| В Германии вышла книга о Святой горе Афон и русских монахах-святогорцах Мюнхен, 19 мая 2011 г. В баварской столице на русском языке вышла книга «Афон: взгляд из Баварии (записки паломника)», автором которой является православный журналист Анатолий Гурьевич Холодюк, исполнявший в 2002—2003 гг. по благословению священноначалия Русского Свято-Пантелеимонова монастыря на Афоне функции представителя этой обители в Германии, сообщает Седмица.Ру. В одном из своих интервью архиепископ Берлинский и Германский Марк (РПЦЗ), отвечая на вопрос «Показался ли Афон вам раем на земле?» ответил: «Это не то место, где за каждым кустом надо ожидать святого. Это естественно: каждое святое место имеет свои искушения. Но в целом я почувствовал намоленный дух Афона…». Развивая эту точку зрения владыки Марка, автор повествует о духе Афона, его великих христианских святынях, известных русских монахах-афонитах, а также о некоторых современных проблемах русского Афона. По благословению духовника Свято-Пантелеимонова монастыря автором был подготовлен материал о светописанном образе Божией Матери, положивший начало этому изданию. В нем содержатся фотографии, эксклюзивные интервью и личные впечатления автора от общения с некоторыми насельниками Свято-Пантелеимонова монастыря: иеромонахами Макарием (Макиенко), Николаем (Генераловым), Иоакимом (Сабельниковым) иноками Ефремом, Варсонофием, Никитой, Павлином и др. В издании (тираж 300 экз., 183 стр.) представлены статьи и дневниковые записи автора, в течение многих лет собирающего на Святой Горе материалы для «Афонского словаря», который выйдет в свет в текущем году в московском издательстве «Индрик». 19 мая 2011 г. скрыть способы оплаты Подпишитесь на рассылку Православие.Ru Рассылка выходит два раза в неделю: Мы в соцсетях Подпишитесь на нашу рассылку |
| О, преслáвнаго чудесе!/Хлеб с Небесе сшéдый мирови подáвшая,/кáко рýце ко рабу простéрла еси?/Кáко милостыню от него прияла еси?/Кáко рýку брéнную лобзáнием не опалила еси, огнь Божественный на руку держáвшая?/Сим бо образом смирéние,//кýпно же и милость возвеличила еси и благоволéние Твое явила еси. О, преслáвнаго чудесе!/Посещéние Твое, Всепетая,/и смирéние неизречéнное/нас рáди, Мати Божия, являеши./Небо в Рождестве Твоéм земли преклоньшая,/кáко до земли склоняеши смирéнную главу?/И о чем раба благодариши,/Юже тварь вся благодáрне похваляет и блажит?//Покланяемся вси снизхождéнию Твоему, Чистая! Слáва, глас 1. Творéние преподобнаго Никодима Святогорца: Подобен: Н ебесных чинов: Видение зрáка Твоего чиcтаго/Ангелом убо слáдостно,/человеком же есть спасительно,/духовом лукáвствия губительно,/егоже верою почитáюще и целýюще,//Богородице, дýши просвещáем. И ныне, Успéния. Вход. Прокимен дне. И чтения три Богородице. Бытия чтéние. [Глава 28.] Изыде Иáков от студенца клятвеннаго, и иде в Харрáн. И обрете место, и спа тáмо: зáйде бо солнце. И взят от кáмения места того: и положи возглáвие себе, и спа на месте оном. И сон виде: и се лествица утверждéна на земли, еяже глава досязáше до небес, и Ангели Божии восхождáху и низхождáху по ней. Господь же утверждáшеся на ней, и рече: Аз Бог Авраáмов отца твоего и Бог Исаáков, не бойся: земля, идеже ты спиши на ней, тебе дам ю, и