же приличествует и всякому иноку, сидящему наедине в безмолвии. Приях твое, отче духовный, Боголюбивое сие писание, и похвалих еже по Богу смирение твое, яко от Мене, ничтоже благо имущаго, слово пользы услышати удостоил еси. Аз же, аще не бых боялся прещения преслушания, негли и преслушал бых тебе: ведый, яко не сотворивый в учай, яко лицемер, мний наречется от подвизающихся получити царетвие небесное. А понеже послушание не безмездно и вера твоя многа, на сию уповая и на твою молитву, наставлен буду от них, и пишу, якоже повелел еси. Три части глаголют отцы имети словесней 496 нашей души: ум, еже в слевесное 497 глаголют, яростное 498 и желательное 499 . В сих триех добродетели убо естественне внутрь суть, злобы 500 же лишением добродетелей привходят. Добродетели же словесныя 501 части суть: вера права, ведение, мудрость, смирение и еже к Богу присно двизатися и носитися мысльми добрыми и помыслы чистыми, и Боголепными видении. Злобы 502 же ея суть: Неверие, невежество, безумие забвение, тщеславие, гордость, скитание 503 помысл, и сим подобная. Желательныя 504 же добродетели убо суть: целомудрие, отвращение от всех тленных, сиречь: ястий и питий, имений, прибытков, славы преходящия, и еже к Богу приснонаправляти всяку любовь, и все горе простирати желание к Нему. Злобы 505 же ея суть: Неудержание 506 ; еже любити мир и яже в нем; еже в сих оскверняти любочестие души; еже предпочитати преходящая 507 . Яростныи 508 же части злобы суть: ярость, гнев 509 , памятозлобие, зависть, оглаголание, и сим подобная. Добродетели же ея: кротость, мужество, долготерпение, незлобие, милость, любы, благость 510 . Сего ради и 511 отцы наши в пустынях и в горах 512 , и в пропастех земных, и в лаврах, и в монастырех, и в келлиах, и в затворех, и на столпех пожиша: да от всех инех упразднившееся, или совершенным терпением и повиновением 513 и отсечением воли 514 злобу отмыют, и добродетель приобрящут, или уединением, и отнюдным 515 от здешних упразднением, нравы же в чувства накажут, в уме и помысл некрадомы и невысимы 516 соблюдут от ничтоже сущих мыслей, и Бога обрящут, его же ради вся творят и тщатся: и сия убо тако. |
| 214 Т. е. не тотчас после каждаго поступка (τροπν, собств. поворота) нашего дается по оному суд, что мы или то, чем быть должны (δχμος), или же достойны отвержения. 224 Наприм. ношением худых одежд, занятием последнего места, уклонением от благовидности и т. под. 264 Друг. Чт. «Вижу, что ты, последуя вещаниям божественным, не говоришь сообразного с природою, а хочешь всех обвинять в невежестве.» 271 Так что всем слушавшим показалось, что он, быв поражен умозаключениями, оствавил составление доказательств. 282 Сами виновны, если и не по тому, что теперь говорили, или делали, то по причине наших старых долгов. 322 Силу представлять себя в самосознании отдельным от себя. При том необходимо остается двойственность. 349 Преп. Аммон был современник Св. Антония Великаго . 18 лет провел в девственном супружестве; потом 22 года в пустыне. Повествование о его добродетелях, чудотворениях и наставлениях см. в Четь-минеи в 4-й день Октября, и в книге; достопамятныя сказания о подвижничестве св. Отцев: 1846. 356 В Христ. Чтении на 1826 г. Ч. XXIII. с. 131, сия надпись читается так: главы о деятельности и о созерцании, и о священстве. – Тамже пишется: «Акростих сих глав в подлиннике есть следующий: Преподобнейшим Отцам Лазарю и Варлааму Феогност всескудный, недостойный всего мира.» 365 Хр. чт. молитвы состоит в погружении размышления только в слова произносимыя, и мысли содержимые оными, и во всегдашнем не насытимом желании... 