| Во обители Костамонитстей по смирéнному зову игýмена послýшно идет Богомати будити нерадиваго монáха на Божественную слýжбу. Во другой обители, устáвшему от трудов екклисиáрху, является Она с помелом во хрáме и очищáет пыль в олтари. Во обители Рýсстей, во святый день честнáго Своего Покрова, является Пречистая в полноте роста Своего над собором стоящею и пречестный на рукáх Своих омофор светолепный держáщею, благословляющи молящихся во святоимéннем хрáме Своéм. Во иный раз яве из царских врат на среду молящихся выходит, якоже добрая и душепопечительная Игýмения, обходит бодрствующих во стасидиях молящихся иноков, благословляет и назидáет просящих милости Ея и заступлéния. Аки сердобольная Мати внéмлет Она смирéнному зову чад Своих. Смирéнная смирéнне является посреде убогих и немощных, не гнушáется скорая Помощница нуждáющихся, и под Ея покров прибегáющих, исполняющи прошения их. Кто бо виде, кто бо слыша когда, яко Владычица и Царица лобызáла бы рýку раба? Посреде другов Своих предстáла есть и никимже познавáема, рýце пречистеи Свои простéрла есть к подаянию, и от брéнныя руки укрýх хлеба прияла есть, кротко до земли поклонившися стáрцу Алипию и облобызáла рýку тому, милостыню подающую. О, ужáснаго сего видения! О, непостижимаго Богоматерняго смирéния! О, неизречéннаго тáинства смотрéния! О, недоразумевáемаго Богоматерняго промышлéния! О, неописýемыя Игýмении монáшествующих Афона красоты смирéния! Благоукрасися днесь обитель Рýсская, посещéнием Божественныя Владычицы хвáлящися. Та бо во смирéнии Своéм пáче солнца блистáющая зде явися, да сердца призывáющх Сына Ея Иисуса Христа, богоносна соделает. Темже молим Тя, Пречистая, милости Твоея и нас, рабов Твоих, не лиши, но сердца, Иисуса носящая, нам сотвори. О, смотрéния Твоего, Чистая, имже распаляеши сердца к любви Твоéй, с верою под кров Твой приходящих и на Небеса умом своим взирáющих! |
| И ныне: Ч истая Дево, Света жилище, Имже мир весь просветила еси, дýшу мою грехми потемненную посещéнием Твоим озари, да Свет из Тебе исходяй, супостáты моя вся пояст. Песнь 6 Ирмос: П ророка Иону подражáя вопию:/живот мой, Блаже, свободи из тли,//и спаси мя, Спасе мира, зовýща: слáва Тебе. А ще и сокрывáешися вмáле, Дево, смирéния рáди великаго Твоего, подобие рабов Твоих убогое приéмши, но Дух Всесвятый в сердцáх любящих Тя о Тебе вопиéт: се Мати Бога вáшего! Той ныне поклонитеся, любовию зовýщи: слáва Тебе. Честное образа Твоего явлéние зряще, хвáлим вернии, словесы Тя воспевáюще, Чистая, яко Царицу, и воздыхании сердéчными блажáще глаголем: Мати Божия, слáва Тебе. Торжествýем вси, любовию поюще Тя, и явлéние Твоего образа слáвяще: не престáй, Дево, молитвами Твоими спасáти рабы Твоя от всякия беды, верно призывáющия Тя, Благодáтная, и зовýщия: Мати Божия, слáва Тебе. Рáдостни и престрáшни быша раби Твои, Чистая, друг ко дрýгу глаголаху: кáко очи наша держáстася? Видехом бо Тя посреде нас просту и стрáнну, и тихо ходящую. Удивившеся же и земли преклоньшеся, Тебе, Владычице всех, поклонишася, зовýще: Мати Божия, слáва Тебе. Ин Зверь мя раздра, Всечистая, иже плоть моя вселукáвая есть, юже греях аз и ласкáх, и питáх, но сия мя внезáпу низрину. Сего рáди зову: Мати Божия, из