семени твоему. И бýдет семя твое, яко песок земный, и распространится на море, и ливу, и север, и на востоки: и возблагословятся о тебе вся колена земная, и о семени твоéм. И се Аз с тобою сохраняяй тя на всяком пути, аможе аще пойдеши, и возвращý тя в зéмлю сию: яко не имам тебе остáвити, дондеже сотворити Ми вся, елика глаголах тебе. И воста Иáков от сна своего, и рече: яко есть Господь на месте сем, аз же не ведех, и убояся, и рече: яко стрáшно место сие: несть сие, но дом Божий, и сия врата Небесная. |
| О, дивное чýдо!/Яже Небес вышшая,/днесь посреде рабов Своих является,/и лика Своего пречистаго изображéние нам дáрует./Рáдуйся, Горо Афонская,/сáде Богородичен избрáнный./Возопиим, брáтие,/со Архистратигом сéрдцем и усты едиными:/Благодáтная, рáдуйся,/с Тобою Господь,/подаяй мирови//Тобою вéлию милость. Чудны Твоя рясны, Богородице,/кротостию украшенныя,/чистотою позлащенныя,/добродетельми Божественными преиспещренныя./Слáва Твоя боголепна,/богоподобнаго смирéния Твоего сияюща лучи./Кротцыи и смирéннии, с Пречистою Девою/на высоту духовную возноситеся поюще:/Благодáтная, рáдуйся,/с Тобою Господь,/подаяй мирови//Тобою вéлию милость. Дивный прорече Исáия:/бýдет в последния дни/яве гора Господня,/и дом Господень верху ея./Сице и Святáя Гора Афонская,/о Тебе, Владычице, воистину украсися,/многими просиявши отцев киновиями,/иже непрестáнными гласы поют Ти:/Благодáтная, рáдуйся,/с Тобою Господь,/подаяй мирови//Тобою вéлию милость. Дивны Твоя тайны, Богородице:/се бо в последния дни/в жрéбии Своéм Себе явила еси,/во смирéнии Своéм вся кротко назидáющи./О, смотрéния Твоего, Чиcтая!/Имже распаляеши сердца к любви Твоéй,/с верою под кров Твой приходящих,/и на Небеса умом взирáющих и вопиющих:/Благодáтная, рáдуйся,/с Тобою Господь,/подаяй мирови//Тобою вéлию милость. Подобен: Н ебесных чинов: Тýчами Духа Святáго, Пречиcтая,/жрéбий, Сыном даровáнный Ти,/яко сад духовный присно, Дево, орошáеши,/и потоком слáдости Божеcтвенныя/насаждения Твоя присно питáеши./Темже жáждущаго мя не прéзри в скорби,//но животворящих вод напитися и мя сподоби. Жезлом предстáтельства Твоего/на Горе Твоéй пасомыя/от губителей безплотных ограждáеши/и к пáжити Небесней наставляеши/вместо мáнны, благодáтию питáеши,//и Небесных благ наследники их сотворяеши. Глас 2. Подобен: Д оме Евфрáфов: Новый Богоздáнный сaд,/Небеси подобная Гора,/юже сынолепно/Христос Бог нaш,//яко жрéбий Матери Своéй дарова. |
| Честнаго пояса Твоего положение/празднует днесь Твой, Препетая, храм,/и прилежно взывает Ти:/радуйся, Дево,//христиан Похвало. Явления Пресвятой Богородицы прп. Сергию Радонежскому Тропарь, глас 4 В преславнем явлении Твоем, Дево Богородице,/припаде к стопам Твоим преподобный авва Сергий/и мольбу о святей обители изрядно сотвори,/да Твоим Матерним ко Христу предстательством/усердно присно ходатайствуеши/о всех под священный покров Твой прибегающих,//просящи нам оставления грехов и велия милости. Перевод: В чудесном явлении Твоем, Дева Богородица, припал к стопам Твоим преподобный отец Сергий и мольбу о святой обители особо принес, потому что Твоим Материнским ко Христу заступничеством усердно всегда ходатайствуешь о всех под священный Твой покров прибегающих, прося для нас