| Крестобогородичен: Что зримое видение,/еже Моима очима видится, о Владыко!/Содержай всю тварь, на Древо воздвижен быв,/и умираеши, всем даяй жизнь;/Богородица, плачущи, глаголаше,/егда узре на Кресте возносима,/из Нея неизреченно возсиявшаго/Бога и Человека. Тропарь святыя, глас 4: Агница Твоя, Иисусе, Анастасия,/зовет велиим гласом:/Тебе, Женише мой, люблю/и, Тебе ищущи, страдальчествую,/и сраспинаюся, и спогребаюся Крещению Твоему,/и стражду Тебе ради, яко да царствую в Тебе,/и умираю за Тя, да и живу с Тобою;/но, яко жертву непорочную, приими мя с любовию, пожершуюся Тебе./Тоя молитвами/яко Милостив спаси души наша. Слава, преподобнаго, глас 8: В тебе, отче, известно спасеся еже по образу:/приим бо крест, последовал еси Христу/и, дея, учил еси презирати убо плоть, преходит бо,/прилежати же о души, вещи безсмертней./Темже и со Ангелы срадуется, преподобне Авраамие, дух твой. НА УТРЕНИ Канон преподобныя. Егоже краегранесие: Мужеския твоя, мученице, восхвалю болезни. Творение Иосифово. Глас 8. Песнь 1 Ирмос: Поим Господеви,/проведшему люди Своя сквозе Чермное море,/яко един славно прославися. Сию светоносную память твою почитающему, Богомудрая,/просвещение ми подаждь, души моея тьму отгонящи. Всю от пелен тебе самую возложила еси Зиждителю твоему/и огнем воздержания телесныя страсти попалила еси. К высоте мучения, мученице, возшла еси, непощадевши плоти,/и чертогов мысленных, яко дева, сподобилася еси. Богородичен: Тя, небомерную Лествицу,/на нейже Бог утвердися, человеки Небесны соделав,/Отроковице, почитаем. Ин канон преподобнаго. Егоже краегранесие: Твое чествую всесветлое житие, блаженне. Иосиф. Глас тойже. Песнь 1 Ирмос: Воду прошед, яко сушу,/и египетскаго зла избежав,/израильтянин вопияше:/Избавителю и Богу нашему поим. Божественными сияя блистании,/светоносный твой совершающия праздник,/страстей омрачения, всеблаженне, молитвами твоими, Авраамие, избави. |
| Позори же дея, в неделю воинства лишен будет и имение его разграбити. Позывая на судище, преступив закон, тоже постражет. Подобно же есть совещевати и раздрешати в неделя. Рече же в книгах первых заповедей 2 и 1 3, яко жидове в су боту и во иныя их праздники ни плотских работ не творят, рекше ни ядят, ни пьют, ни пекут, ни варят, и ничтоже иного творят, ни людских ради, ни особных вин, не позываеми суть на судище, ни сами християн ни позывают. Ответ како подобает християном праздновати. Глава 95 О том же божию святую и верховную апостол Петра и Павла правило 1-е и 2-е. Аз Петр и Павел заповедаяве людем делати в 5 дний в недели. В суботу же и в неделю да упражняются в Церковь , поучения ради книжного благоверия. Субота быти всея твари образ имать, неделя же – воскресения день. Правило 2-е. Великая же неделя, сиречъ страстная, и другая же по ней, рекше святых пасхи, да не делают людие, но да празднуют еси раби и свободный. Оная убо неделя яко страсти господни есть, сия же яко воскресения его и требе и есть поучатися кто есть пострадавый и воскресе, и свободивый нас. О том же правило 66. От святаго воскресения Христа Бога нашего дни до новые недели всю неделю пребывали бы подобает неоскудне верным псалмы и хвалами, и песньми духовными веселящимся о Христе и празднующим, и божественных писаний чтению внимающим, и святыми тайнами наслаждающимся. Будем сице со Христом воскресше и вознесшеся, да никакоже в предьлежащая дни конная у ристания бывают или людский ин позор да не действуется. Толк. Кто святым церквам подобает верным упражнятися во псалмех и в пениих, веселитися всю неделю, иже по святом воскресении Христа Бога нашего. И по которым монастырем отец твой, государь, князь великий Василей Иванович, всея Русии самодержец, давал милостыню в приказ, а не в прок, и хлеб, и соль, и денги, и воск на свечи, и мед на кутью, и пшеницу на просфиры, и после того мати твоя, государыня, великая княгиня Елена, несполна в приказ же, а не в прок, давала не по вся годы, и после твоея матери, великия княгини, до твоего царского возраста многия монастыри грамоты поймали по вся годы имати милостыня в прок в ругу. |