истления мя исхити! Оскверних преслушáнием обновлéния ризу, юже от Тебе, о Владычице моя, иногда восприях. В ров уныния низпадох и лишéн добродетели, но с Ионою Тебе вопию: Мати Света! Очисти, испрáви мя, Чистая, и из тины страстéй исхити. Слáва: С е, при двéрех смерть, душе моя, предстоит и во чрéво адово низвести тя готова есть. Воспряни, о душе, возопий: пощади, пощади мя, Владыко, и молитвами Рождшия Тя от зверя сего исхити. И ныне: З аблудих, Госпоже моя, отпадох от стези спасительныя, по пути бо воли своея всегда хождáх. Но молю: пощади, взыщи и настáви мя, Чистая, и от конца всепогибельнаго исхити. |
| Ин Припев: В еличáй, душе моя, погибáющих спасéния Взыскýющую. Се, падохом, о душе моя, и грехом смéртне уязвихомся. Се, умрохом для жизни Небесныя и отстáхом добрыя дружины брáтий нáших. Обáче, душе моя, воспряни, востáни! Се бо Живота Родительница, яко Мати милостивно руце живительнеи свыше ти подаéт, да и ты, о душе моя, сýщую Богородицу Ю величáеши. Припев: В еличáй, душе моя, Деву Чистую, Горы Афонския Игýмению. Ризу светлу дáруеши обновлéния благодáтию Духа священноисткáнную, Богородице, во дворе Твоéм работати приходящим, юже и мне, Дево Чистая, в покаянии, о Всемилостивая, обнови, да и аз со отцы воспою песнь достойно, сýщую Богородицу Тя величáя. Припев: В еличáй, душé моя, Триипостáснаго Божества держáву. Глас Архангелов Тебе, Пречистая, и аз недостойный со отцы моими днесь приношу: рáдуйся, обрáдованная и преблагословéнная! Рáдуйся, Всепетая, Господь с Тобою! О Владычице пресветлая, песнь сию не прéзри, но во Царствии Триипостáснаго Бога нáшего, якоже Сама изволиши, нищету мою помяни. Припев: В еличáй, душе моя, честнейшую горних воинств Деву Пречистую Богородицу. О Всепетая Мати! Песнь достойную воспети Ти недоумею. Но обáче се дерзáю и благодарю Тя, яко сподобила мя еси немощнáго лику Твоему святому и светоявлéнному послужити. Приими, о Всесвятáя, дерзновéние убогое сие, и жития моего остáток в непорочности, молю Тя, сохрани. В день же стрáшный исхода окаянныя моея души грехов моих рукописáние, о Всемилостивая, раздери, да во Царствии Сына Твоего со отцы моими и аз недостойный сýщую Богородицу во веки Тя величáю. По сем пáки припев: В еличáй, душе моя, Деву Чистую, Горы Афонския Игýмению. И катавáсия: П обеждáются естества устáвы: Светилен лику Светописанному. Подобен: А постоли от конец: Избрáннии от конец земных,/совокýпльшеся зде,/во уделе святем Моéм,/возвеличити имя Мое./И Ты, Сыне и Боже Мой,//низпосли им с высоты свет Твой.Двáжды. |
| Днесь Богородица на Горе Афонстей посреде другов Своих явися, якоже обеща николиже оставляти их, но во всем быти им Помощница и Хранительница, тáко и ныне сотвори. Юже восхваляюще вси возопиим: рáдуйся, отцев нáших Божественная похвало. Чýдо сие зряще, помяните вся елика вам обетовáх: яко бýду вам Питáтельница и Промыслительница, Икономисса и Млекопитáтельница, бед Предвозвестительница и врагов Борительница, Врачевáтельница и смирéнная Вратáрница, и во всяких нýждах скорая и надéжная вáша Послýшательница. Да на Небесех умом выну пребывáюще, Сыну Моему единому собеседуете, присно вопиюще: отцев и наш Боже, благословéн еси. Ин Заблудих, о Мати Божия, отпадох, и