прощения грехов и великой милости. Кондак, глас 1 Источник исцелений и веры Православныя утверждение/посещение Твое, Богородице, явися,/темже и нас, к Тебе притекающих,/от бед и искушений свободи,/Лавру сию невредиму сохрани,/Православие во окрест живущих утверди/и грехи разреши молитвенник Твоих,//елика бо хощеши, можеши. Перевод: Источником исцелений и веры Православной укреплением посещение Твое, Богородица, стало, потому и нас, к Тебе прибегающих, от бед и искушений освободи, Лавру эту невредимой сохрани, Православие в окружающих утверди и грехи отпусти всем молящимся Тебе, потому что все, что Ты хочешь, можешь. Величание Величаем Тя,/Пресвятая Дево,/Богоизбранная Отроковице,/и чтим явление Твое,/имже точиши обетование//покрывати присно место сие. Явления Светописанного образа Пресвятой Богородицы в Русском на Афоне Свято-Пантелеимоновом монастыре Тропарь, глас 2 Пречистому лику Твоему поклоняемся, Благая,/просяще предстательства о нас, Мати Божия,/волею бо благоволила еси явитися среди братии,/да избавиши от печали, ихже собрала еси. Тем благодарственно вопием Ти:/радости исполняеши всех, Пресвятая Дево,//вверяющих себе покрову Твоему. |
| Глас 8. Подобен: О , преслáвнаго чудесе: О браз Твой пречистый обстояще,/с трéпетом отцы на Тя взирáху./Овии же чýдо созерцáюще,/ужасом премногим одержáхуся./Стáрцы же со слезáми вопияху Ти:/о Владычице Всепетая!/Зрим Тя ясно и дивимся:/кáко пáче солнца слáвою блистáющая,/проста во смирéнном виде нам являешися,/в скорби сýщих утешáющи?/Но молися Сыну Твоему и Богу нáшему,/Дево Госпоже Владычице Пречиcтая://стáду Твоему от бед и зол спастися. Слáва, глас 1. Подобен: Н ебесных чинов: Сытости воспевáния Твоих похвáл,/любящии Тя отнюд, Всепетая, не знáют,/но желáнием приéмлют вящшее желáние,/песни протяженны ткáти сéрдцем и усты,/непрестáнно Ангелы на Небеси Тебе хвалимей,//уповáнию всех сýщих на земли единому. И ныне, Успéния. На стиховне стихиры, глас 8. Подобен: О , преслáвнаго чудесе: О, преслáвнаго чудесе!/Живоносный сaд/на Горе сей насадила еси,/и делатели во оный призвала еси./О, надéждо звáния сего!/О, богáтство даровáния,/еже во обетовáниих Твоих неложно завещáла еси/чéстне в жрéбии Твоéм труждáющимся,//благодáтию Тебе всыняемым! Стих: В о свете лица Твоего пойдем,//и о имени Твоéм возрáдуемся весь день. О, преслáвнаго чудесе!/Гора тýчная и дивная,/мéдом и млеком текýщая,/благодáтию приосенéнная./Небо, еже на земли!/К Небеси степéнь восходная!/Рай земный, Сион вторый Божеcтвенный,/егоже в жрéбий восприяла еси,//иже есть врата Небесная! Стих: П осли свет Твой и истину Твою, та мя настáвиста, и введоста мя//в Гору Святýю Твою и в селения Твоя. О, преслáвнаго чудесе!/Ополчéние свящéнное,/Ангельским ликом единонрáвное,/дéмонским стадом противоборное,/дýхом к Богу присно пламенеющее,/Воеводы воинство Небеcныя,/Еюже дерзáет и пленяет рáтники,/Ею утверждáемо, проходит послушáние,/вси потрудимся, о брáтие!/Да не отщетимся онаго полка Божеcтвеннаго/и не постыдимся в день сýдный,/воньже да сподобимся и мы услышати://приидите в рáдость Господа и Сына Моего. |
