| Затем обращает (переворачивает) Агнец печатью вверх. Диакон: Прободи, владыко. При этих словах диакона священник прободает Агнец копием с правой Его стороны, говоря: Един от воин копием рéбра Его прободé, и áбие изыде кровь и водá, и видевый свидéтельствова, и истинно есть свидетельство его. Диакон: Благослови, владыко, святое соединение. Получив благословение, диакон вливает в потир вино, соединенное с небольшим количеством воды. Священник, взяв вторую просфору, говорит: В честь и память Преблагословенныя Владычицы нáшея Богородицы и Приснодевы Марии, Ея же молитвами приими, Господи, жертву сию в пренебесный Твой Жертвенник. Вынув из просфоры частицу, священник кладет ее на дискос с правой стороны Агнца (от себя – с левой), вблизи от его средины, произнося: Предстá Царица одесную Тебе, в ризы позлащéнны одéяна, преукрашéнна. Священник, взяв третью просфору, произносит: 1 . Честнáго славнаго Пророка, Предтечи и Крестителя Иоанна,– и отделяет от просфоры частицу, кладя ее на дискосе с левой стороны Агнца (от себя – с правой), ближе к верхней его части, начиная этой частицей первый ряд. Затем священник говорит: 2 . Святых славных пророков Моисея и Аарона, Илии и Елисея, Давида и Иессéя, святых триéх отроков, и Даниила пророка, и всех святых пророков,– и, отделив от просфоры вторую частицу, полагает ее ниже первой, на такое же расстояние от Агнца. Далее священник говорит: 3 . Святых славных и всехвальных апостолов Петра и Павла и прочих всех святых апостолов,– и, отделив от просфоры третью частицу, полагает ее ниже второй, оканчивая ею первый вертикальный ряд частиц. Затем священник произносит: 4 . Иже во святых отец наших, святителей Василия Великаго , Григория Богослова и Иоанна Златоустаг о, Афанасия и Кирилла, Николая Мирликийскаго, Мефодия, учителя Словенскаго, Михаила Киевскаго, Петра, Алексия, Ионы, Филиппа и Ермогена Московских , Никиты, епископа Новгородскаго, Леонтия, епископа Ростовскаго, и всех святых святителей,– и, отделив четвертую частицу, полагает ее на одном уровне с первой частицей, начиная ею второй ряд. |
| Затем произносятся молитвы литии. Диакон: «Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя; молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста; предстательствы Честных Небесных Сил Безплотных; Честнаго Славнаго Пророка, Предтечи и Крестителя Иоанна; святых славных и всехвальных Апостол; иже во святых отец наших и вселенских великих учителей и святителей, Василия Великаго , Григория Богослова и Иоанна Златоустаг о; иже во святых отца нашего Николая, архиепископа Мирликийскаго, Чудотворца; святых равноапостольных Мефодия и Кирилла, учителей Словенских, святых равноапостольных великаго князя Владимира и великия княгини Ольги, иже во святых отец наших всея России чудотворцев, Михаила, Петра, Алексия, Ионы, Филиппа, Ермогена, Иова и Тихона; святых славных и добропобедных мучеников, преподобных и богоносных отец наших, святых и праведных Богоотец Иоакима и Анны (и святаго (имярек), егоже есть храм и егоже есть день) и всех святых; молим Тя, Многомилостиве Господи, услыши нас, грешных, молящихся Тебе и помилуй нас». Лик, поет: «Господи помилуй (40 раз)». Диакон: «Еще молимся о Великом Господине и Отце нашем Святейшем Патриархе (имярек) и о Господине нашем (Высоко) Преосвященнейшем митрополите (или: архиепископе, или: епископе (имярек); (аще во обители: и о архимандрите, или: игумене нашем) (имярек) и о всем во Христе братстве нашем, и о всякой души христианстей, скорбящей же и озлобленней, милости Божия и помощи требующей; о покровении града сего и живущих в нем (или: веси сея и живущих в ней; или: святыя обители сея и живущих в ней); о мире и состоянии всего мира; о благостоянии Святых Божиих Церквей; о спасении и помощи со тщанием и страхом Божиим труждающихся и служащих отец и братий наших; о оставльшихся и во отшествии сущих; о исцелении в немощех лежащих, о успении, ослабе, блаженной памяти и оставлении грехов всех преждеотшедших отец и братий наших, зде лежащих и повсюду, православных; о избавлении плененных, и о братиях наших во службах сущих, и о всех служащих и служивших во святем храме сем (аще во обители: во святей обители сей) рцем». Лик: «Господи помилуй (50 раз)». |
