| Кондак 7 Хотящи возгрети в сердцах людей страны Калужския любовь к иконе Твоея, Заступнице наша, токи чудес изливаеши от Твоея иконы; молитвою бо, к Тебе возносимою, глухому внезапу слух даровася; ослепшему зрение открыся; разслабленному крепость возвратися; здравие душою страждущей и бесом одержимей дадеся; люте болящей и врачами оставленной житие во здравии на многая лета продолжися; темже и мы, с любовию к иконе Твоея припадающе и прославляюще Бога, вопием Ему; Аллилуиа. Икос 7 Необоримая еси ограда, охраняющая ны от всяких болезней душевных и телесных, Пресвятая Богородице, и заступающая всех, к Тебе прибегающих с молитвою. Темже и мы, припадающе ко иконе Твоея, молим Тя, Владычице; избави ны от всяких болезней душевных и телесных, вопиющих Ти из глубины сердца: Радуйся, солнце селения Христова, псалмопевцем предъявленное; радуйся, рождшая Избавителя, беззакония наша туне очищающаго. Радуйся, стамно пресвятая, в Ней же алчущим правды соблюдается Хлеб Жизни вечныя; радуйся, яко всякия болезни душевныя и телесныя милостивно врачуеши с верою к чудотворней Твоея иконе приходящих. Радуйся, болезнующих, оставленных врачами, от смерти избавляющая; радуйся, яко молитвами Твоими престают тлетворнии ветры и смертоноснии язвы. Радуйся, Владычице, милость Свою нам и заступление являющая. Кондак 8 Великое и уму человеческому неудобопостижимое чудо явила еси, Владычице мира, егда внезапу исцелила и укрепила еси в трезвенном житии некую жену, в области града Жиздры живущую, яже пиянству предана бысть; та бо совестию своею терзашеся, яко страстию порока порабощена бысть, и сея ради вины обратися с верою к Тебе, Владычице, молящися пред Твоею иконою, и от Тебе исцеление получи. Сего ради и мы, на милость Твою уповающе, восхваляем Твое милосердие, взывающе Богу: Аллилуиа. Икос 8 Видят и слышат жители Калужския земли новую купель Силоамскую, паче оныя древния явльшуюся, Пресвятая Богородице, в храме Рождества Твоего в веси Калужке, в немже не единожды бо в лето и не точию первее входящий здравие приемлет, но выну всяк недуг врачуется всех с верою к Тебе прибегающих. Сего ради вопием Ти: Радуйся, Еяже ради ад стенет и дуси злобы трепещут; радуйся, Еяже ради врата рая всем нам отверзаются. Радуйся, помощь Твою святую благовременно подающая всякой души, верно Тебе молящейся; радуйся, от страсти к пиянству обратившихся к Тебе с молитвою избавляющая. Радуйся, от рова погибельнаго безнадежных извлачающая; радуйся, притекающих к покрову Твоему сладкое упокоение. Радуйся, Владычице, милость Свою нам и заступление являющая. |
| Икос 11 Светоприемная нам возсияла еси свеща, Богородице, во храм Господень пришедши, радость величайшую тамо светящи и на молитве во Святая Святых горящи, отонудуже и облистала еси небесною чистотою всему миру, во тьме греховней пребывающему, да и мы со свещеносными девами, Тя ко храму Господню светло со славою девственною проводившими, усрящем Тя радостно, во свете чистоты душевныя и телесныя сияющу, и воспоем Тебе похвалы таковыя: Радуйся, свеще неугасимая, во святилищи возжженная, свещеносными девами провождаемая. Радуйся, заре незаходимая, весь мир облиставшая, светлыми Ангелы во храме сретаемая. Радуйся, светильниче небесныя славы, свет нелестный во храме всем возсиявший. Радуйся, чертоже Божия благодати, хлеб словесный из руки Ангела приявший. Радуйся, Мати Света грядущая быти, светом чистоты Твоея всех просвещающая. Радуйся, Мати, Света тихаго сияние, теплотою молитв Твоих всех утешающая. Радуйся, Богоизбранная Отроковице, вхождением во храм двери райския нам отверзшая. Кондак 12 Благодати Божия новый и одушевленный кивот сущи, Богородице Дево, в немже вместо манны чувственныя и вещественных скрижалей вмещаются невещественныя неистощимыя дарования Божия, достойно введена была еси во Святая Святых, яко вместити имущая плотски