| Слáва, и ныне, попрáзднства. Величáние общее. Псалом избрáнный: Услышите сия, вси языцы, внушите, вси живýщии по вселéнней. Во свете лица Твоего пойдем, и о имени Твоéм возрáдуемся весь день. Исполниши мя весéлия с лицéм Твоим. Не забýди глáса молитвенник Твоих. Блажéни живýщии в дому Твоéм: в веки веков восхвáлят Тя. Отвéржен есмь от лица очию Твоею, услыши глас молитвы моея. Просвети лице Твое на раба Твоего, спаси мя милостию Твоéю. От лица Твоего судьба моя изыдет: очи мои да видита правоты. По 50-м псалме стихира, глас 6, самоглáсен: Царю Небеcный,/Иисусе, Сыне Мой!/Приими моления рабов Твоих,/иже имя Твое пресвятое и сладчáйшее/на всяком месте и на всякий час непрестáнно призывáют,/и подáждь молитву Боголепную молящимся Тебе,/день и нощь просящим благодáти,/и прослáви слáвящия Тя,/и Мене на помощь призывáющия,/верою же и любовию Мя почитáющия,/и преслáвно пáмять имене Моего/в бдении молéбно совершáющия./Сего рáди, Сыне Мой и Боже Мой,/благодáтию рабы Твоя осени,/труд и подвиг их благослови,/и обеты освяти,//во дворех Моих по смéрти водворяя. Канон, глас 1: [Прáздника пéрвый канон, со ирмосом на 6, ирмосы по двáжды: Пресвятыя Богородицы лика Светописаннаго канон на 8. Катавáсия: П реукрашенная: По 3-й песни, кондáк и икос прáздника, седáлен образа, двáжды. Слáва, и ныне, прáздника. По 6-й песни, кондáк и икос образа, тáже синаксáрий. На 9-й песни Ч естнейшую: не поéм, но припевы прáздника и образа. По 9-й песни, светилен образа, двáжды. Слáва, и ныне, прáздника.] Песнь 1 Ирмос: П омогшему Богу во Египте Моисéови,/и тем фараона со всевоинством погрузившему,/победную песнь поим,//яко прослáвися. От нас, о Мати, чад Твоих, лик святый Твой обстоящих, любовь нáшу и благодáрственную песнь ныне приими, и из глубины души приносимая воздыхания Матерски услыши, и вся нáша печали утоли, верно Тя величáющих, слáвно бо прослáвишася Твоя чудеса. |
| Союзом любве собрáние светозáрное рабов Твоих, Богородице, о Господе связýемо, злобу всю и ковáрство змиевы силою Твоéю и благодáтию мужемýдренно низлагáет. Сего рáди присно Тебе вопиéт: да исполнятся вся Твоего хвалéния, Чистая! Гора сия Святая наречéся, яко промышлéнием и чудесы, и посещéньми Твоими присно, Дево, красýется, в нéйже добле вси подвизáющиися стяжáша Тя верную Ходáтаицу и Хранительницу присную во всем житии своéм. Да исполнятся вся Твоего хвалéния, Чистая! Кáко брéнная рука пречистых длáней Твоих не ужасéся? Кáко прикоснýтися к ним не вострепета? Кáко милостыню в них положити не устыдéся? Воистину, токмо повелéнием Твоим и изволéнием, Чистая, да чýдо новое явится и неизречéнное, и исполнятся вся Твоего хвалéния. Видя стáрец врáтарь явлéние дивное, Деву Чистую, Еяже имя от младéнства своего призывáше, яко младéнец дивися бывшему, обáче яко послýшлив сый, рýку простре на подаяние, вопия: да исполнятся вся Твоего хвалéния, Чистая! Ин Кáя скорбь обдержит мя, егда в день стрáшный оный стáдо Твое к Сыну Своему приведéши, глаголющи: се, Аз, Владыко, и чада Моя ихже дал Ми еси, сей же кто есть не вем? Но молю Тя, Владычице: пощади мя, и внегда осуждáтися души моéй, милость Свою помяни! О, каковыя слáвы, окаянный, сам себе лиших! О, каково сыновство и наследие, стрáстный, сам от себе отвергох! Ризу светлу, юже свыше приях, зле низринух и обеты вся оскверних! Но молю: Мати Божия, пощади мя, и внегда осуждáтися души моéй, милость Свою