| И возглашает священник: Буди держава Царствия Твоего благословена и препрославлена, Отца, и Сына, и Святаго Духа, ныне и присно, и во веки веков. Лик: Аминь. Лития В дни, когда совершается всенощное бдение, священнослужители исходят в притвор храма с пением литийных стихир храма (под воскресенье) или праздника для совершения литии. Священник и диакон с кадилом, предшествуемые двумя свещеносцами выходят из алтаря северными вратами и становятся в притворе. Диакон совершает каждение святых икон в притворе, настоятеля, поющих и народа. Стихиры на литии Слава Отцу, и Сыну, и Святому Духу. Глас 8: Приидите, мучениколюбцы,/приидите, составим лик,/торжествующе и Бога прославляюще/в радостный праздник новомучеников и исповедников Российских,/сии бо не уклонишася скорби,/ни убояшася темницы,/горькими работами, гладом и хладом изморени/и многовидными муками умерщвляеми,/яко агнцы незлобивии, смерть прияша./И ныне в радости святых/молят Триединаго Бога о земнем отечестве своем. И ныне, и присно, и во веки веков. Аминь. Богородичен, глас 8: Безневестная Дево,/яже Бога неизреченно заченши плотию,/Мати Бога Вышняго,/Твоих рабов мольбы приими, Всенепорочная,/всем подающи очищение прегрешений,/ныне наша моления приемлющи,/моли спастися всем нам. По окончании пения стихир диакон произносит следующие молитвенные прошения Диакон: Спаси, Боже, люди Твоя и благослови достояние Твое, посети мip Твой милостию и щедротами, возвыси рог христиан православных и низпосли на ны милости Твоя богатыя, молитвами всепречистыя Владычицы нашея Богородицы и Приснодевы Марии, силою Честнаго и Животворящаго Креста, предстательствы честных Небесных Сил безплотных, честнаго, славнаго пророка, Предтечи и Крестителя Иоанна, святых славных и всехвальных Апостол, иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго, иже во святых отца нашего Николая, архиепископа Мирликийскаго, чудотворца, святых равноапостольных Мефодия и Кирилла, учителей словенских, святых равноапостольных великаго князя Владимира и великия княгини Ольги, иже во святых отец наших всея России чудотворцев, Михаила, Петра, Алексия, Ионы, Макария, Филиппа, Иова, Ермогена, Филарета, Иннокентия и Тихона, святых, славных и добропобедных мучеников, преподобных и богоносных отец наших, святых и праведных богоотец Иоакима и Анны, (и святаго, имярек, егоже есть храм) , всех святых новомучеников и исповедников Церкви Русской, и всех святых. Молим Тя, многомилостиве Господи, услыши нас, грешных, молящихся Тебе, и помилуй нас. |
| И ныне: Царице, всех Царя рождшая и носившая Носящаго всю тварь, спаси мя, величающаго Тя, Пресвятая Владычице. Светилен. Подобен: Жены услышите: Великаго архипастыря и иерарха вси, председателя Мирликийскаго Николая восхвалим: многи бо мужи спасе, неправедно умрети имущия, и царю является со Авлавием во сне, реша неправедный суд. Слава и ныне, богородичен: Мудрость Ипостасную, и Слово пресущественное, и Врача всех Христа рождши, Дево, гноения и язвы души моея исцели лютыя и многовременныя и сердца моего страстная помышления умертви. На хвалитех стихиры, глас 5. Подобен: Радуйся, постников Радуйся, деннице пресветлая пребезначальнаго света Владыки, радуйся, заре тайнаго света, иерарше Христов Николае, предвари и подвигни пречистыя твоя молитвы о мне ко Господу, празднующих верою память рождества твоего, во еже избавити мя от всякия напасти и противныя болезни моя исцелити. Отче, тебе бо заступника имам и умильно с верою вопию ти: молися Христу, даровати нам велию милость. Радуйся, главо преосвященная чистотное добродетелей жилище, божественное правило непорочнаго священства, пастырю добрый, пресветлый и превеликий, светоподобное имя носяй, требующим милостивно раздаваяй, преклоняяйся к молитвам молящихся. Болящих исцелителю готовый, граде спасения всех верою поющих память твою. Слава, глас тойже: Радуйся, во святителех правило, Божественных чудес неисчерпаемая пучино, красото церковная, светлая звездо: священными твоими, Блаженне, блистаньми, нас озаряя коегождо святейший, пресветлыми молниями просвещаеми, столпе необоримый, степеню веры, честную твою память любовию совершающих, Христа моли душам нашим даровати велию милость. И ныне, богородичен: Радуйся пророческая печате, и богогласных апостол проповедание: Бога бо воистинну сущаго воплощенна, паче ума и слова родила еси, чистая: имже первое восприимше благородие, и райския пищи наслаждающеся, тебе ходатаицу таковыя светлости, и молитвенницу благоприятну, песньми почитаем. тобою пречистая обогатившеся, присносущныя сподобляемся жизни сына твоего, подающаго богатно велию милость. |