доброту души моея, юже ми даровáла еси, в ров страстéй, окаянный, безстыдно низринух. Но молю: до конца не отрини мя, Всечистая, житие уныло имýщаго, но всего мя покаянием пáки очисти и огненных слуг Твоих сопричáстника сотвори, молитв бо рáди отцев моих на Тя, о Пречистая, уповáю. Преслушáние дерзновéния мя обнажи и стыждýся: кáко пред лице Твое прииду? Киима очима на Тя воззрю? Кáко образу Твоему честному днесь поклонюся? Но молюся благоутробию Твоему: ризу ми, о Всемилостивая, пéрвую дáруй и яко Упрáвительница мя спаси, молитв рáди отцев моих на Тя, о Пречистая, уповáю. Слáва: О гнь любве Божественныя внутрь себе носяща сотвори раба Твоего, Мати Безневестная, огнь Божества во утробе Своéй неопáльно вмещшая. Сим убо ми зельне распаляему, хврáстное страстéй моих потребится множество, молитв бо рáди отцев моих на Тя, о Пречистая, уповáю. И ныне: Н етленное Слово, тления нас избáвльшее, пáче слова родила еси. Сего рáди и мене, молюся, от страстéй очисти, да возследую всем сéрдцем Тебе и боюся Сына Твоего и лица Его выну взыщу, молитв бо рáди отцев моих на Тя, о Пречистая, уповáю. Песнь 8 Ирмос: П еснь Тебе приносим безплотных,/якоже отроцы в пещи,/и поюще глаголем://благословите, вся дела Господня, Господа. |
| Песнь 5 Ирмос: С вет Твой незаходимый возсияй, Владычице,/в сердцáх верно поющих Ти,/мир подавáй нам пáче ума:/имже от нощи неведения/ко дню светом Твоим текýще,//славословим Тя, Пренепорочная. Солнце светлое, во смирéнии Твоéм блистáющее, возсия икона Твоя, Богомати Всенепорочная, свет Божественный с любовию к Тебе притекáющим изливáющая и согревáющая сердца к подражáнию боголепнаго жития Твоего, верно призывáющих имя Твое, Благодáтная. Меч Божественный, имя сладчáйшее Сына Твоего Иисуса рабом Твоим даровáла еси, Богородице, имже нáглость бесовская посекáется и свирепство плоти закалáется, и победоносцы доблии Христовы являются, верно именýющии имя Того благодáтное. Светло возсия и вселéнную всю озари имя Твое, Благодáтная Дево, Марие Всепетая, сень лукáвствия упразднившее, омрачéние сердéц отъéмлющее, верно призывáющих Тя, Благодáтная. Божественный Твой вертогрáд, яко рай изобилием щедрот Твоих присноцветýщ, пáки днесь от Богоподобныя доброты Твоея угобзила еси, и милости Твоея неизглаголанныя и смирéния аромáт во весь мир облагоухáла еси. Да поéтся имя Твое, Благодáтная! Ин Се падох, Владычице, се умрох. Аз бо враги моя, якоже Ты рекла еси, до конца не избих, воли всеокаянныя своея не пожрох, плоти вселукáвыя не заклáх. Но молю Тя, Всечистая, рéвность Божественную мáнием Твоим низпосли ми, да якоже огнь с Небесе низходяй, супостáты моя вся пояст. Имя Твое, Благодáтная Марие, победительно есть и всесильно, имже Ангельстии лицы просвещáются, демонская же стада горце попаляются, еже призывáти и мене, Богородице, научи, яко да огнь от него исходяй, супостáты моя вся пояст. Слáва: У дивляются лицы Ангельстии, Деву Пресветлую, Свет от Света на руку Своею носившую, и Свет от Отца исходящий, и в душáх верных молитв Ея рáди возсиявáющий зряще. Сего рáди и аз окаянный образу Твоему припáдая, умоляти дерзáю: лучéю единою Божества Трисияннаго дýшу мою просвети, да огнь от нея исходяй, супостáты моя вся пояст. |
|
|
