| И многимъ и ума настотельствомъ съ же свыше, бртъ прочымъ невдма, и ниж быти же прочихъ сща правды сопротивными нмъ, благою, глаголю, виною, всхъ благихъ, и размомъ просвщеннымъ, имже бодрствющи дша тьм гонетъ себ, и изрднйшимъ ко уготовлющимъ, и возбждающимъ дш: въ добродтели блекшис, силою дха стаг, вскою молитвою и доблествен и мжественн побдиши иноплеменники, тр исполины, изрднйшю бга: сть истинна, пречиста, доброхвальна, аще ка добродтель, и аще ка похвала, всегда помышл, 65 себ гон: просвщеннымъ же и нбнымъ размомъ гбительное тьмы истребл: вседобродтельнымъ же и добрйшимъ безбожное содловающее въ дш всажденнымъ изгон. же не простымъ но силою и содйствомъ дха стаг со многимъ и молитвою стжавъ, так возможеши избавитис предреченныхъ крпкихъ исполинвъ лкаваг. Разма бо истиннаг, и памти словесъ и благаг дйственною въ дш составитис ндщимс, и прилжн хранщимс: и и слдъ въ ней потреблетс, и въ не сщее превращаетс, благодати прочее царствющей въ ней, хрт гд нашемъ, слава и держава во вки вквъ, аминь. Сменъ, Новый бгословъ Стый нашъ сменъ, по дарованнй бга благодати нареченный новый богословъ, б во врем порфророднаг, въ дестомъ по ржтв хртов. Оученикомъ же бывши смена, нарицаемаг благочестиваг, и нег подвигамъ бчившис, до высоты добродтели и вознесес, и толь богатн бжественны благодати сподобис, что возможно предати немъ коже бдчи паче вскаг иног пространнйше повстветъ. Всю бо, коже рещ, сил утшител дха въ себ и бывъ, показас источникъ, бжественнаг гостинница, таинъ неизреченныхъ сладчайшее биталище, и вкратц рещ, премдрости и бжественнаг разма жилище. Сею силою просвщаемь бдчи, многоразличныхъ мыслей и по и по словамъ писанны составилъ, число почт превышающы, и пользы нихже настощы избравше, въ сей книз положихомъ: многа бо и независтна ныхъ крываетс чтщымъ польза. Преподобнаг тца нашег смена, новаг бгослова главы и рнв. а. Вра хрта ради за заповдь умрети, и вровати, к смерть жизни виновна убожество, к богатство вмнти: хдость и к слав воистинн и свтлость: и внегда ничтоже имамы, вровати, к вс содержимъ. Паче же стжати неизслдное богатство разма хртова, и к на ил дымъ, на вс видима взирати. в. Вра во хрта не презрти, же въ сть сладстна, но и понест и претерпти вско грдщее съ печальми и скорбьм и бдами, дондеже восхощетъ и поститъ насъ бгъ: Терп бо, глаголетъ потерпхъ гда, и внтъ м 66 . |
| И они осмьнадесяте, на нихже паде столп Силоамский, и поби их, мните ли, яко грешнейши бяху паче всех человек, живущих во Иерусалиме? Ни, глаголю вам: но аще не покаетеся, такожде погибнете ( Лк.15:2–5 ). Зриши ли, яко, за еже не имети покаяния, осуждаемся? Покаяние же, якоже мню, ниже времевы, ниже делы киими определено есть: но заповедми Христовыми, соразмрне онем, соделовается. Заповеди же некия обдержителнши 67 суть, многи от единичных в себе обдержаще, и многи части злобы 68 единою отсецающе: якоже писано есть: „всякому просящему у тебе дай: и от взимающаго твоя не истязуй“ ( Лк.6:30 ); и, „хотящаго заяти от Тебе, не отврати“ ( Мф.5:42 ): сия убо единична суть. Обдержительно же над сими, еже, „продаждь имение твое, и даждь ннщим“ ( Мф.10:21 ): и, „взем крест твой, гряди в след мене“ ( Мк.10:21 ), Крест глаголя терпение находящих скорбей. Вся убо раздавый нищим, и вземый крест свой, вся заповеди предреченныя единою сотвори. И паки: „хощу, глаголет, да молитвы творят мужие на всяком месте, воздеюще преподобный руки,“ ( 1Тим. 2:8 ); и над сими: „вниди в клеть твою, и помолися Отцу твоему иже в тайне“ ( Мф.6:6 ); и паки: „непрестанно молитеся (Сол.5:17): вшедый же в клеть свою, и непрестанно моляйся, юже на всяком месте молитву отвсюду заключи 69 . И паки