| Икос 8 Вси роди христианстии присно блажат Тя, Богородицу сущую, и на лик Твой Пречистый благоговейно взирающи, с верою покланяются Тебе, яко Честнейшей Херувим и Славнейшей без сравнения Серафим. Темже и мы, грешнии, с любовию вопием Ти: Радуйся, Царице, яко Преславная глаголашася о Тебе; Радуйся, Владычице, яко небесная и земная пети Тебе не умолкают. Радуйся, свеще неугасимая, весь мир сиянием Твоим озаряющая; Радуйся, благоуханный крине девства и чистоты. Радуйся, любве и милости источниче живоносный; Радуйся, молитвеннице благоприятная за ны грешныя ко Христу Богу. Радуйся, грешных ко Творцу приводящая; Радуйся, праведный гнев Его на милость прелагающая. Радуйся, ниво неоранная, клас спасительный миру израстившая; Радуйся, Трапезо Пресвятая, Живоносный Хлеб нам даровавшая. Радуйся, лествице, от тьмы греховныя ко спасению изводящая; Радуйся, звездо Пресветлая, путь к небесем показующая. Радуйся, Богородице Дево Млекопитательнице, милостию Твоею нас присно питающая. Кондак 9 Всякая похвала не довлеет славе Твоей, Богородице Дево: Ты бо Сына от Духа Святаго зачала еси и невместимаго Бога во чреве вместила еси; Тобою спасение мира возвещается, падший же род человечь Пречестным Рождеством Твоим от вечныя смерти свобождается. Сего ради, из глубины души возсылаем Ти благодарственныя хваления и, яко избавленнии от злых, поем Богу: Аллилуиа. Икос 9 Ветии многовещанныя не могут постигнути велию тайну Твоего приснодевства, Богородице, како в рождестве и по рождестве Дева пребыла еси. Мы же, верою православно величающе Тя, яко Приснодеву и Матерь Предвечнаго Живота, приносим Ти из глубины сердец исповедание наше и любовию вопием Ти: Радуйся, иноков и инокинь православных благое наставление; Радуйся, ревнующих о чистоте и целомудрии твердое ограждение. Радуйся, девственных чинов Святая Предводительнице; Радуйся, и брака честнаго защита и покрове. Радуйся, Едина непорочная в женах; |
| В старопечатных Минеях выступают варианты употребления именительного и звательного падежа при обращении: Радйс снь; радость, дверь, православнымъ похвала (ВМ Х, 309) (зв./им.) Радис сне; радосте, двере, православным похвало. В октябрьской Минее, в отличие от изданий последующих лет, отмечается нерегулярное употребление форм звательного падежа. К примеру, в состоящем из одиннадцати хайретизмов тексте Богородична 4 гласа, поемого в неделю на вечерне, встречаются как формы звательного падежа (у существительных м. и ж. р. склонения на на так и именительного (существительных ж. р. склонения на Радйс свта блаче радйс рчко внейже манна радйс горо ста радйс дверь тайна радйс всмъ радость (ВМ, X, 61об.). В дониконовских текстах выступают известные из диалектных материалов формы в. п. мн. ч. существительных при глаголах: моли спастис дша/ наша/, при послениконовском: дшамъ нашимъ. Зато не встречаются форма р. п. мн. ч. с окончанием – овъ: pa-бw1bъ. В послениконовских текстах можно заметить различие форм Р. и В. п.: молитвы рабъ твоихъ – твоихъ рабвъ, (ср. также М 1893, 6), но: на тво рабы оумилосердис (М 1893, 1). Впрочем, неодносложные существительные не получают этого окончания, употребляясь с нулевым, как в дониконовских, так и в послереформенных текстах [ср: Успенский 2002: 450–451]. Дополнительного специального исследования требует частотность употребления формы существительного мир в флексией склонения на мир/мирови. Возможно, что употребление той или иной формы данного существительного связано с традицией исполнения того или иного богородична, например, в богородичном гласа 1, поемого в понедельник на вечерни (Б4), во всех «Войновских» текстах употреблена форма д. п. мир: миръ испросити всем мир. В тексте того же богородична, напечатанного в сентябрьской Минее 1666 г. и в «коричневой» 1893 г. на месяц сентябрь, находим: миръ испросити с купюрой всем дальнейшей вставкой: и милость. В то же время в богородичном 6 гласа, поемом на вечерне в среду, как в дониконовских, так и в послениконовских текстах употребляется та же самая форма д. п. из парадигмы егда сдит снъ твой мир (ВМ Х, 63об.; М 1893, 12). См. также 2.3.3.1. |