426 Но нак открывается Он в создавшей все существа премудрости, промысле, распоражений, содержании, управлении и сохранении всего. 507 В Греческой рукописи, хранящейся в Московской Патриаршей Библиотеке за CCCXII, л 188, сие место читается так: предпочитати преходящая и изчезающая велицей славе Божией и благам яже тамо. 510 В Греч. ркп. Патр. Библиот. после сего написано следующее: «сих ради злоб и добродтелей бывают, и отречения и (от своей воли) подчинения, сих ради удаления от торжищ, подвиги, уединения и всяк претераеваем труд телесный, и всякое пощение и бдение и злострадание: да злобы, якоже волчцы и терние и плевелы от души отвергнем; добродетели же, яко доброе семя, посеяваем и возделоваем в нас. И возмогий, Божиим свыше содействием и благодатию, злобу изгнати от души, добродетель же вселити в ню, блажен есть и в нынешнем веце и в будущем. Восхотевый же, обаче не возмогий, и, аще убо по нерадению и безпечности, аще ли по неведению, вознебрегий о еже творити доброе, всеокаянен есть, якоже аз любосластный, и сладострастием прелщаем, и тщеславием поругаем, и завистию и памятозлобием умерщвляем. Сего ради и Христос отвергнутися настоящих повеле всм хотящим оослидовати Ему.» |
| Ныне же пекийся о тебе, сие творит. Аще бо раб он, приемый талант, и цела его сохранив, занеже не придела, осужден бысть: много паче погубивый той осужден будет. Внимай себе, и отвсюду себе осматривай. Не усыпающе имей к хранению своему и око ума: посреде сетей преходиши: сокровенна тенета от врага отвсюду потчена суть. Вся убо осматривай, да спасешися, аки серца от тенет. Она бо не емлема есть тенетами, быстроты ради зрения: темже и тезоименна есть быстрозрению. Обаче оно ведати подобает, яко ниже иныя коея заповеди блюдение, ниже самую ко Богу любовь, ни яже к ближнему можем исправити, от инех ко иным мыслию скитающеся: но и обучение онаго по Евангелию Христову к Богу благоугождения во отшествии от попечений мира сего и всесовершеннем отчуждении неполезных молв исправляемо бывает. Тако и учеником Господь, по чистем и непарительнем расположения (душевнем) свидетельствоваше глаголя: вы несте от мира 19 сего. И напротив познание Бога миру сему не возможно быти прияти, ниже Святаго вместити Духа засвидетельствова, глаголет бо: Отче праведный, и мир Тебе не позна: 20 и, Дух истины, егоже мир не может прияти 21 . Разрешитися убо подобает от уз пристрастия жития сего, имущему воистинну Богови последствовати. Сие же всесовершенным отшествием и забвением ветхих обычаев исправляемо бывает. Сие же сотворшим, всяцем хранением блюсти подобает сердце свое, никогдаже сущую о Бозе мысль изгнати, или память чудес Его мечтании суетными оскверняти: но всегдашнею и чистою памятию воображенну имети в душах наших, аки печать неизглаждаему, преподобную о Бозе мысль. Тако бо пребывает в нас любы яже к Богу, купно и воздвижущи к деланию заповедей Господних, и от них паки сия соблюдаема, к пребыванию и нераспадению. И сие показует Господь, оногда убо глаголя: Аще любите Мя, заповеди Моя соблюдите 22 ; оногда же: аще заповеди Моя соблюдете, пребудете в любви Моей. И еще увещательнее: якоже Аз заповеди Отца Моего соблюдох, и пребываю в Его любви 23 . Аще же кто растлевает в делании точное блюдение заповеди, яве есть, яко о памяти Божией немоществует. |