глаголет: „не соблуди, не прелюбы сотвори, не убий“ и елика такова; и над сими: „помышления низлагающе, и всяко возношение взимающееся на разум Божий“ ( 2Кор.10:5 ). Очищаяй же 70 помышления, вся предреченныя злобы прегради. Сего ради Боголюбивии и извествовернии, на обдержительныя заповеди нудятся, и частныя же, по случаю сретающыя, не препущают. Темже непщую, покаяния делу треми сими добродетельми 71 соделоватися: сим, еже помыслы очищати 72 , и непрестанно молитися, и находящыя скорби терпети: яже неточию явное, но и умное делание имети должна суть, яко укосневшыя безстрастны сотворити 73 . Понеже убо без, предреченных триех добродетелей не может 74 совершено быти дело покаяния, якоже слово указа: всемъ всегда приличествовати мню покаяние, грешником же и праведником, хотящым снасение получити: занеже ниедин есть предел совершенства, не требуяй делания предреченных добродетелей: ибо начинающим убо, благочестия ввождение: средним же предспеяние: совершенным же, утверждение теми прибывает, занеже тыя ни времены, ни 75 оправдании не пресецаются. |
| И аще и при слабом обаче при здравии обретаюсь и управляю Богу вразумляющу мя по преданию святых отец монастиръ общежителный нашъ елико сила моя есть, которий монастиръ, зовомый Драгомирну, пришедшим нам с пятидесятми братиями от святыя Афонския гори, виделен от благочестиваго господаря Молдовлахийскаго и преосвященнаго митрополита, яко в пристойном месте к обществу сущий, в совершенное владение с принадлежащими к тому монастырю добрами. Братия же наши, якоже пришедшии з святыя Афонския гори, такожде и зде к нам приобщившиися, коих всех нине являет число сто и пятьдесят быти, живут мирно, безмятежно, повинующеся заповедем Христовим, с коих болшая часть находится от россискаго рода, найпаче же от православноименития страни Запорожския. Яко сим во всех рукоделиях и послушаниях монастирских наполнято место, от сих иние уже пострижени в монашеский чинъ, иние же еще в искусе пребывают, искушающеся по преданию святых отец, аще могут понести монашество. Суть же от сих инии уже сподобленни по своему достоинству диаконскаго и священническаго чина, котории предстояще в церкве престолу Божию молят Господа прилежно о здравии и спасении всего Христолюбиваго войска Запорожскаго, яко ближайших своих благодетелей. Смущения же или перемены в монастыре нашем нияковой не было, и уповаем на милость Божию, что и не будет. Ибо всем общежительным нашим уставом и обрядом, каковии мы от святия Афонския гори принесши в выделенном нам монастыре по преданию святых отец уставили, якоже сам благочестивий господарь и преосвященний митрополит, такожде и все знаменитейшии духовнаго и мирскаго чина Молдовлахийския земли господие не только ни в чем не препятствуют, но и весьма радуются о сем и похваляют. И желают еже бы и во веки так утвердити, и знамения сего святия Афонския гори, идеже первее общежитие наше началося, еже бы женам ни под каким образом, ниже тем самем благороднейшим, в монастир наш не входити, не отревают, но и зело о том благоволят, спомоществуют в строениях монастирских в распространении келлий, зане умножающихся благодатию Христовою братии не вмещают келлии. |