| Из рукописного церковного устава Воскресенского монастыря (1686–1688 г.) По святей литургии в трапезе, по востанию от обеда и по окончании благодарения и обычных тропарей, диякон глаголет: Молитвами святых отец наших, Господи Иисусе Христе, Боже наш, помялуй нас. Певцы: Аминь, таже тропарь кресту, глас 1-й: Спаси Господи, люди твоя и святому тропарь, его же есть день, таже кондак: Вознесыйся на крест, и святому кондак и: Ныне предстательство страшное, или празднику, таже: Господи помилуй 3, благослови: архимандрит или священник глаголет молитву сию: Владыко многомилостиве, Господи Иисусе Христе, Боже наш, молитвами всепречистыя Владичицы нашея Богородицы и присно Девы Марии, силою честнаго и животворящаго креста, предстательствы честных небесных сил безплотных, честнаго н славнаго Пророка и предтечи Крестителя Иоанна, святых славных и всехвальных апостол, святых славных и добропобедных мучеников, преподобных и богоносных отец наших, иже во святых отец наших, вселенских учителей и святителей, Василия Великаго , Григория Богослова , Иоанна Златоустаг о, иже во святых отца нашего Николая, архиепископа Мирликийскаго, чюдотворца, иже во святых отец наших всеа России чюдотворцев, Петра, Алексия, Ионы и Филиппа, святых и праведных Богоотец Иоакима и Анны и всех святых молитвами: Спаси, Господи, и помилуй благовернаго и христолюбиваго Государя Царя и великаго князя Петра Алексеевича, всеа великиа, и малыя и белыя России Самодержца, благоверных цариц и благороднаго царевича и великаго князя Алексия Петровича и благородных царевен и с их благоверными князи, и с боляры, и с христолюбивым воинством и с доброхоты, и со всеми православными христианы, подаждь им, Господи, душевное спасение и телесное здравие, умножи, Господи, свыше победу на вся видимыя и невидимыя враги, и покори, Господи, под нозе их всякаго врага и сопостата, и умножи живота их, и державу царствия их миром и тишиною огради, и исполни всякия благодати, и мирно устрой, Ты бо еси Царь царствующих, и Господь господствующих, и Спас душ наших, и Источник всякия благодати, Христе Боже наш, и Тебе славу возсылаем со Безначальным Твоим Отцем и с Пресвятым и благим и животворящим Твоим Духом, ныне и присно и во веки веков. |
| Изъятие срединной части просфоры, т.е. изъятие хлеба от хлеба, знаменует изъятие плоти Христа от плоти Девы Марии, рождение Бесплотного во плоти – Рождество Христово. Назначение прочих четырех просфор Вторая просфора называется «Богородичная». Из нее вынимается частица в честь и прославление Пресвятой Богородицы и Приснодевы Марии. Вынимая частицы, священник произносит слова: В честь и память Преблагословенныя Владычицы нашея Богородицы и Приснодевы Марии, Еяже молитвами приими, Господи, жертву сию в пре- небесный Твой Жертвенник. Вынутую частицу он полагает на дискос по правую сторону Святого Агнца (против левой руки священника) в соответствии с произносимыми при этом пророческими словами: Предста Царица одесную Тебе в ризы позлащенны одеяна, преукрашенна. Из третьей просфоры вынимаются девять частиц и кладутся по левую сторону Агнца (против правой руки священника) в три ряда, по три частицы в каждом. Первая частица вынимается во имя Пророка и Предтечи и Крестителя Господня Иоанна. При изъятии частицы священник произносит слова: Честнаго славнаго Пророка, Предтечи и Крестителя Иоанна. Частица эта полагается по левую сторону Агнца в первом ряду. Вторая частица вынимается во имя пророков и полагается ниже первой. При этом священник произносит: Святых славных пророков: Моисея и Аарона, Илии и Елисея, Давида и Пессея, святых трех отроков, и Даниила пророка, и всех святых пророков. Вынимая третью частицу во имя святых апостолов, священник произносит слова: Святых славных и всехвалъных апостолов Петра и Павла, и прочих всех святых Апостолов. Вынутая частица полагается ниже вышеупомянутых в первом ряду. Четвертая частица вынимается со словами: Иже во святых Отец наших святителей: Василия Великаго , Григория Богослова и Иоанна Златоуста , Афанасия и Кирилла, Николая, архиепископа Мирликийскаго, Михаила Киевскаго, Петра и Алексия, и Ионы, и Филиппа Московских, Никиты, епископа Новгородскаго, Леонтия, епископа Ростовскаго, и всех святых святителей и полагается по левую сторону Агнца во второй ряд. |