| О Пресвятая Богородице Дево Владычице, высшая ангел и архангел и всея твари честнейшая, ангельское великое удивление, пророческая высокая проповедь, апостольская преславная похвала, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистота и славо, матерей тихое веселие, младенцев мудросте и наказание, вдовиц и сирых кормительнице, нагих одеяние, болящих здравие, пленников избавление, по морю плавающих тишина, обуреваемых небурное пристанище, блуждающих нетрудная наставнице, путешествующих легкое прехождение, труждающихся благое покоище, в бедах сущих скорая заступнице, обидимых покрове и прибежище, ненадеющихся надеяние, требущих помощнице, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление! Тобою нам, Владычице, Невидимый видим бысть, и Тебе мольбу приносим, Госпоже, грешнии раби Твои: о премилостивая и пречудная Света умнаго, Царице, рождшая, Царя Христа, Бога нашего, Живодавца всех, от небесных славимая и от земных хвалимая, ангельский уме, светозарная звезда, святых пресвятейшая, Владычице всех тварей, Боголепная Девице, нескверная Невесто, палато Духа Пресвятаго, огненный престоле невидимаго Царя, небесный Кивоте, носило Слова Божия, огнеобразная колеснице, покоище Живаго Бога, неизреченное составление плоти Христовы, гнезда Орла небеснаго, горлице Богогласная, голубице кроткая, тихая и незлобивая, Мати чадолюбивая, милостей бездно, разверзающая тучу гнева Божия, неизмеримая глубина, неизреченная тайно, несведомое чудо, нерукотворенный храме Единаго Царя всех век, благоуханное кадило, честная багрянице, боготканная порфиро, душевный раю, живоноснаго Сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вина неисчерпаемыя благодати, ходатаице закона, зачало истинныя веры Христовы, непоколебимый столпе, мечу ярости Божия на богопротивных, бесов устрашение, во бранех побеждение, христиан всех неложная хранительнице и мира всего известное спасение! |
| Отче наш Отче наш, Иже еси на небесех, да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Хор: Един свят, един Господь, Иисус Христос, во славу Бога Отца. Аминь. Причастны (в субботу) Хор: Радуйтеся, праведнии о Господе, правым подобает похвала. Многолетие Хор: Великого Господина и Отца нашего Кирилла, Святейшего Патриарха Московского и всея Руси,/ и Господина нашего Высокопреосвященнейшаго Феофана, архиепископа Берлинского и Германского ,/ богохранимые страны наша,/ настоятеля, братию и прихожан святаго храма сего и вся православныя христианы,// Господи, сохрани их на многая лета. Запричастный концерт Молитву пролию Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя. В память вечную В память вечную будет праведник, в память вечную будет праведник, в память вечную будет праведник от слуха зла не убоится. Аллилуиа. Под твою милость Под Твою милость прибегаем, Богородице Дево, молений наших не презри в скорбех, но от бед избави нас, Едина чистая и благословенная. Аминь. Пресвятая Богородице, спаси нас. Царице моя преблагая Царице моя преблагая, надеждо моя Богородице, приятелище сирых и странных предстательница, скорбящих радосте, обидимым покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь. Псалом 41 Имже образом желает елень на источники водныя, сице желает душа моя к Тебе, Боже. Возжада душа моя к Богу Крепкому, Живому: когда прииду и явлюся лицу Божию? Быша слезы моя мне хлеб день и нощь, внегда глаголатися мне на всяк день: где есть Бог твой? Сия помянух и излиях на мя душу мою, яко пройду в место селения дивна, даже до дому Божия, во гласе радования и исповедания шума празднующаго. Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего, и Бог мой. Ко мне самому душа моя смятеся: сего ради помянух Тя от земли Иордански и Ермониимски, от горы малыя. Бездна бездну призывает во гласе хлябий Твоих, вся высоты Твоя и волны Твоя на мне преидоша. В день заповесть Господь милость Свою, и нощию песнь Его от мене, молитва Богу живота моего. Реку Богу: Заступник мой еси, почто мя забыл еси? И вскую сетуя хожду, внегда оскорбляет враг? Внегда сокрушатися костем моим, поношаху ми врази мои, внегда глаголати им мне на всяк день: где есть Бог твой? Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего, и Бог мой. |
| И ныне, Богородичен, или праздника. На стиховне стихиры, глас 2. Подобен: Доме Евфрафов: Монахов наставниче,/отче Евфимие,/украсився добродетельми,/Владыце твоему предстоиши,/просвети поющия тя. Стих: Честна пред Господем/смерть преподобных Его. Явился еси/сосуд избран/и Богу освящен,/наставниче отче наш Евфимие,/моли о поющих тя. Стих: Что воздам Господеви о всех,/яже воздаде ми? Дом добродетели/светлостию, преподобне,/душу твою/Богу совершил еси,/отче Евфимие. Слава, глас 8: Преподобне отче,/мира красоты и пищи временныя отнюд возненавидев,/монашеское житие паче возлюбил еси,/и Ангелом собеседник быти сподобился еси,/и, светильник многосветлый Российския земли,/чудесы, яко второе солнце, сияеши./Но всех нас поминай,/совершающих священную память твою,/мы бо чада твоя,/и овцы словесных твоих учений,/и тя на помощь призываем,/просяще тобою прияти мир и велию милость. И ныне, Богородичен или праздника. Тропарь писан на велицей вечерни. Слава, и ныне, Богородичен. НА ВЕЛИЦЕЙ ВЕЧЕРНИ На Господи, воззвах: стихиры, глас 5. Подобен: Преподобне отче: Преподобне отче, всеблаженне Евфимие,/благодать прием Пресвятаго Духа,/от младых ногтей Бога возлюбил еси/и демонов полки погубил еси,/тесный путь шествовав,/постником ты был еси похвала/и Божественнаго Духа орган./Того убо моли, Тому помолися, преподобне,/даровати душам нашим мир и велию милость. Преподобне отче, Богоносе Евфимие,/яко светозарная звезда, прешел еси от востока на запад,/от земли изшед Нижняго Новаграда,/присельник был еси граду Суждалю,/и Бога узрел еси мысленными очесы,/обещавающа ти воздание богатно./Того убо моли, Тому помолися, преподобне,/даровати душам нашим мир и велию милость. Преподобне отче, Богоносе Евфимие,/в незаходимая вшел еси,/и Святому Духу прекрасна обитель явился еси,/мира красоты отнюд возненавидев,/высокия чертоги добродетельми предуготовив,/и, чудес дар прием от Бога,/был еси о Христе собеседник/и спостник преподобному Сергию./С нимже моли Христа Бога/даровати душам нашим мир и велию милость. |
| Молитвы в среду Скачать epub pdf Молитва в среду по Утрени преподобнаго Кирила. Госпоже моя Богородице! Умилосердися на мя, много согрешившаго и преступившаго самовластным умом заповеди Сына Твоего и Бога моего. Несть во мне места чиста, но все скверно. Незатвори ушию благоутробия Твоего от покаяния; не отврати лица Твоего от моления унылыя душа моеа; не презри движения нечистую ми устну, но приими въздыхание убогаго ми сердца. Се бо предстою, яко осуженник: скверною греховною, яко свидетели, одержимь, и все тело и душу язвено имея, и всяцей муце повенень 1 сый. Но простри ми, Девице, врачевнеи Твои руце, на нею же поноси целителя и врача всего мира Господа нашего Исуса