| Среда же, еже на всяк день причащатися пищи и не насыщатися, умеренный сон и труд, и еже яся творити по известному 551 преданию святых отец, сиречь церкве и иноческаго устава. Рече бо некто от святых отец, ако краи 552 бесовстии суть. Аще же и нецыи от подвижников, надеждою к Богу и любовию укрепившеся, крайне пожительствоваша, но редце бысть сие: а не по заповеди, и правилу 553 , несть приято Отцами, яко погрешно и кроме советно, и вреда 554 множицею виновно бывшо подражати хотевшим. Истинный же по превосхождению 555 путь, добродетели верхоградие, и к Богу уподобление сей есть. Аще враги любиши, аще ненавидящия любителствуеши, аще злотворящим благодетельствуеши ( Мф.5:14 ), аще носиши 556 тяготы ( Гал.6:2 ), аще укоряемь и злословимь благословляеши ( 1Кор.4:12 ), аще же вся человеки, яко сам себе, паче же, паче самаго любиши, якоже и Христос возлюбил есть нас ( Еф.3:2 ); аще радуешися с радующимися, и плачеши с плачущими ( Рим.12:15 ), аще во всех всегда благодариши ( Еф.5:20 ), аще непрестанно молишися ( 1Фес.5:17 ); аще Бога оть всея души и от всего сердца любиши ( Мф.22:37 ) и Тому работаеши. Сия суть пачеестественная исправления; сии суть плоды Духа, имиже подобни Богу бываем. Прочая же вся, елика воздержанием и злостраданием ухищряем 557 пути суть, и корения, и орудия, и деяния, к сим ведуще и нанравляюще. Что бо пользует земледельца сеятва, и о земли и виногради; u древесех прилежание, аще не пшеницу, и грозд, и вино плодопринесет? Что же секира здателя, и рыбарей весла и ладия и тростие, аще не свое коемуждо приобретении тем даст 558 ? И аще сия сей имут образ, и на конец, сиречь на приобретение и на пользу, взирающе, делаем; ниже иноком отнюдь польза кая от труда ирвбывает, аще не к самому тому доброму и не за то текут 559 . И безмолвствуя убо, нмей делание в келлии твоей: чтение, молитву, и псалмопение, негли и рукоделие. Даждь поучение во ум: память смерти, память прежних грехов, новседневных согрешений, нерадения и преступления в молитве и псалмопениих и во прочих добродетелех, поминай языка твоего поползновения, ярости и похоти безсловесная движения, скитания мысли, привредныя 566 помыслы, крадения человекоугодия, хрепетания 567 тщеславия. |
| Вопрос. Вознегодовав же схоластик 247 о обличениих, рече: аще сия духовный ваш закон повелевает, Богу уставившу, якоже рекл еси, почто падают нецыи от инок, сей держаще закон? Ответ. Старец же рече: держащии его не падают, но оставлшии, и о изрядных его вознерадевшии: о молитве, глаголю, и смиренномудрии, от тщеславия и попечения житейского окрадени бывше. Темже и диавол вся житейская помышляти нам и творити не возбраняет, точию да от молитвы и смиренномудрия скитатися сотворит: весть бо, яко без двою сею бывающая, яко аще и добра суть, позде некогда он отъимет. Молитву же глаголем, не точию плотно совершаемую, но и мыслию неразвлеченною Богу приносимую. Аще бо едино от нею безвременно отторгается, то ниже другое наедине предстоит Богови, но своей воли. Вопроси схоластик. И имать ли волю плоть вне мысли? Ответ постника. Имать, якоже глаголет Апостол: яко бехом бо иногда и мы непокориви ( Тит. 3:3 ), творяще волю плоти ( Еф.2:3 ): и паки: плоть похотствует на духа, и дух иа плоть ( Гал. 5:17 ). Се убо имат и похоть, и волю, еже мнозии не ведят, невнимания ради о помыслех и сосложения. Темже не точию нерадящии о молитве, но и не внимающии о уме стужаеми суть. Сия же рехом, не яко инех осуждающе, но лишения своя исповедающе: зане оно убо гордости, сие же смиренномудрия есть знамение: и, гордым убо Господь противится, смиренным же дает благодать ( 1Петр.5:5 ), еюже не точно в разум, но и во имство 248 нас ведет священныя добродетели, сиречь неразвлекаемыя молитвы, о нейже никакоже нерадети нас хотя блаженный Павел, глаголет: непрестанно молитеся ( 1Сол.8:17 ): купно же и непарителность 249 ума являя, рече: не сообразуйтеся веку сему, но преобразуйтеся обновлением ума вашего, во еже искушати вам; что есть воля Божия благая и угодная и совершенная ( Рим.12:2 ). Понеже бо, по маловерию нашему и немощи, различны заповеди положил есть Бог, яко да по своему тщанию кийждо избежит муки, и получит спасение: сего ради Апостол наставляет ны на совершенную Божию волю, никакоже нас судимы быти хотя: ведый же, ко исправлению всех заповедей содействующу молитву, не престает многочастне и многообразне о сей заповедуя, и глаголя: молящеся на всяко время духом, и в сие истое бдяще во всяком терпении и молитве ( Еф.6:18 ). |