помяни. Слáва: В о смирéнии великаго, кроткаго же в прáвде Господа на судищи стрáшнем, о Всемилостивая, милостива и милосерда ми соделай. Аз бо ни единыя зáповеди Его соблюдох, ни обетов свящéнных испрáвих. Сего рáди молю Тя, Всечистая: внегда осуждáтися души моéй, милость Свою помяни. И ныне: Х рам Тя свят и пречист весь Бог Слово содела. Сего рáди молю Тя, Всечистая: яко храм мя вельми осквернéн пáки весь Тому обнови, помяни милость Свою, да исполнюся и аз Твоего хвалéния, Чистая. |
| Всесвятое лице Твое, Дево Чистая, яко рай светел рабом Твоим явила еси, благодáтию и жизнию дышущее всем взирáющим, и благоговéйно покланяющимся ему и Тя воспевáющим: слáвно бо прослáвишася Твоя чудеса. Гору Афонскую, вернии, умы обымем вси усéрдно, и узрим тáинство Божия Матере, нас рáди бывшее: слáвно бо прослáвишася на Горе сей дивная Тоя чудеса. Богородице Дево, рáдосте и уповáние нáше! Кáко Небес Вышшая, на земли птенцев Твоих не оставляеши, но яко кокош согревáеши их и Небесныя пищи насыщáеши? Темже воспевáем Тя: слáвно бо прослáвишася на Горе сей дивная Твоя чудеса. Ин канон, покаянен. [Песнь 1. Ирмос тойже.] В зéмлю Святýю, Гору сию Божественную, внити мя сподобила еси, Богородице, в нéйже кротцыи, смирéннии и чистии сéрдцем токмо водворяются. Темже покаянием мя очистив, подражáтеля тех сотвори, яко да с ними рáдуяся непрестáнно пою Ти, слáвно бо прослáвишася на Горе сей дивная Твоя чудеса. От мирскáго плена повелением Твоим, Мати Божия, изыдох. Темже вышния работы делателя искýсна, о Владычице Пречистая, и мене неискýсна сýща соделай, яко да тою просвещáяся, рáдостно и аз пою Твоя чудеса. Слáва: Д ухом Святым от Отца исходящим и в Сыне Твоéм почивáющим, о Владычице Богородице, просвети мя и ум престáвити к вышним сподоби, да горе умом выну водворяяся, непрестáнно пою Твоя чудеса, слáвно бо прослáвишася. И ныне: Г ордаго змия Рождеством Твоим, Всенепорочная, низложила еси: темже силою из Тебе Рождéннаго, и мене безсильнаго на враги моя укрепи, и на подвиг звáния Твоего востáти сподоби, да и аз воспою рáдуяся Твоя чудеса, слáвно бо прослáвишася. Песнь 3 Ирмос: Д а утвердится сéрдце мое/в воли Твоéй, Христе Боже,/Иже над водáми Небо утверждéй второе,/и основáвый на водáх зéмлю, Всесильне. Невместимаго Бога во утробе Своéй несказáнно вместившая, Дево, и рукою Твоéю носившая длáнию Содержáщаго вся, днесь и рабы Твоя, под кров Твой притéкшия, богоносцы соделай и сердца, Иисуса носящая, им сотвори. |
| Благоукрасися днесь обитель Рýсская и приими Богородицу Деву Всецарицу. Та бо во смирéнии Своéм пáче солнца сияющи к нам явися, Юже Ангели незримо чéстне дориносят, да сердца, Иисуса носящая, рабом Своим сотворит. Божественную сию икону Твою отцы всечестнии благоговейне прияша, и рáдующеся удивляхуся: кáко милость всем Подающая милостыню от раба восприяла еси? Темже молим Тя, Пречистая, милости Твоея и нас, раб Твоих, не лиши, но сердца, Иисуса носящая, нам сотвори. Цвете прекрáсный, и воня пищная, облагоухáеши, Богородице Марие, вся Тебе вверяющияся, и спасáеши, и от страстéй исцеляеши, и сердца, Иисуса носящая, им сотворяеши. Ин Невесто нетленная, Чистая и сладчáйшая, Иисуса сладчáйшаго Мати, дýшу мою тéмную просвети, и селéние чистое Господу и Сыну Твоему, о