Христа. О прибежище мое и Заступнице! Не престай о мне молящися Ему: яко зол душа моя наполнися, да тем ужасаюся и трепещу, съкрушенным сердцем и с слезами вопию: не остави мене до конца погыбнути: имаши бо, Госпоже, дерзновение, яко Мати Вышняго: избави мя от работы лукаваго; расторгни узы моя; возврати мя от пленения вражиа, съкруипи сети их, погуби льщение их. Покрый мя Твоим заступлением, Надеже всем концем земли, Пресвятая Госпоже Дево Богородице, ангельское великое удивление, пророческая высокая проповедь , апостольская похвала, мучеником крепкое утвержение, святительское изрядное украшение, Царем православным и князем необоримая держава, церквам честное украшение; мнишьскому же чину Ты еси, Госпоже Богородице, святое упование; постником Ты еси, Госпоже Царице, непобедимая надеже; верным всем твердое огражение и сущим в болезнех легкое исцеление; блудящим нетрудная наставница; в бедах скорая заступница; ненавидимым ты еси, Госпоже, любовное смирение; вдовицам и сиротам питательнице; матерем тихое веселие; девам чистота и похвала; младенцам мудрости наказание; плавающим не влаемое 2 пристанище; путником легкое прехождение; тружающимся благое покоище; нищим неизготоваемо 3 богатство; обидимым покров и прибежище; печальным присная утеха; грешником Ты еси, Госпоже Мати Божиа, к Богу присвоение; христианом всем неложная хранительница; миру всему известное спасение. |
| Слава, глас 2: Приидите, собори верных,/мудраго почтим Лазаря в песнех:/верою бо Богу благоугоди,/ и мучения венцу сподобися,/ и со Ангелы селение стяжа./Емуже любовию вопием:/прииди и стани с нами, святе,/ и предначинай торжество памяти твоея,/ и моли Христа Бога о душах наших. И ныне, Богородичен: Все упование мое/на Тя возлагаю, Мати Божия,/сохрани мя под кровом Твоим. На стиховне стихиры, глас 2. Подобен: Доме Евфрафов: Приидите, людие,/Триипостасное Божество славяще,/торжество похвальне совершим новаго Лазаря,/славяще того яко Божия угодника. Стих: Праведник, яко финикс, процветет,/яко кедр, иже в Ливане, умножится. Добротами добродетелей/одеявся первее,/мучения же венцем украсився послежде,/красен во славе/предстоиши Владыце. Стих: Насаждени в дому Господни,/во дворех Бога нашего процветут. Праведников и мучеников украшение,/царствующих похвала/ и своему отечеству,/приими пение/верою тя славящих. Слава, и ныне, Богородичен: Дом Тя пречист/Божия Премудрость обретши,/от кровей Твоих пречистых/воплощается, Дево,/ и по рождестве нетленну Тя показа. Тропарь, глас 3, писан на велицей вечерни. Слава, и ныне, Богородичен. НА ВЕЛИЦЕЙ ВЕЧЕРНИ Блажен муж: 1-й антифон. На Господи, воззвах: стихиры на 8, глас 2. Подобен: Егда от Древа: Егда верою и любовию истинною/весь присвоился еси давшему тя Богу,/ и сокровище добродетелей обрелся еси,/тогда и Вышний сугубою славою прославляет тя,/скиптры царственныя вручает в земных,/в Небесных же Царство Небесное тебе, святе, дарова. Егда промышлением Всевидящаго Очесе/тебе держава вручися стада христоименитаго,/тогда недреманное око о нем имел еси/и, яко бодрый пастырь, трудился еси до смерти./Сего ради слышиши:/добрый делателю и верный,/о мале яко был еси верен,/над многими тя поставлю. Егда безбожное нашествие на тя устремися,/во благочестии видевше тя, гобзующа со стадом,/ и хотяще то расхитити, якоже зверие немилостивии,/тогда ты, святе, новый Давид явися сопротивлением,/яко инаго Голиафа, со множеством язык поразил еси/ и яко мученик до крове победным венцем увязлся еси. |