| Весь бо подвиг души есть, еже не разлучати ума от Бога, ни сочетоватися и согласоватися с нечистыми помыслы, ниже внимати тем, яже образопишет в сердце всеподражательный и ветхий живописец диавол: овогда бо образы, овогда же виды и шары и лица по сих всех диавол изображает. И страстный человек, на едином месте стоя, непщует инде где быти прельщаяся, и мнится зрети некиих, и к лицам беседовати, и разпределяти вещи, яже прелести суть диавольския. Подобает убо утверждати и управляти ум и обуздовати его, и всяк помысл и всяко лукаваго действо мучити призыванием имене Господа нашего Иисуса Христа: и идеже тело стоит, тамо и ум да будет, да посреде Бога и сердца ничтоже ино обретается, яко средостение или ограда, пресеняюще сердце и разлучающе от Бога. Аще ли же когда и восхищается кто умом, то не подобает в помыслех коснети; да не сосложение помыслов в деяние ему вменится пред Господем в день суда, егда судити имат Бог тайная человеком. Упразднитеся убо выну, и пребудите при Господе нашем, дондеже ущедрит нас: и ничесогоже иного взыщите, разве точию милости от Господа славы. Ищуще же милости, со смиренным и умиленным сердцем ищите, и вопите от утра до вечера, аще мощно есть, и всю нощь сие: Господи Иисусе Христе, Сыне Божий, помилуй нас. И понудите ум ваш в сие дело даже до смерти. Многа бо понуждения требует дело сие, зане узка суть врата, и тесный путь вводяй в живот, и нудящиися входят в он: нудящихся бо есть царствие небесное. Молю убо вас, не отлучайте сердец ваших от Бога, но приседите и храните я с памятию Господа нашего Иисуса Христа всегда, дондеже всадится имя Господне внутрь в сердце: и ничтоже ино помышляйте, точию да возвеличится Христос в вас. Молю убо вас, правилу молитвы сея никогдаже престати сотворите, но аще ясте, аще пиете, аще путешествуете, аще ино что творите, непрестанно зовите: Господи Иисусе Христе, Сыне Божий, помилуй нас: да память сия имене Господа нашего Иисуса Христа раздражит на брань противу врагов. Вся бо памятию сею имат обрести нудящаяся душа, или блага, или лукава. |
| Таковое же не в реченных точию изъявляется словесех, но и в прочиих, и не точию в единем сем мужи, но мало и не во всех, имже постническия законы и страсти и завещания, делы вмещающаяся, извещавати бысть тщание, образ таковыя неясности негде спроисходит: познание бо, еже от самех дел, не зело приемлет изъяснения яже чрез глаголы. Но тако убо о сем. Четвертое же слово во образ вопроса и ответа воображенно, являет, яко спасительное крещение свободу и очищение от грехов таинственне дарова нам, и благодать пресвятаго всели Духа, и такова ина. Пятое же воображает ума к души своей аки совет возвещающа, имже не инех виновных согрешений, но самех нас явственно глаголет. Но и шестое в беседу воображается, схоластика вводящо некоего к Марку самому беседующа, ихже главы суть: яко подобает обидимому не отмщевати, ниже осуждати обидящих, но своих грехов истязания непщевати яже от инех наносимая нам стужения: и яко люта вещь есть человекоугодие: и яко подобает паче всякаго телеснаго дела многою посредностию 30 молитву предучиняти, и что есть воля плоти. Седмое же (не во глаголы отвещавающыя воображаемо) о посте объемлет. Осьмое же к Николаю некоему иноку писано, киими усыпаема бывает паче ярость и