| Прихода смертнаго ужасаюся, Пречистая, и Суда онаго весь ныне убояхся, дея же злая, никакоже стыждуся: ущедри мя прежде конца молитвами твоими, Дево. Слава: Стенания немолчная, Владычице, даруй ми, и слез тучи даждь, да отмыю моя прегрешения многая, и неисцельныя язвы, яко да улучу жизнь вечную. И ныне: Зол моих множество тебе исповедах, Владычице, яко ниедин в мире ин прогнева тако Бога, Сына и Господа Твоего – Сего ми на милость вскоре премени, Дево. Песнь 9 Ирмос: Бога человеком не возможно видети, на Негоже не смеют чини ангельстии взирати. Тобою же, Всечистая, явися человеком Слово Воплощенно, Егоже величающе, с Небесными вои, Тя ублажаем. Се прихожду Ти, Пречистая, со страхом многим и любовию, крепость ведый многия молитвы Твоея раб Твой: много бо может воистинну, Владычице, мольба матерня к сыну, милосердием бо преклоняется. Л ики приими архангел же, и множество вышних воинств Зиждителя моего, апостол же и пророк соборы, и мученики, и преподобныя, и священномученики; и молитву сотвори, Чистая, за нас к Богу. Слава: И ныне и тогда Твою помощь да обрящу, Чистая, в час, воньже изыдет дух мой, вскоре изымающи, избави мя бесовскаго мучительства, Пренепорочная, и не остави мене, Благая, предану быти им. И ныне: Судии Щедраго чаю, и человеколюбиваго Твоего Сына, Чистая, не презри мене, но Того ми сотвори благопременна, поставити мене одесную тогда, Всенепорочная, Пречистому Судищу Его, на Тя бо уповах. Таже, Достойно есть, и поклон. И Трисвятое по Отче наш: тропарь, и прочее обычно, и отпуст. В среду утра По 1-м стихословии, седальны крестны, глас 6: Крест Твой, Господи, освятися: тем бо бывают исцеления немощствующим грехми. Сего ради Тебе припадаем, помилуй нас. Стих: Возносите Господа Бога нашего, и покланяйтеся подножию ногу Его, яко свято есть. Токмо водрузися Древо, Христе, Креста Твоего, основания поколебашася смерти, Господи. Егоже бо пожре любовию ад, отпусти трепеща, показал еси нам спасение Твое, Святый: и славословим Тя, Сыне Божий, помилуй нас. |
| Се, старче мудрейше,–/Анна рече благоговейно,–/добрейшую Отроковицу, Юже даде мне Бог,/светло приими и пророчествуй едину, хотящую в вещи произнести проповедания,/с нимиже вопиеши пророчески:/благословите, вся дела Господня, Господа. Ныне познах, жено, явственнейше,–/разумно рече старец,–/древо возрастает посреде храма,/еже процветет сущо Божественный плод, в рай вводящий/снедию изгнанныя тления, вопиющия радостию:/благословите, вся дела Господня, Господа. Глагол неизреченных учений/Твоя душа, Отроковице Чистая, яве будет,–/старец рече ясно,–/в Божественный сей, Дево, вселишися храм:/Ангелом бо питаема, Совета Великаго Ангела родиши. Емуже поем:/благословите, вся дела Господня, Господа. Глас Ти поем, Отроковице Чистая, радостно Гавриилов:/радуйся, всех вина едина радости,/радуйся, душ очищение, яко рождшая избавление наше и воздание, песнопоющих Тому:/благословите, вся дела Господня, Господа. Ин Ирмос: Седмерицею пещь/халдейский мучитель/Богочестивым неистовно разжже,/силою же лучшею спасены, сия видев,/Творцу и Избавителю вопияше:/отроцы, благословите,/священницы, воспойте,/людие, превозносите во вся веки. Твоими к Богу мольбами терпеливно дея,/приял еси, всеблаженне, верою просимое:/нощию бо спящу, явився тебе, Ангел/меч пламенный вдаде, страсти сердца отсекающ,/и огнем тя невещественным очищающ, и славою просвещающ неизреченно. Всесветлое яко солнце,/разумно возсиял еси светом добродетелей светозарно, Григорие,/чудес же сияньми озаряя всю землю и просвещая благочестно песнопоющия:/дети, благословите,/священницы, воспойте,/людие, превозносите Христа во веки. Ангельскаго песнопения слышав, Григорие,/еще ходя в мертвеннем твоем телеси,/от негоже чувствия твоя душевная яве насладив,/и Боговиден, и светозарен познался еси, зовя Владыце:/дети, благословите,/священницы, воспойте,/людие, превозносите Его во веки. |