| Лик: Аминь. Абие же взем священную воду, вливает ю трижды крестообразно в студенец, глаголя: Благословляется и освящается студенец сей и вода в нем сущая, благодатию Святаго Духа излиянием воды сея священныя, во имя Отца, и Сына, и Святаго Духа. Аминь. Трижды. И творит обычный дневный отпуст. Последование над пещию Творит священник освящение воды малое (зри страницу 7). По освящении же глаголет молитвы: Господу помолимся. Господи, помилуй. Боже вечный, иже седмь седмерицею разженную пещь и пламень иже в Вавилоне на росу преложил еси, и вверженныя в ию от царя Навуходоносора святыя три отроки, Ананию, Азарию и Мисаила, целы сохранивый: Сам благослови и пещь сию великия ради Твоея милости, и благослови в ней дела рук рабов Твоих, и благопоспеши я благодеянием Твоим, и исправи я по множеству щедрот Твоих: молитвами Пречистыя Владычицы нашея Богородицы и Приснодевы Марии: силою Честнаго и Животворящаго Креста: предстательством превеликих чиноначальник Михаила и Гавриила, и всех небесных сил безплотных: Честнаго, Славнаго Пророка, Предтечи и Крестителя Иоанна: святых славных и всехвальных Апостол: святаго священномученика Куприана: иже во святых отца нашего Николая, архиепископа Мирликийскаго, Чудотворца, и всех святых. Яко Ты еси благословляяй и освящаяй всяческая, Боже наш, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь. Молитва иная: Владыко Господи Боже наш, иже в высоких Живый, и на смиренныя призираяй, благословивый дом Лаванов входом Иаковлим, и дом Пентефриин входом Иосифовым, благословивый дом Давидов входом ковчега: иже вочеловечением Христа Твоего, спасение быв дому Закхеову: Сам благослови пещь сию, и действующия ю Твоим страхом соблюди, и невредимы их от сопротиволежащих сохрани, и Твое благословение с высоты жилища Твоего низпосли им, и благослови, и умножи дела рук их, да всегда благодарно славим Всесвятое Имя Твое, Отца, и Сына, и Святаго Духа, ныне и присно, и во веки веков. Аминь. Таже глаголет прощение: Помилуй нас, Боже, по велицей милости Твоей, молим Ти ся, услыши и помилуй. |
| Лик: Аминь. Иерей: Мир всем. Лик: И духови Твоему. Диакон: Главы ваша Господеви приклоните. Лик: Тебе, Господи. Иерей же глаголет молитву велегласно: Владыко Многомилостиве, Господи Иисусе Христе, Боже наш, молитвами Всепречистыя Владычицы нашея Богородицы и Приснодевы Марии, силою Честнаго и Животворящаго Креста, предстательствы честных Небесных сил безплотных, честнаго славнаго Пророка, Предтечи и Крестителя Иоанна, святых славных и добропобедных мученик, преподобных и богоносных отец наших иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго; иже во святых Отца нашего Николая, архиепископа Мирликийскаго, иже во святых отец наших Мефодия и Кирилла, учителей Словенских; святаго равноапостольнаго великаго князя Владимира и святыя равноапостольныя великия княгини Ольги; иже во святых отец наших, всея России чудотворцев, Петра, Алексия, Ионы, Филиппа, Ермогена и Иннокентия; святых и праведных Богоотец Иоакима и Анны; святых седми мученик Маккавей, Авима, Антонина, Гурия, Елеазара, Евсевона, Алима и Маркелла, и матере их святыя Соломонии, и учителя их святаго мученика Елеазара, и всех святых Твоих, благоприятну сотвори молитву нашу, даруй нам оставление прегрешений наших, покрый нас кровом крилу Твоею, отжени от нас всякаго врага и супостата, умири нашу жизнь, Господи, помилуй нас и мир Твой и спаси души наша, яко Благ и Человеколюбец. Лик: Аминь. И отпуст. Молитва на благословение новаго меда. Необыменный в милости и неизреченный во щедротах, Господи Иисусе Христе, дивен Сый во славе и творяй чудеса. Ты, действом Святаго Духа иногда Благословивый Израиля и его медом насытивый от камене, Сам и ныне призри свыше на создание Твое сие, и Благословением Твоим Небесным Благослови и освяти соты пчел и от них мед, и подаждь ему действенну благодать, паче всех совершенну, да всяк от него вкушающий, приемлющий и ядущий обрящет благополучное здравие, и пищею сею насытится, и исполнится всякаго блага. Яко Ты еси подаваяй всяческая благая и Тебе славу возсылаем со Безначальным Твоим Отцем и Пресвятым и Благим и Животворящим Твоим Духом, ныне, и присно, и во веки веков. Аминь. |