Безначальное Слово Божие, идеже Силы Небесныя служаху Тебе, страшнии херувими и пламенеющии любовию серафими осениша Тя крилы своими, престоли и господствия, начала, силы и власти припадоша к Тебе со архангелы и ангелы, вопиюще о Тебе: Аллилуиа. Икос 12 Поюще пречестное Твое во храм Господень введение, хвалим вси Твое пречудное во Святая Святых со ангелы спребывание и небесным хлебом питание, поклоняемся равноангельной девственной чистоте Твоей, Богородице, и веруем, яко пришла еси от земнаго дома в дом Божий, яко жертва чистая, яко дар освящен на обручение девства Твоего Жениху Небесному, да уготоваешися достойно к нетленному и чистому рождеству Христову в Божие жилище. Темже тако верующе, возглаголем Тебе сице: Радуйся, храм Господень пречистых ног Твоих стопами освятившая. Радуйся, жилище Божие от осквернения грешных отмывшая. Радуйся, во святом храме, яко на небеси, поклонение горних сил приемшая. Радуйся, во Святая Святых, яко на небеси, престолу Божию представшая. Радуйся, прекрасная Девице, изшествием Твоим из дому отчаго во храм мир всему миру принесшая. Радуйся, новая голубице, вхождением во храм праведным в преисподней надежду первее даровавшая. Радуйся, Богоизбранная Отроковице, вхождением во храм двери райския нам отверзшая. |
| Разделы портала «Азбука веры» Православные молитвы Кондак 1 Взбранной Воеводе, Владычице нашей Богородице, Святую Гору Афонскую в достояние Свое избравшей и иноческия обители в ней умножившей, благодарственная возглашаем пения. Ты же, о Пречистая, яко имущая державу непобедимую, от всяких нас бед свободи и от враг видимых и невидимых защити, да зовем Ти: Радуйся, Пресвятая Богородице Дево, всего мира Благая Заступнице. Икос 1 Ангелов Царице и всея твари Владычице, Пречистая Дево Богородице, преславным явлением дивныя иконы Твоея Гору Афонскую озарила еси, струи чудес от нея источающи. Темже и мы, грешнии, радости и благодарения исполняеми, с любовию и усердием к Тебе благохваления наша дерзаем возносити: Радуйся, благословенная отрасле от корене Давидова. Радуйся, Дщи Богоданная Иоакима и Анны. Радуйся, в храме Божием во смирении и чистоте воспитанная. Радуйся, о рождении Бога Слова Ангельское благовестие приимшая. Радуйся, свыше силою Духа Святаго осененная. Радуйся, тайне Боговоплощения послужившая. Радуйся, Богомладенца Христа на спасение роду человеческому рождшая. Радуйся, всему миру радость велию Рождеством Твоим возвестившая. Радуйся, Пресвятая Богородице Дево, всего мира Благая Заступнице. Кондак 2 Видящи, Всенепорочная, милосердие Твое неизреченное и чудеса многая, чрез святыя иконы Твоя присноявляемыя, величаем Тя, род наш благоволением Твоим возвеличившую, и с любовию покланяяся пречистому лика Твоего изображению, зовем о Тебе Сыну Твоему и Богу нашему: Аллилуиа. Икос 2 Разум человеческий постигнути не может великаго Твоего милосердия к людем, искупленным Кровию Сына Твоего, Христа Бога нашего, ниже исчислити множество благодеяний Твоих, богатно на ны изливаемых, но припадая пред чудотворною иконою Твоею, смиренно приносим Ти похвалы сицевыя: Радуйся, на путь спасения нас наставляющая. Радуйся, к Богопознанию приводящая. Радуйся, скорая христианом Помощнице. Радуйся, пред Сыном Твоим о нас милостивая Ходатаице. Радуйся, страх Божий в сердца наша вселяющая. |