| То слышав архиерей, обет утвердил есть, иноческия ризы на ню 1705 возложил есть. И тако до конца си Богу работаше, Его же пособием сохраненна 1706 бяше От скверны и от смерти, купно Матерь Бога Марию прославляше за благая многа, Яже ей, в беде бывшей, матерски явила, егда траву сказавши целбы научила. О жены предоблия! Коль много терпяше чистоты ради? А Бог ону соблюдаше. Тако всем женам требе доблетвенным 1707 быти и во нуждах чистоту невредну хранити, Паче нестерпимую смерть себе избрати, неже осквернению плоть свою предати. Клеветати себе грех есть Елма 1708 ся смиряеши, не буди ти лгати, неправедныя грехи на ся извещати, Не согрешив бо делом, словом согрешиши, егда клеветник тебе сам ся сотвориши. Зло – друга клеветати, недобро и себе, убо ни же похвали, ни клевещи тебе 1709 . Клирик Клирос толком есть Жребий, от сего речении клирици, иже Богу в службу отлучении, Аки бы рещи, яко они жребий Его, или жребий си имут Господа своего. Но аще Бог их 1733 жребий, или они Ему, должни суть угождати Господу своему Преподобным житием, да обдержат Бога и обдержатся Богом за благая многа. Ключа два 1744 злата в 1745 небесна врата Христос небо отверзе, егда пострадаше человечеством, дея спасение наше. Крест Его честный ключем леть есть нарицати, яко действием того в небо леть вхож дати. Но и комуждо от нас мощно ключь имети в небо, в нем же свободно Бога в лице зрети. Паче же и два ключа удобно стяжати, егда благоволит Бог помощь Свою дати. Первый ключь может быти любы божественна, елма ся в 1746 чием сердце родит совершенна, Та же есть – целым сердцем Бога возлюбити Его ради Самаго, над вся Его чтити, Яко Он безчисленно 1747 любве есть достоин, даже в сравнении с Ним ничто и никто ин. Ни вся купно достойна тако в любви быти, яже изволил в мире Сам Он сотворити. Елижды убо сице кто возлюбит Бога, согрешения его аще зело многа И излиха 1748 велика, Господь вся прощает, сия 1749 любы 1750 множество грехов покривает. Хотяй же словом любовь к Богу показати глаголы 1751 сия 1752 к Богу 1753 да тщится пущати 1754 : |
| Тропарь, глас 3 Апостоли святии (имена),/молите Милостиваго Бога,/да прегрешений оставление/подаст душам нашим. Кондак, глас 4 Лозие явистеся Христова винограда, мудрии,/гроздие приносяще в добродетелех,/вино нам спасения источающе,/егоже приемлем, веселия исполняющеся,/празднуем честную вашу память,/в нюже молите дароватися нам велицей милости/и отпущению грехов, Господни апостоли. Величание Величаем вас,/святии апостоли (имена),/весь мир ученьми своими просветившия/и вся концы ко Христу приведшия. Святителю единому Тропарь, глас 4 Правило веры, и образ кротости,/воздержания учителя/яви тя стаду твоему/яже вещей истина;/сего ради стяжал еси смирением высокая,/нищетою богатая, отче священноначальниче (имя рек),/моли Христа Бога спастися душам нашим. Кондак, глас 2 Божественный гром, труба духовная,/веры насадителю, и отсекателю ересей,/Троицы угодниче, великий святителю (имя рек),/со ангелы предстоя присно,/моли непрестанно о всех нас. Величание Величаем тя,/святителю отче (имя рек),/и чтим святую память твою,/ты бо молиши за нас/Христа Бога нашего. Святителям двум и многим Тропарь, глас 4 Боже отец наших,/творяй присно с нами по Твоей кротости,/не отстави милости Твоея от нас,/но молитвами их в мире управи живот наш. Кондак, глас 8 Яко добродетелей учителие и иерархов украшение,/Церковь поющи вас славит./Молитвами вашими подайте, чтущим вас любовию,/добродетелей исправление,/и соблазнов избавление, яко непобедимии. Величание Величаем вас,/святителие велиции (имена),/и чтим святую память вашу,/вы бо молите за нас/Христа Бога нашего. Преподобному единому Тропарь, глас 8 В тебе, отче, известно спасеся еже по образу:/приим бо крест, последовал еси Христу,/и дея учил еси презирати убо плоть, преходит бо,/прилежати же о души, вещи безсмертней./Темже и со ангелы срадуется, преподобне (имя рек), дух твой. Ин тропарь, глас 1 |