гнев, или и совершение упраздняется, научает: и киими похоть плотская. Сия убо, аще и по большему и меньшему едина от друтих различествуют, обаче к деятельному руководят любомудрию осмь сия словеса. Девятое же на Мелхиседекиты подвизающося, ничимже мнее рождшаго е ереси повинна не мерншия обличает 31 . Обаче желающему отвсюду обретати пользу, не безполезно ему ниже от сего чтение оно будет. Чин же реченных словес не вси подлинники тойжде хранят, но ови убо предполагают, ини же подполагают, яко неким и последнее первым определяти место. Преподобнаго и Богоноснаго Отца нашего Марка Слово первое Господь наш Иисус Христос , Божия Сила и Божия Премудрость, Боголепно, якоже весть Сам, о всех промышляя спасении, различными велении 33 закон свободы положив, едино намерение, подобающее всем, определи, глаголя: Покайтеся ( Мф.4:17 ). |
| 9 . Во многих убо инаковость и несходство и разнствие: обрестися же вне сих в Бозе, истинно едином и единственном, есть возвергнути себе превыше многих 323 к созерцаниям яже о Бозе. И сие являет Моисей, иже вне полка потче скинию ( Исх.33:7, 11–23 ) уча, и посем беседоваше с Богош. He безбедно бо есть, словом произносимым покушатися изрещи Неизреченнаго, понежс произносимое слово есть двойство и более. А еже без гласа единою душею зрети сущее, крепчае есть, понеже (тогда) стоит она в нераздельней единице, а не во многих. Архиерей бо, емуже едва повелено бе единою в лето входити во Святая святых ( Евр.9:7 ) внутрь завесы, научает, яко единому точию прошедшему двор в Святое, и внутрь Святая святых бывшему, сиссть все естество чувственных и мысленных минувшему, и от всякаго свойства, временному бытию сообразнаго, чисту бывшему, подобает непокровенным и нагим умом приступати к видениям яже о Бозе. 10 . Великии Моисей, вне полка поставивый свою скинию, сиесть мысль и ум водрузивый вне видимых, покланятися Богу ( Исх.34:8 ) начинает, и вшед во мрак ( Исх.20:21 ), – в невидимое и невещественное ведения место, – ту пребывает посвящаем в священнейшия тайны. 11 . Иже во внешней жизни и поведении исполняяй закон, от единых точию последствий злонравия празден есть, закалая в жертву Богу неразумное страстей деиство, и сим образом таковый довольствуется для спасения, ради своего духовнаго младенчества. 12 . Иже евангельскую жизнь истинне целуяй 324 , и начало и конец своего злонравия изсече, и всякую добродетель делом и словом проходит, принося жертву хваления и исповедания, всякаго действеннаго страстей стужения отчужден, и от борения с оным во уме свободен сый, и точию в надежде будущих благ имеяй питающую душу, ненасытную сладость. 13 . Страх геенны, поощряет вводимых 325 убегати злонравия; желание же воздаяния благ, дарует преуспевающим усердие к содеянию благих: а таинство любве, воземлет ум превыше всех сотворенных, соделовая его слепым ко всяческим, яже после Бога суть. Единех бо соделавшихся слепцами ко всяческим, яже после Бога суть, Господь умудряет ( Псал.145:8 ), показуя им божественнейшая. |
| Кто бо, глаголет? разуме ум Господень, или кто советник Ему бысть ( Рим.11:34 )? Сам же глаголет: коль краты восхотех собрати чада твоя, и не восхотесте. ( Мф.23:37 ). Прочее от сего веровати должни есмы, яко Той ны собирает, нашея же токмо приищет воли: кое же есть явление воли, аще не труд волен? Якоже бо железо распиляющо, посекающо, земледелствующо, насаждающо, то убо нагнетаемо повинуется, обаче ин есть движай и отводяй, и, внегда сотрено будет, разжигаяй и обновляяй: тако и человек, аще и утесняется и трудится, делая благое, обаче Господь отай в нем делает, и, внегда утрудитися тому и сокрушитися сердцем, утешает и обновляет