| 68 . Преславно 476 тебе слово глаголю, и не удивляйся. Есть некое таинство, тайне между Богом·и душею совершаемо. Высочаиших же есть сие мер, и совершеннаго очищения, и любве, и веры: егда человек, в конец примирився, соединится со Богом усвоением, молитвою и видением непрестанным. Сим (таинством) Илиа убо затворяет небо бездождием, небесным попаляет огнем жертву; Моисей же сечет море, и руку простертием побеждает Амалика, и Иона от Кита и глубины спасается. Нуждно водит Бога человеколюбнейшаго, идеже бы хотел. Сподобивыйся сего, аще и во плоти живет, но пеевзыде меру тления и мертвости, яко обща сна, смерти ожидая, сладце препосылающия ко уповаемым. О священстве 69 . Стыдяся Владычних страстей, и еже за ны Бога Слова истощания, но убо и растворения с нами животворящаго и Божественнаго Тела же и крове, ихже не причащения токмо, но и священнодевствия сподобихомся, смиряй себе, яко и овча заколения; преимущих тебе всех воистину вменяя 477 : и тщася ничию не уязвляти совесть, наипаче же безсловесно 478 Без освящения же не дерзай на святых прикосновение, да не яко сено попален быв Божественным огнем, и яко воск истаяв, возъубием 479 будеши. 70 . Воистину аще, якоже подобает, действуеши Божественнаго и говейнаго 480 Священнодейства страшное таинствоначалие, и не касаеттися 481 совесть; ни от чесогоже толику, яко оть сего, надежду имети будеши спасения: паче бо всякаго делания и видения отсюду пребудет ти польза. Аще же не тако, сам узриши, т лучше отнюдь отступити, познанием своея немощи, от высоты священства, нежели, беззаконно и не чисто сего держащуся, и многим мнящуся быти высоку, в падении плача достойном лежати от недостонвства. 71 . Толико превышше лежит говейнаго 482 Священства служба, и к Богу умилостивление и моление, паче всякаго пения 483 и молитвы, елико паче звезд солнце. Самаго бо Того Единороднаго закалаем и предлагаем, и приносим в моление 484 о грешницех, туве закланнаго за человеколюбие, не о грехов отпущении точию, но и о нихже аще молимся на пользу воистинну, и о наследии царства небеснаго, аще не оскверневна есть совесть. И тело убо, соединенно Божеству, яко же некий угль горящ, попаляет всяко вещество беззаконий, и сердца просвещает с верою приступающих: такожде же и Божественная кровь и честная отирает и очищает, паче всякаго иссопа, скверну всяку и окаляния, елика сила, чисте, а не нечисте на святая дерзающих. О дабы кто поят был 485 в таком случаи. |
| ( Мф.6:34 ). Обоя бо вкупе тойже Бог рече, реченное; в оньже аще день снесте от древа, смертию умрете ( Быт.2:17 ) и: внемлите, да не отягчают сердца ваша обяденим ( Лк.21:34 ): умерщвляет бо душу от попечения и объядения прибывающая тма, изгоняя ту от духовнаго слова, и лишая ту Божественнаго действа, От сего убо древа возбраняет нас Господь, глаголя: Ни о чемже пецытеся, разве о царствии. Елицы бо внидоша в рай Божий, и сохраниша заповедь сию, не изгнани быша: но елицы земнаго возбранени быша, духовнаго сторицею насладишася, действенне и подобообразне Благодати утешающей. Помолимся убо и мы сохрянити ю, да пребывше во словеси Господни, насладимся наслаждения Духа и зде, и в будушем. Якоже бо изгонится Адам, вкусив от древа разумения, тако не может пребывати во словеси Христове мудрствуяй земная, по писанному: яко любы мира сего, вражда на Бога есть ( Иак.4:4 ). Темже Писание глаголет: всяцем хранением блюсти свое сердце ( Прит.4:23 ): да кто, яко рай, храня еже в нем слово, насладится Благодати, не слушая внутрь свивающагося змия, советующаго яже к сласти, из неяже раждается ярость братоубийственная, и умирает душа раждающая. Но слыша Господа глаголюща: прилежите о вере и надежде, от нихже раждается Боголюбивая и человеколюбивая любы, вечный живот подающая. В