| Тропарь, глас 4: правило веры и образ кротости, воздержания учителя аки тя стаду твоему яже вещей истина: сего ради стяжал еси смирением высокая, нищетою богатая. Отче священноначальниче имярек, моли Христа Бога спастися душам нашым. Величание: величаем тя, святителю отче имярек, и чтем святую память твою: ты бо молиши за нас Христа Бога нашего. Святителем: Тропарь, глас 4: Боже отец наших, творяй присно с нами по твоей кротости, не остави милости твоея от нас, но молитвами их в мipe управи жизнь нашу. Величание: величаем вас, святителие велицыи, и чтем святую память вашу: вы бо молите за нас Христа Бога нашего. Преподобному: Тропарь, глас 8: к тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души вещи безсмертней. Темже и со Ангелы срадуется, преподобне имярек, дух твой. Величание: ублажаем тя, преподобне отче имярек, и чтем святую память твою, наставниче монахов и собеседниче Ангелов. Преподобным: Тропарь, глас 4: Боже отец наших, творяй присно с нами по твоей кротости, не остави милости твоея от нас, но молитвами их в мipe управи жизнь нашу. Величание: ублажаем вас, преподобнии отцы, и чтем святую память вашу, наставницы монахов и собеседницы Ангелов. Мученику: Тропарь, глас 4: мученик Твой, Господи, имярек во страдании своем венец прият нетленный от Тебе Бога нашего: имея бо крепость твою, мучителей низложи, сокруши и демонов немощныя дерзости. Того молитвами спаси душы нашя. Величание: величаем тя, страстотерпче святый имярек, и чтем честная страдания твоя, яже за Христа претерпел еси. Мучеником: Тропарь, глас 4: мученицы [мученики] Твои, Господи, во страданиих своих венцы прияша нетленныя от Тебе Бога нашего: имуще бо крепость твою, мучителей низложиша, сокрушиша и демонов немощныя дерзости. Тех молитвами спаси душы нашя. Ин тропарь, глас 1: болезньми святых, имиже от тебе пострадаша, умолен буди, Господи, и вся нашя болезни исцели, человеколюбче, молимся. |
| Тропарь преподобнаго, глас 8: Крилами мысленными к Боговедению возлетев разумно,/мятеж мира оставил еси, блаженне,/презрев плоти мудрования,/мудрость Вышнюю взыскал еси, еже жити с Богом,/и всем образ дав собою, глаголя:/добро есть с Богом жити, Михаиле преподобне. Ин тропарь преподобнаго, глас тойже: В тебе, отче, известно спасеся, еже по образу:/приим бо крест, последовал еси Христу/и, дея, учил еси презирати убо плоть, преходит бо,/прилежати же о души, вещи безсмертней./Темже и со Ангелы срадуется, преподобне Михаиле, дух твой. НА УТРЕНИ По 1-м стихословии седален, глас 1. Подобен: Гроб Твой, Спасе: Многосветлая звезда инокующим показася и степень известен,/воздержания же предел, пресветлое зерцало разсуждения, преподобне./Иже память твою радостно совершающим,/разрешение проси согрешений, преблаженне, Богови предстоя. Слава, и ныне, Богородичен: Настави ны на путь покаяния, уклоняющияся присно ко злым безпутием/и Преблагаго прогневающия Господа,/Неискусобрачная Благословенная Марие, Прибежище отчаянных человеков, Божие обиталище. По 2-м стихословии седален, глас 5. Подобен: Собезначальное Слово: Постника Господня песньми почтим,/яко умертвивша вся прилоги страстей воздержанием и твердым терпением воистинну,/и посрамивша зело противоборца врага и всю сего гордыню,/и ныне молящася Господеви помиловатися душам нашим. Слава, и ныне, Богородичен: Ужасно чудо зачатия и несказанен образ Рождества в Тебе познася, Чистая Приснодево,/ужасает мой ум и удивляет помысл,/слава Твоя, Богородице, всем простреся во спасение душ наших. По полиелеи седален, глас 8. Подобен: Премудрости: Видение и деяние восприим, чувствия, преподобне, украшая,/житие направил еси к Божественным повелением./Монахом бо явился еси светильник светел,/наставляя и просвещая нас к познанию./Темже, восхваляюще, величаем любовию исходную память твою, Богоносе Михаиле,/сего ради вопием ти:/моли Христа Бога прегрешений оставление даровати/чтущим любовию святую память твою. |