| Разделы портала «Азбука веры» Тропарь, глас 4 Церковнославянский Русский Днесь светло красуется преименитый град Кострома/и вся Русская страна,/созывающи к веселию вся боголюбивыя народы христианския,/на преславное торжество Божия Матере,/пришествия ради чудотворнаго Ея и многоцелебнаго образа,/днесь бо явися нам пресветлое великое солнце,/приидите, вси Богоизбраннии людие, новый Израиль,/ко источнику цельбоносному,/источает бо нам неоскудныя милости Пресвятая Богородица/и избавляет вся грады и страны христианския/невредимы от всех навет вражиих./Но, о Всемилостивая Госпоже, Дево Богородице, Владычице,/спаси страну нашу, и архиереи, и вся люди Твоего достояния от всех бед/по велицей Твоей милости, да зовем Ти:/радуйся, Дево, христианом похвало. Сегодня радостно ликует знаменитый град Кострома/и вся Российская страна,/созывая к веселию все боголюбивые народы христианские/на преславное торжество Божией Матери/ради пришествия Её чудотворного и многоцелебного образа:/ибо в сей день явилось нам пресветлое великое солнце;/придите, все богоизбранные люди, новый Израиль,/ко источнику цельбоносному,/ибо источает нам неоскудевающие милости Пресвятая Богородица/и избавляет все города и страны христианские/невредимыми от всех наветов вражьих./Но, о Всемилостивая Госпожа, Дева Богородица, Владычица,/спаси страну нашу, и архиереев, и всех людей Твоего удела от всех бед/по великой Твоей милости, да взываем Тебе:/“Радуйся, Дева, христиан похвала!” Тропарь иной, глас 4 Пришествием честныя Твоея иконы, Богоотроковице,/обрадованный днесь Богохранимый град Кострома,/якоже древний Израиль к кивоту Завета,/притекает ко изображению лица Твоего/и воплотившагося от Тебе Бога нашего,/да Твоим Матерним к Нему предстательством/присно ходатайствуеши всем,/под сень крова Твоего прибегающим,/мир и велию милость. Пришествием священной Твоей иконы, Богоотроковица,/обрадованный в сей день Богохранимый град Кострома/как древний Израиль к ковчегу Завета/прибегает к изображению лица Твоего/и воплотившегося от Тебя Бога нашего,/дабы Ты Своим Материнским пред Ним заступничеством/всегда ходатайствовала о даровании всем,/под сень крова Твоего прибегающим,/мира и великой милости. |
| Начало: «О девственицы невесты Христа Бога нашего, Сына Божия Творца небесного, внимайте и слышите; 6) прощение: «Прости мя, мати святая, и благослови, елика согрешила во вся дни живота моего·» (46 об.–47 об.); то же на л. 152.; 7) шесть канонов (48–128); 8) список имен для поминовения, преимущественно женских (128–134); 9) келейное правило (136–149 об.); 10) преподобного Ефрема наказание о любви, слово 88, без конца (150–151 об.); 11) несколько молитвословий (152 об.–154 об.). 663. Сборник богослужебный , в восьмушку, 151 л., поморским полууставом XIX в., без переплета. Чистые листы: 2, 3, 150 и 151 – с помарками: 148 и 149. На нижней обложке запись полууставом: «В лето 7134 (1626) месяца в 13 совершена». Состав: каноны: 1) Николаю Чудотворцу – гворение Феофаново (4–12); 2) животворящему Кресту – твореяие Григория Синаита (12 об.–20 об.); 3) Иисусу Христу и Пресвятей Богородице под общим заглавием: «Служба пред Господем нашим Иисусом Христом – творение Феоктиста инока Студийския обители», составляющие келейное правило (22–71 об.); 4) Благовещению Пресвятыя Богородицы – творение кир-Феофана (72–86 об.); 5) Зосиме и Савватию Соловецким (87–101); 6) тропари воскресные, богородичны, ипакои, кондаки и икосы восьмн гласов (101 об.–116); 7) тропари воскресные по великом славословии (116); 8) тропари, богородичны и кондаки дневные (117–122 об.); 9) богородичны и крестобогородичны иже глаголются по тропарях на славу и ныне на вечерне и на утрени по гласу тропаря (123–126 об.); 10) служба воскресная 6 гласа (127–144); 11) начало общее всем канонам (146–147 об.). 