сей рай вниде Ное, заповедь храня и делая, и любовию избавися от гнева. Сего храня Авраам, глас Божий услыша. Сего храня Моисей, славу на лице прият. Подобне Давид сего храня делаше, темже над враги господствова. Но и Саул, донележе храняше сердце, поспешен бываше: егда же наконец преступи, в конец оставлен бысть. Мерою бо и сообразне действует Слово Божие в коемждо. Елико бо одержит кто, толико одержим есть: и елико хранит, толико храним бывает. Сего ради весь лик Святых, Пророк, Апостол, Мученик, слово в сердцах своих храняху, ни о чемже ином пекущеся, но земное презреша, и пребыша в заповеди Святаго Духа, боголюбивое и благое предпочетше, не словом единым и разумением нагим, но словом и делом, самеми теми вещми: вместо богатства избирающе нищету, вместо славы безчестие, вместо наслаждения злострадание: темже и вместо ярости любовь: ненавидяще бо сладостная жития сего, отъемлющих та паче любяху, яко содействующих им к намерению: удаляющеся еже ведети доброе и лукавое: ниже бо благих человек отрицахуся, ниже злых обвиняху, вся посланники Владычняго смотрения вменяюще: ко всем убо имеяху благочинно любление. |
| Сие убо известно ведите, братие, знающе, яко аще наведения с верою и благодарением не терпим, то внутрь сокровенную злобу обрести не можем: сей же не обретшейся, ниже настоящыя злыя помыслы отврещи можем, ниже прежде бывших зол очищения взыскати, ниже о будущих утверждение прияти. Вопрос. Аще глаголи схоластика обличение суть дел наших, то почто реченным повинны себе не обретаем? Ответ. Наведения и обличения, яве не уподобляются винам: по духовному же, всю хранят правду. Сие же и от святаго Писания уразумети можем: еда бо под столпом Силоамским умершии на инех столп потрясоша? И отведеннии на покаяние в Вавилон пленницы седмьдесять лет, иныя некия пленники взяша ли на покаяние? Не тако суть наказателнии случаи: но якоже воини, егда яти будут согрешивше, биеми суть убо, но не таяже страждут, якова зла сотвориша: тако и вси наказуеми есмы находящими благовременне убо и приличне, и к покаянию: но не подобообразне, ниже в тожде время, ниже темижде вещми: и сие есть еже приводит многих в неверие правды Божия, (сиречь) вина 284 времени, и неподобие наводимых. Bonpoc. Темже, понеже многи находят на ны скорбны вещи, оно убо от человек завидящих, оглаголующих, клевещущих, ласкающих, заблуждати творящих, прелщающих , подкопывающих, крадущих, лишающих, соблазняющих, враждующих, презврающих, ненавидящих, ратующих, биющих, гонящих, и елика человеком от человек находят: или от тела своего безчинствующа, ратующа, покоя хотяща, в различны недуги и язвы падающа, многообразне немоществующа: или вне сих случающаяся: угрызения псов, ядометных или плотоядных зверей: к сим, губителства, глади, труси, потопи, случаи, мрази, знои, старость, убожество, уединение 285 , и елика такова: оно же от духов лукавствия, к нимже брань нашу быти Апостол яви, словеса наша и деяния наблюдающих, чрез няже последованне подобны в помыслы наша быти усмотревают, и влепоту: аще бо самовластный наш ум со искусителными прилоги по причине неверия беседовати не будет, и оставль соборную 286 надежду, помыслы не подвигнет: то ниже словеса произносятся, ниже деяния совершаются: ты же рекл еси, яко всякия беды по вине соразмерне на коегождо находят, в познание правды Божия нас влекуще: яви убо нам вины, да тако веру имем, яко повинни наводимым есмы, и должни есмы претерпевати находящая скорбна: да не на суде, не точию яко грешницы, но яко в исцеления не приемше, тяжшу имети будем муку. |
|
|