| Кондак 7 Хотяще обеты своя Господеви воздати, праведнии родителие Твои, Пресвятая Дево, трилетствующую Тя отроковицу приведоша в храм Господень со славою и радостию многою, первосвященник же Захария, Духом Божиим объятый, введе Тя во святая святых, яже прообразом токмо быша Твоея святыни. Ты бо вместила в Себе не кивот завета, но святых святейшаго Сына Божия, во утробе Твоей девственней плоть восприявшаго, Емуже Ты с лики девическими выну воспевала еси: Аллилуия. Икос 7 Новое и преславное промышление Божественное бысть о Тебе, Дево Марие; в храме бо Божием жительствующи, пишу от рук ангельских приимала еси, Пресвятая. Темже молим Тя: напитай нас пищею благодатною, да возрастем духовно в мужи совершенны и Тебе, Всецарице, похвальная возопием: Радуйся, преукрашенная добродетельми Отроковице, в храме Божием жити и ангелом собеседница быти сподобльшаяся; радуйся, посылавшуюся Тебе Богом пищу от ангелов во святая святых приимавшая. Радуйся, небесным хлебом во храме чудесно воспитанная; радуйся, к великому таинству воплощения Сына Божия тамо предуготованная. Радуйся, яко повелением Божиим ангели на земли Тебе усердно служаху; радуйся, яко тии ныне на небесех, яко Царице, благоговейно Тебе служат. Радуйся, яко и мы недостойнии песньми хвалебными присно Тя величаем; радуйся, яко и рождших Тя Богоотцев всегда ублажаем и в молитвах их призываем. Радуйся, Пречистая Дево, Материю Спасителя мира от века предъизбранная. Кондак 8 Странное рождество Пречистыя Девы видевше, устранимся суетнаго мира, ум на небеса преложше, идеже Богоматерь во славе предстоит Сыну Своему и Богу, ходатайствующи пред Ним о всех верных, всеславное рождество Ея любовию празднующих и вопиющих Богу: Аллилуия. Икос 8 Вся тварь в рождестве Твоем, Пречистая, обрете радость, печаль праотеческую потребляющую; произшедшим бо от Тебе Христом Богом падшее во грех преслушания естество наше от падения воста и паки любезно Зиждителю сотворися. Темже умильно Ти взываем: Радуйся, всемирныя радости предвозвещение; радуйся, таинства, от века сокровеннаго, явление. Радуйся, Еюже от падения востахом; радуйся, Еюже от рабства диаволя в свободу чад Божиих приидохом. Радуйся, Еюже прежде отриновенное естество наше истее Богу присвоися; радуйся, Еюже Иоаким и Анна поношения безчадия свободишася. Радуйся, Еюже безплодие сердец наших в благоплодие пременися; радуйся, Еюже обилие благ вечных верным от Господа подается. Радуйся, Пречистая Дево, Материю Спасителя мира от века предъизбранная. |
| Безусловно можно. Шитье – это спокойное и умиротворяющие занятие, вполне соответствующие постному настроению. Лучше вышивать и шить, чем тратить время на телевизор или нерабочее время в интернете. Кстати, по церковному преданию сама Пресвятая Богородица занималась шитьем – она шила завесу для храма Соломона. На иконах Благовещения Богоматерь часто изображают с принадлежностями для шитья. Главное, чтобы занятие вышиванием не подменяло собой молитву в храме. В остальном каких-то запретов на занятие вышивкой в любое время нет. К любому занятию нужно подходить с внутренним духовным рассуждением. Где можно собороваться в Рождественский пост? Соборование в Рождественский пост – явление более редкое, чем соборование в пост Великий. Тем не менее во многих православных храмах существует традиция соборования во время многодневных постов. Узнать, как пособороваться в храме, который вы выбрали, можно на сайте прихода, по телефону или за свечным ящиком. Вам расскажут, когда можно пособороваться и как лучше подготовиться к таинству. Жителям спальных районов Москвы лучше выбрать храм в центре города, где людей может быть значительно меньше, чем на окраинах. Соборование — это таинство, в котором мы испрашиваем у Бога прощения забытых нами грехов. К ним не относятся грехи, которые человек сознательно утаил на исповеди. Можно ли есть сухари в Рождественский пост? Есть сухари в Рождественский пост, конечно, можно – это один из самых постных видов пищи, если только они не с молочной начинкой. Напомним, что меру воздержания и возможность послабления постовых требований нужно предварительно обсудить со своим духовником или священником, мнению которого вы доверяете. И, главное, нужно помнить, что суть Рождественского поста состоит не только в ограничениях в еде, хотя они тоже важны. Начиная с поста гастрономического, христианин совершенствуется в духовном делании – учится быть ответственным за свою жизнь через сознательное самоограничение. Пост в еде – не самоцель, а лишь средство к возрастанию во Христе, еще один шаг к Господу и исполнению Его заповедей. |