| Всякий, ненавидящий брата своего, есть человекоубийца; а вы знаете, что никакой человекоубийца не имеет жизни вечной, в нем пребывающей. 1 Ин. 3,15 ПРИТЧ 31 Статья из энциклопедии " Древо " : drevo-info.ru 1 Моя словеса рекошася от Бога, царево пророчество, егоже наказа мати его: 2 что, сын мой? что, сын чрева моего? что, сын обетов моих? 2 что, чадо, (соблюдеши,) что речение Божие? первородне, тебе глаголю, сыне: что, чадо моего чрева? что, чадо моих молитв? 3 Не отдавай женщинам сил твоих, ни путей твоих губительницам царей. 3 Не даждь женам твоего богатства и твоего ума и жития в последний совет. 4 Не царям, Лемуил, не царям пить вино, и не князьям - сикеру, 4 С советом все твори, с советом пий вино: сильнии гневливи суть, вина да не пиют, 5 чтобы, напившись, они не забыли закона и не превратили суда всех угнетаемых. 5 да напившеся не забудут мудрости и право судити немощным не возмогут. 6 Дайте сикеру погибающему и вино огорченному душею; 6 Дадите сикера сущым в печалех и вино пити сущым в болезнех, 7 пусть он выпьет и забудет бедность свою и не вспомнит больше о своем страдании. 7 да забудут убожества и болезней не воспомянут ктому. 8 Открывай уста твои за безгласного и для защиты всех сирот. 8 Сыне, отверзай уста твоя слову Божию и суди вся здраво: 9 Открывай уста твои для правосудия и для дела бедного и нищего. 9 отверзай уста твоя и суди праведно, разсуждай же убога и немощна. 10 Кто найдет добродетельную жену? цена ее выше жемчугов; 10 Жену доблю кто обрящет, дражайши есть камения многоценнаго таковая: 11 уверено в ней сердце мужа ее, и он не останется без прибытка; 11 дерзает на ню сердце мужа ея: таковая добрых корыстей не лишится: 12 она воздает ему добром, а не злом, во все дни жизни своей. 12 делает бо мужу своему благая во все житие: 13 Добывает шерсть и лен, и с охотою работает своими руками. 13 обретши волну и лен, сотвори благопотребное рукама своима. 14 Она, как купеческие корабли, издалека добывает хлеб свой. 14 Бысть яко корабль куплю дея, издалеча собирает себе богатство: |
| Всякий, ненавидящий брата своего, есть человекоубийца; а вы знаете, что никакой человекоубийца не имеет жизни вечной, в нем пребывающей. 1 Ин. 3,15 Статья из энциклопедии " Древо " : drevo-info.ru 1 Понеже убо мнози начаша чинити повесть о извествованных в нас вещех, 2 как передали нам то бывшие с самого начала очевидцами и служителями Слова, 2 якоже предаша нам, иже исперва самовидцы и слуги бывшии Словесе: 3 то рассудилось и мне, по тщательном исследовании всего сначала, по порядку описать тебе, достопочтенный Феофил, 3 изволися и мне последовавшу выше вся испытно, поряду писати тебе, державный Феофиле, 4 чтобы ты узнал твердое основание того учения, в котором был наставлен. 4 да разумееши, о нихже научился еси словесех утверждение. 5 Во дни Ирода, царя Иудейского, был священник из Авиевой чреды, именем Захария, и жена его из рода Ааронова, имя ей Елисавета. 5 Бысть во дни Ирода царя Иудейска, иерей некий, именем Захариа, от дневныя чреды Авиани: и жена его от дщерей Аароновех, и имя ей Елисаветь. 6 Оба они были праведны пред Богом, поступая по всем заповедям и уставам Господним беспорочно. 6 Беста же праведна оба пред Богом, ходяща во всех заповедех и оправданиих Господних безпорочна. 7 У них не было детей, ибо Елисавета была неплодна, и оба были уже в летах преклонных. 7 И не бе има чада, понеже Елисаветь бе неплоды, и оба заматоревша во днех своих беста. 8 Однажды, когда он в порядке своей чреды служил пред Богом, 8 Бысть же служащу ему в чину чреды своея пред Богом, 9 по жребию, как обыкновенно было у священников, досталось ему войти в храм Господень для каждения, 9 по обычаю священничества ключися ему покадити вшедшу в церковь Господню: 10 а всё множество народа молилось вне во время каждения, - 10 и все множество людий бе молитву дея вне, в год фимиама: 11 тогда явился ему Ангел Господень, стоя по правую сторону жертвенника кадильного. 11 явися же ему Ангел Господень, стоя о десную олтаря кадилнаго: 12 Захария, увидев его, смутился, и страх напал на него. 12 и смутися Захариа видев, и страх нападе нань. |
|
|