664. Сборник богослужебный , в восьмушку, неполный, 147 лл., полууставом конца XVIII в., в дощатом с кожею переплете. Чистые листы: 15, 31, 33, 87–91, 107, 124–129; лист 30 порван. Состав: каноны: 1) Пресвятей Богородице всем скорбящим радости (1–14 об.); 2) молебен Пресвятей Богородице (16–32 об.); 3) Николаю чудотворцу, без конца (34–48 об.); 4) за умерших, три; из них два (49–69, 108–123 об.) еходны, а третий (130–147 об.) отличен; 5) похвала девство хранящим, девственницам, без заглавия, начала и конца (70–75 об.), та же статья, что в 662; каноны: 6) архангелу Михаилу, без конца (76–80 об.); 7) молебен Ангелу хрантелю, без конца (81–86 об.); последования: 8) вечерни (92–94); 9) павечеряицы (94–99); 10) полунощницы (99 об.–102); 11) утрени (102–104), 12) часов (104–106 об.). 665. Сборник богослужебный , в восьмушку, без начала, 143 лл., полууставом разных почерков XVIII в., в кожаном переплете; 25 и 137–140 листы чистые. |
| О Дево Владычице Богородице, Христа Спаса нашего и Бога во чреве носившая! На Тя всю надежду мою возлагаю, на Тя уповаю: Ты бо и безплотных Сил превыше еси. Огради мя, Пречистая, Божественною Своею благодатию. Путеводствуй в жизни моей, по воле Сына Твоего и Бога нашего направляющи. Даруй ми отпущение грехов; буди прибежище, покров, защищение и окормительница в жизнь вечную. Ты едина, Владычице Богородице, над всею землею превознесенна еси! Аз же, Богоневестная, с верою благословляю Тя, с любовию величаю и со страхом поклоняюся Тебе: Ты бо хвала всех похвал и всех высот вершина еси... О Владычице, Богом дарованная ми отрадо, Божественное прохлаждение сущаго внутрь мене зноя; струе, источник слез моих исторгшая; лучезарный светоче души моея; богатство в нищете моей; сила в немощех; неисцельных язв исцеление; конец рыданием, разрешение уз! Внемли молитвенным воздыханиям моим, умилосердися воплю моему; и на слезы моя призревши, к прошению моему преклонися; яко Мати Человеколюбца Бога, яви ми милость Свою. Утоли неутолимыя похотения мои: свободи мя от терзающих мя страстей, умерщвляющих душу мою; и на земли живых, в лоне праведных возсоедини мя с Собою. О общая всех радосте, общее всем предстательнице, умоляю Тя: сподоби мя возвеселитися оною радостию неизреченною, яже в Рождением Тобою Царе и Боге, в несказаннем Его чертозе, в непрестающем услаждении, в нескончаемом Царстве Его сияет. О Владычице моя, прибежище мое, жизнь моя, оружие, похвало, упование и сило моя! Даруй ми наслаждатися неизреченными благодатьми Сына Твоего. Сего прошу от Тебе: Ты бо, яко Всевышняго Мати, подобную Ему, аще изволиши, имаши силу. Того ради уповаю, яко прииму от Тебе, егоже чаю, о Богоневестная, рождшая всех Надежду, Господа нашего Иисуса Христа; Емуже подобает всякая слава, честь и поклонение со Безначальным Его Отцем, Благим и Животворящим Духом, ныне и присно, и во веки веков. Аминь. Молитва тринадцатая О Дево Владычице, Пречистая Богородице, Всеславная Госпоже моя! Высшая небес и чистшая светлостей солнечных! Честнейшая Херувим и Славнейшая всех Сил небесных! Апостолов похвало и мучеников крепосте! Радование преподобных, осияние подвизающихся! Златая кадильнице, светильниче светоносный! Купино неопалимая, Божественнейший законе, истинный кивоте, жезле Ааронов процветший: воистину бо жезл еси, от негоже истинный Плод, Сын Твой Христос, прозябе! Ты плотию Бога Слова родила еси; но и по рождестве, якоже прежде рождества, пребывавши Дева. Тобою во Христе, Сыне Твоем, с Богом Отцем примирихомся. Ты грешным и беспомощным помощница еси; Ты еси утешение мира; сирот хранительница; пленных искупление; монашествующих укрепление; упование мирских человек; Ты вдовам терпение, покров и защищение еси; похвала, радость и венец девствующим. |
|
|