| Что поется в храме на Успение Для большего осмысления того, что поется в храме на службе, хорошо заранее ознакомиться с текстом богослужения. Многие берут текст службы с собой в храм, чтобы было удобнее следить за песнопениями праздника. 27 августа, 2009 Для большего осмысления того, что поется в храме на службе, хорошо заранее ознакомиться с текстом богослужения. Многие берут текст службы с собой в храм, чтобы было удобнее следить за песнопениями праздника. Успение Пресвятыя Славныя Владычицы нашея Богородицы, и Приснодевы Марии На Велицей вечерни, поем, Блажен муж, 1-й антифон. На Господи воззвах, ставим стихов 8, и поем стихиры, глас 1: О дивное чудо! Источник Жизни во гробе полагается, и лествица к небеси гроб бывает: веселися Гефсимание, Богородичен святый доме. Возопием вернии, Гавриила имуще чиноначальника: Благодатная радуйся, с Тобою Господь, подаяй мирови Тобою велию милость. [Трижды.] Дивны Твоя тайны, Богородице, Вышняго престол явилася еси, Владычице, и от земли к небеси преставилася еси днесь. Слава Твоя боголепная, богоподобными сияющи чудесы. Девы с Материю Царевою на высоту вознеситеся. Благодатная, радуйся, с Тобою Господь, подаяй мирови Тобою велию милость. [Трижды.] Твое славят успение, власти и престоли, начала и господьства, силы и херувими, и страшнии серафими: радуются земнороднии, о божественней Твоей славе красящеся. Припадают царие со архангелы и ангелы, и воспевают: Благодатная, радуйся, с Тобою Господь, подаяй мирови Тобою велию милость. [Дважды.] Слава, и ныне, глас тойже: Богоначальным мановением, отвсюду богоноснии апостоли облаки высоце взимаеми, дошедше пречистаго и живоначальнаго Твоего тела, любезно лобызаху. Превышния же небесныя силы, с своим Владыкою пришедше, богоприятное и пречистое тело предсылающе ужасом одержими: прекрасно же предыдяху, и невидимо вопияху превышним чиноначалием: се Всецарица Богоотроковица прииде. Возмите врата и Сию премирно подымите, Присносущаго Матерь Света. Тоя бо ради всеродное человеком спасение бысть: на Ню же взирати не можем: и Той достойную честь воздати немощно: Тоя бо преизящное преходит всякий ум. Темже, Пречистая Богородице, присно с Живоносным Царем, и Рождеством живущи, молися выну сохранити и спасти, от всякаго прилога противнаго, новыя люди Твоя: Твое бо предстательство стяжахом, во веки светоявленно блажаще. |
| Поем Честнейшую: Трипеснец, глас 8: Песнь 9 Ирмос: Воистинну Богородицу Тя исповедуем, спасеннии Тобою, Дево чистая, с безплотными лики Тя величающе. Святии апостоли, молите Бога о нас. Источницы спасительныя воды явльшеся апостоли, истаявшую душу мою греховною жаждою оросите. Святии апостоли, молите Бога о нас. Плавающаго в пучине погибели и в погружении уже бывша Твоею десницею, якоже Петра, Господи, спаси мя. Святии апостоли, молите Бога о нас. Яко соли, вкусных суще учений, гнильство ума моего изсушите и неведения тьму отжените. Пресвятая Богородице, спаси нас. Радость яко родившая, плач мне подаждь, имже Божественное утешение, Владычице, в будущем дни обрести возмогу. Иный. Ирмос: Тя, Небесе и земли Ходатаицу: Святии апостоли, молите Бога о нас. Тя, благославное апостольское собрание, песньми величаем: вселенней бо светила светлая явистеся, прелесть отгоняще. Святии апостоли, молите Бога о нас. Благовестною мрежею вашею словесныя рыбы уловивше, сия приносите всегда снедь Христу, апостоли блаженнии. Святии апостоли, молите Бога о нас. К Богу вашим прошением помяните нас, апостоли, от всякаго избавитися искушения, молимся, любовию воспевающия вас. Пресвятая Троице, Боже наш, слава Тебе. Тя, Триипостасную Единицу, Отче, Сыне со Духом, Единаго Бога Единосущна