| Лик: Аминь. Таже: Мир всем. Лик: И духови твоему. Диакон: Главы ваша Господеви приклоните. Лик: Тебе, Господи. И всем приклоньшим главы, молится священник велегласно: Владыко многомилостиве, Господи Иисусе Христе, Боже наш, молитвами всепречистыя Владычицы нашея Богородицы и Приснодевы Марии, силою Честнаго и Животворящаго Креста, предстательствы честных Небесных Сил безплотных, честнаго, славнаго пророка, Предтечи и Крестителя Иоанна, святых славных и всехвальных Апостол, святых славных и добропобедных мучеников, преподобных и богоносных отец наших, иже во святых отец наших и вселенских великих учителей и святителей: Василия Великаго, Григория Богослова и Иоанна Златоустаго, иже во святых отца нашего Николая, архиепископа Мирликийскаго, чудотворца, святых равноапостольных Мефодия и Кирилла, учителей словенских, святых равноапостольных великаго князя Владимира и великия княгини Ольги, иже во святых отец наших всея России чудотворцев, Михаила, Петра, Алексия, Ионы, Макария, Филиппа, Иова, Ермогена, Филарета, Иннокентия и Тихона, святых, славных и добропобедных мучеников, преподобных и богоносных отец наших, святых и праведных богоотец Иоакима и Анны и святаго (имярек, егоже есть храм и егоже есть день), и всех святых Твоих, благоприятну сотвори молитву нашу, даруй нам оставление прегрешений наших, покрый нас кровом крилу Твоею, отжени от нас всякаго врага и супостата, умири нашу жизнь. Господи, помилуй нас и мip Твой, и спаси души наша, яко благ и человеколюбец. Таже начинаем стихиры стиховны, и поюще входим во храм. Слава, и ныне, Богородичен. Таже, Ныне отпущаеши: Трисвятое. По Отче наш: Возглашает священник: Яко Твое есть Царство, и сила, и слава, Отца, и Сына, и Святаго Духа, ныне и присно, и во веки веков. Аминь. И мы отпустительный тропарь: Богородице Дево: глаголем трижды. Предлагаются же на уготованном столе ради благословения пять хлебов, пшеница, и два сосуда на сие устроенныя: един исполнен вина от плода лознаго, другий же елеа. Диакон же кадит окрест стола, и иерея. Иерей же, взем един хлеб, знаменует им прочия хлебы и глаголет молитву сию велегласно: |
| Лик: Взбранной Воеводе победительная, яко избавльшеся от злых, благодарственная восписуем Ти, раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная. Священник: Слава Тебе, Христе Боже, Упование наше, слава Тебе. Лик: Слава Отцу и Сыну и Святому Духу, и ныне и присно и во веки веков. Аминь. Господа, помилуй. (Трижды). Благослови. Священник глаголет отпуст: Христос, Истинный Бог наш, молитвами Пречистыя Своея Матере, святых славных и всехвальных апостол, иже во святых отца нашего Николая, архиепископа Мирликийскаго, чудотворца, (святых храма и дне), святых праведных Богоотец Иоакима и Анны, и всех святых, помилует и спасет нас, яко Благ и Человеколюбец. Лик поет многолетие: Великаго Господина и отца нашего (имярек), Святейшаго Патриарха Московскаго и всея Руси, и Господина нашего Преосвященнейшаго (имя), епископа (или: архиепископа, или: митрополита) (титул его), братию святаго храма сего и вся православныя христианы, Господи, сохрани их на многая лета. Последование часов в четверг первыя седмицы Час третий Священник: Благословен Бог наш всегда, ныне и присно и во веки веков. Чтец: Аминь. Слава Тебе, Боже наш, слава Тебе. Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша. Святый Боже, Святый Крепкий, Святый Безсмертный, помилуй нас. (Трижды). Слава Отцу и Сыну и Святому Духу, и ныне и присно и во веки веков. Аминь. Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй. (Трижды). Слава Отцу и Сыну и Святому Духу, и ныне и присно и во веки веков. Аминь. Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. |
|
|