Пречистая, покажи, и подáждь ми молитву молящемуся Тебе. Имя Твое, Благодáтная Дево, Марие Всечистая, вселéнную всю озари, верных сердца просвещáющи: темже и сéрдце мое страстьми омрачéнное просвети, и всади в него молитву молящемуся Тебе. Слáва: Н е прéзри, Господи, убогаго сéрдца моего двизáния мáлаго, оскуде бо крепость моя, милость же Твоя, Боже, якоже Сам рекл еси, молитвами Пречистыя Твоея Матере, да поможет ми и подáст молитву молящемуся Тебе. И ныне: С éрдце Господеви прилеплéно, Мати Божия, дáруй ми, Пречистая, рабу Твоему, красоту в нем Божественную написýющи, и молитву в тое всели молящемуся Тебе. По 3-й песни кондáк, икос и седáлен Успéния. Седáлен, глас 4. Подобен: У дивися Иосиф: Удивишася, Чистая, лицы Ангельстии, кáко Причáстница сýщи богатейшия рáдости Небесныя, во юдоли скорбéй человеческих присно пребывáеши, и на всякий вопль молитвы Матерски отвещáеши и благодáть раздаéши неиждивáемую: больных исцеляющи и печáльных утешáющи, Дево Мати Господня, и сокровище прострáннейшее милости Божественныя? Песнь 4 Ирмос: Н а земли Твое смирéнное явлéние узревше,/чини Небеснии удивишася,/милосердие Твое хвáляще,/вся же тварь воспе Тя рáдующися,//и исполнишася вся Твоего хвалéния, Чистая. |
| И аще хощем разумети яковýю любовь и благодеяния к подвизáющимся в Ея земнем жрéбии Богомати являет, пройдем умом нáшим обители и монастыри сея Святыя Горы, и абие свидетельства сия обрящем. Прéйдем убо во свящéнную оную и великую обитель преподобнаго Афанáсия, яже Лáвра нарицáется, да зрим тáмо едино от преслáвных сих свидетельств Богоматерняго всегдáшняго промышлéния. Изволи бо тáмо Пречистая Дева преподобному отцу Афанáсию явитися и обетования Своя подтверди, во искушéнии его утеши и от намéрения Святýю Гору остáвити отклони и ко уверéнию конéчному рече, яко Сама бýдет зде Икономиссою, сиречь Попечительницею о всех нýждах монастырских. О сем и до ныне извествýет нас икона, нарицáемая Икономисса. Аще убо пойдем отсюду во свящéнную обитель Хилендáрскую, яже тáкожде Лáвра Сéрбская глаголется, ничтоже бо есть невозможно уму рéвностию духовною подвизáему, узрим тáмо дивную оную икону Пречистыя Богородицы, Троерýчицею наречéнную, еюже соблаговоли Владычица заняти место игýменское и прияти обитель во Свое управлéние. Отсюду идем во свящéнную обитель Ватопéдскую, идеже Богородица приéмлет обязанности дохиáрския, сиречь кладовщика, и оскудéвшу во обители елéю, сосýд прáздный елéйный внезáпу полный сотвори. Елéй же чрез верх пролияся и вне дверéй потече. Тогда вси возблагодариша Чистую Деву пред святою Ея иконою, яже бе в келáрне, юже оттоле начáша именовáти Келáрницею. Во святей обители Иверстей Преблагословéнная Игýмения, кýпно же Небу и земли Царица, восхоте быти смирéнною Вратáрницею и не изволи пребывáти на почтéннем месте во хрáме, но вне, при вратех монастырских, слышим бо глас Богоматере, глаголющ: не приидох хранима быти от вас, но наипáче да бýду Аз Хранительница вáша, не токмо в настоящем, но и в бýдущем веце. Елицы убо монáси жительствовати бýдут в Горе сей со стрáхом и благоговением и не пренебрегýт еже по силе о добродетели, да имут дерзновéние и надéжду на благоутробие Сына Моего и Владыки, якоже испросих и дадé Ми сие даровáние. |
|
|