пою, Троицу Единосильную Безначальную. Пресвятая Богородице, спаси нас. Тя, Детородительницу и Деву, вси роди ублажаем, яко Тобою избавльшеся от клятвы: радость бо нам родила еси, Господа. Великаго канона Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем. Ум острупися, тело оболезнися, недугует дух, слово изнеможе, житие умертвися, конец при дверех. Темже, моя окаянная душе, что сотвориши, егда приидет Судия испытати твоя? Моисеово приведох ти, душе, миробытие и от того все заветное Писание, поведающее тебе праведныя и неправедныя; от нихже вторыя, о душе, подражала еси, а не первыя, в Бога согрешивши. |
| Радуйся, Благодатная, Господь с Тобою, Ты же с нами, чудным образом милость Божию знаменающая. Кондак 13 О, Пресвятая Владычице, Дево Богородице, Мати Господа нашего! К Тебе припадаем и молим Тя: помилуй и спаси нас, недостойных Твоего милосердия. Услыши нас, Пречистая, не ввери нас человеческому предстательству, но Сама помилуй нас к жизни сей, и в будущем веце соделай нас наследниками Небеснаго Царствия; яви нам Знамение милости Твоея, да прославим безмерное милосердие Твое и Богу воспоем Херувимскую песнь: Аллилуиа. [Сей кондак глаголется трижды.] [Далее повторяем 1е икос и кондак:] Икос 1 Архангели и Ангели и все воинство сил безплотных немолчно славословят и служат Ти, главы своя преклоняя: мы же грешнии недоумеем, откуда начнем восхваляти Тя по достоянию, обаче дерзая на благосердие Твое, приносим Ти похвалы сия: Радуйся, Рождеством Твоим мир горний с дольним возсоединившая; Радуйся, младая Отроковице, по ступенем храма никимже держимая возшедшая. Радуйся, по обетованию родителей Твоих в храме Иерусалимстем воспитанная; Радуйся, Духом Святым введенная во Святая Святых. Радуйся, в храме Господни молитве и Богомыслию наученная; Радуйся, тамо пищу из рук Архангельстих принимавшая. Радуйся, яко житие Твое при храме прообразом жития иноческаго явися; Радуйся, всех скорбящих скорое утешение. Радуйся, Благодатная, Господь с Тобою, Ты же с нами, чудным образом милость Божию знаменающая. Кондак 1 Взбранной Воеводе Победительная, Царице Небесе и земли, похвальная песнопения приносим Ти, Богородительнице, Ты же, яко имущая державу непобедимую, от всяких зол сохрани нас и град наш, да зовем Ти: Радуйся, Благодатная, Господь с Тобою, Ты же с нами, чудным образом милость Божию знаменающая. Молитва Пресвятой Богородице перед Ея иконой, именуемой «Знамение» Корчемная О, Пресвятая Владычице Богородице, Небеснаго Царя Мати, Богоизбранная Отроковице! Ненадежных надеяние, больных исцеление, сирым предстательнице, скорбящим утешение и радость, обидимым покровительнице и всем в бедах и напастях сущим скорое поможение и заступление! Помози, о Мати Божия, и нам грешным в скорби нашей, возвесели радостию сердца людей Твоих; управи в мире и тишине жизнь нашу и не даждь во отчаяние впасти. Ты бо Едина еси паче всех святых и паче всех Горних умов Предстательница наша к Богу, яко Всеблагаго Царя Благая Мати. Темже мы, грешнии, на Пречистый Твой образ «Знамения» взирающе, умиленно преклоняем колена и, благоговейно лобызающе, молим Тя, Благосердая Мати: не отрини смиреннаго моления нашего и яви нам знамение милости Твоея: никтоже бо, к Тебе прибегая со упованием, исходит от Тебе посрамлен, но просит благодати и приемлет дар к полезному прошению, прославляя Сына Твоего и Бога, и Тебе с Ним, во веки веков. Аминь. Рекомендуем молитвы |