его: якоже и Пророк глаголет: еда прославится секира без секущаго? или вознесется пила без влекущаго ( Ис.10:15 )? Тако же есть и о злобе: егда человек послушен бывает и готов, тогда сатана женет и поощряет того, якоже разбойник меч. Железу же приуподобихом сердце за нечувствие вещей и многу жестокость: не подобаше же нам, яко нечувственну железу, не ведети державствующаго (понежс скоро от возделателя Слова в лукаваго помысл препадаем): но пачс, якоже вол и осел, ведети гонящаго и наставляющаго в разуме: глаголет бо: позна вол стяжавшаго и, и осел ясли господина своего: Израиль же Мене не позна ( Ис.1:3 ) Помолимся убо прияти познание Бога, и духовным наказатися законом в послужение заповедей Его, Аминь. Тогожде, о пощении и смирении. Слово седьмое Подобает постничествующым, начинающым и совершати: юным же и старцем, здраво имущым тело, ни труда ни озлобления боящымся, всяцем усердием полезншее и утвержденнейшее непрестанно любити пощение: мерою хлеб ясти, такожде и воду пити, от времене до времене: толико же, елико алчущым и жаждущым отходити от вечери, и нуждней ко Богу службе невозбраняемой быти от сласти. Аще бо восхощем ядуще насытитися; то скоро унывше, на иное преложимся желание, и аще тем приемше насытимся, и сие яко первое отвергше, на ино преложимся желание отраднейшее: и аще то приемше насытимся, и сие, яко прочая, отвергше, оставим: и не возможно есть нам, аще умыслим себе желание, паче неже пощение, ко утешению, пребыти самым насыщаемем. |
| О священстве 13 . Священства сподоблся Божественнаго и говийнаго 380 , самаго себе первее должен еси имети пожренна 381 умертвием страстей и сластей: и тако смети прикасатися животней 382 и страшней жертве: аще не хощеши, яко вещество удобосгараемо, божественым сожжен быти огнем. Аще бо Серафим без клещей не сме божественному прикоснутися углю; како ты коснешися без безстрастия, имже и язык имети будеши оскящен, и устне очищенне, и душу чисту с телом , и саме те руце, всякаю злата светлше, яко служительне 383 пресущественнаго огня и жертвы. 14 . Разумей крипце глаголемых силу, яко на оно на всяк день взираеша спасение, еже единою видев Симеон старец, ужасеся, и о отпущении моляшеся ( Лк.2:30 ). И аще весть не приял еси от Святаго Духа приятен быти ходатай 384 Богу и человеком, яко равноангелен: да не смееши 385 дерзостне на страшное и пречистое божественных священносовершение, его же и Ангели ужасаются, и мнози от Святых, яко от нетленна, всеблагоговейно опряташася 386 , да не како, яко Оза он, мнением благаго потребишися. 15 . Внемли себе, по рекшему ( 1Тим.4:10 ). Аще что тебе прежде, или ныне, внутрь бывает негли сквернавое от немощи, божественным да изнуряется огнем, о своих первее гресех выну приносящу 387 . Тако бо, яко избран и благопотребен сосуд и чист, и таковмя Жертвы достоин, возмогл бы еси во сребра естество, или и злата (1Kop.3:12) преложитися, аще нецыи и скудельни и древяни были быша 388 , аще точию имети будеши Божество прикланяемое 389 . Иде же бо Бог в послушание 390 готов, ниедино преиятие от сего в сие преложению. 16 . Зри же, еликия сподобился еси равноангельныя чести, и тщися пребывати неповинен 391 во стеиени, в оньже позван быль еси, добродетелью всякою и чистотою. Падшаго бо денницу веси, от какова яков бысть за возношение. Еже да неоостраждеши и ты , великими о себе самом мечтаяся: но имей себе землю, и пепел ( Быт.18:27 ), и помои 392 , и пса некоег0, и плачи выну, яко всяко сподобляешися в приобщение Божественно и сродство 393 празываем быти прикосновением святых Таин страшнаго священносовершения, человеколюбием Божиим неизреченным и неизглаголанною благостию. |
|
|