| и один великий поклон. В неделю вечера (Типик., гл. 9, л. 15) и в 1-й день Рождественского поста (Типик., л. 98) вместо 16 поклонов только 3 великих. Трисвятое. Пресвятая Троице... Отче наш... Господи, помилуй 12. В неделю вечера и в 1-й день Рождественского поста трисвятое, Пресвятая Троице, Отче наш и Господи, помилуй 12, опускаются. Иерей: Слава тебе, Христе Боже... Лик: Слава, и ныне. Господи, помилуй 3. Благослови. Отпуст великий. Многолетие. Исхождение в притвор. Лития о усопших. И конечный отпуст (Типик., гл. 9, л. 15). Повечерие. После трапезы, в притворе полагается повечерие, в неделю вечера (Типик., гл. 9, л. 15 на об.) и в 1-й день Рождественского поста (л. 98) малое, в прочие же дни (гл. 9, л. 15 на об. и 48 гл., после «зри» пред 15 нояб. л. 99 на об.) великое. То и другое читается так же, как в Великий пост 288 с тою только разницею, что на повечерии, как и на прочих службах, пение, бывающее во дни Великого поста, заменяется чтением. В Типиконе, л. 98 на об., об этом сказано так: «Заутра услыши глас мой, царю мой и Боже мой,– поскору без пения. Подобно же и прочие часы. В сию же 40-цу (т.е. в Рождественский пост) на часех и на повечерии не стихословим с пением, ниже тропари поем со гласом, но вся тропари и богородичны и С нами Бог скоро без пения глаголем».– Тропари великого повечерия мы указываем ниже: ч. 2, отд. 2, гл. 13 (о великопостном богослужении), а тропари малого повечерия в 1 ч., отд. 4, гл. 34. Полунощница. Полунощница отправляется повседневная (Типик., л. 98); но после Слава, и ныне, Честнейшую херувим..., Именем Господним благослови, отче, и возгласа: Боже, ущедри ны...– 16 поклонов с молитвами: Господи и Владыко... и Боже, очисти мя. (Типик., гл. 9, л. 15 на об. и 16). Полунощница отправляется в притворе, но может быть отправлена и в храме. Утреня. После начального возгласа: Благословен Бог..., не сразу читается Приидите поклонимся..., но первоначально – трисвятое, Пресвятая Троице..., Отче наш..., Яко твое есть царство..., Господи, помилуй 12, Слава, и ныне... |
| Икос Ангельское приветствие принесем Богоотроковице и возопиим пред честным образом Ея: радуйся, православныя церкве Хранительнице, радуйся, безбожных посрамление; радуйся, душ и телес Целительнице, радуйся, очес душевных и телесных прозрение. Радуйся, из камене и земли живую воду источающая, радуйся, из окамененных сердец животворныя струи покаяния исторгающая; радуйся, Радосте наша, под Покровом Своим ко Христу нас приводящая. Песнь 7 Не послужиша твари, богомудрии паче Создавшаго, но огненное прещение мужески поправше, радовахуся, поюще: препетый отцев Господь и Бог, благословен еси. Царице небесе и земли,/грады и веси Белыя Руси оживи покровом милости Твоея,/да радующеся вси воспоем:/препетый отцев Господь и Бог, благословен еси. Крупецкий образ Богородицы почитающе,/поминаем Минскую Твою, Владычице, икону и Жировицкую святыню./Сия от Тебе, Богомати, приемше,/радости земля наша исполняется, и Сыну Твоему вопиет:/препетый отцев Господь и Бог, благословен еси. Иисус Тя Небесную лествицу показа,/сего ради Тебе молящеся, от силы в силу восходим и Христу, радующеся, поем:/препетый отцев Господь и Бог, благословен еси. Песнь 8 Отроки благочестивыя в пещи рождество Богородицы спасло есть: тогда убо образуемое, ныне же действуемое, вселенную всю воздвизает пети Тебе: Господа пойте дела, и превозносите Его во вся веки. Явление чудес твоих, Чистая,/радости исполняет сердца верных,/очи бо телесныя врачуеши/и очи духовныя отверзаеши/Тя превозносящым во вся веки. Сладкоуханный крин икону твою, Богородице, явила еси./К ней убо припадающе и со умилением лобызающе,/Тя превозносим, Заступнице, во веки. Любопразднственный чин ангельский/и радостию совокупленный лик человеческий/вселенную всю воздвизают пети тебе, Богомати, и превозносити во вся веки. Песнь 9 Всяк земнородный да взыграется, духом просвещаем, да торжествует же безплотных умов естество, почитающее священное торжество Богоматере, и да вопиет: радуйся, Всеблаженная, Богородице Чистая Приснодево. Ароматы и фимиам приносим Ти, Пресвятая,/и на всяк день Евхаристию в храме Твоем совершаем./Темже убо не остави нас, почитающих священное Твое торжество и вопиющих:/радуйся, Всеблаженная, Богородице чистая Приснодево. |
|
|
