Икона Божией Матери Корсунская, Россия, город Санкт-Петербург, ...

 001   002   003   004
В начало текстаВ конец текста
акафист Кондак 1 Возбранная от рождества Своего Дево и по тихом успении Своем в небесная вознесенная преславно, служительнице избавления мира смиреннейшая, в сердце своем о людех печаль имеющая, близкая другиня и утешительнице всех обидимых, труждающихся и обремененным опоро нерушимая, — Тебе ныне хвалебная пения по силе приносим, понеже явила еси от образа Своего милости предивныя людям изборским, да взываем Тебе немолчно: Радуйся, Богомати, в напастех помощнице скорая. Икос 1 Ангельстии собори, воплощения тайне чудящеся и Вседержителю о Ней немолчные хвалы всегда приносяще, величания приносят и Деве избранней, Богоматери Пречистей, из Нея же на спасение всем Бог воплотися; сего ради, небожителем подражая, да подвижется всяк земнородный и, исполнь духа радования, да почитает он светло священное торжество Девы и Матере, взывая Ей тако: Радуйся, жизни нестареющей весно благоуханная. Радуйся, луча вознесенного цвет краснейший. Радуйся, яко от Тебе всего мира обновление изыде. Радуйся, грехи и скверны всего мира омывающая. Радуйся, таинственного дне жизни блаженной заря пресветлая. Радуйся, всем, совершающим путь спасения, невидимая сопутнице. Радуйся, душ чистых ниво небесная. Радуйся, пажитей духовных росо плодоносная. Радуйся, Тебе бо земля дарствует цвети предивнии. Радуйся, Тебе бо днесь тщимся приносите песни избранные. Радуйся, благодать молитвы, яко дыхание тонкое, в душах возгревающая. Радуйся, Светоче моления нашего тихий. Радуйся, Богомати, в напастех помощнице скорая. Кондак 2 Безгласен бысть некогда иерей Захария, егда усумнеся глаголанному от ангела, яко, стар сый, пророка великого отец будет, и нем бе, дондеже сбыстся реченное ангелом. Такожде и мы, безмолвнии бывши зрением чудесного знамения от образа Пречистыя Богоматере, ныне дерзновенно отверзаем уста своя творящему нам милости великия, вопия ему: Аллилуия. Икос 2 Весть приемше людие Изборстии, яко убийством и пожаром идяху, иноплеменнии и уже пожгоша посад Печерстий, страхом одержими быша. Ищущим же им спасения у дома святителя Николая, с вышних призре на обуреваемых напастьми Пречистая и от образа Своего, еже бысть у взрвы Евдокии, яви знамение сострадания горю людскому, излия слезы. Тогда, радости исполнени, люди изборстии умиленно взываху Богородице: Радуйся, внезапу милость людем Твоим от образа Твоего явльшая. Радуйся, горестей нашим слезы своими для всех зримо сострадавша. Радуйся, Твоя бо любовь на нас, аки дождь, ниспадает. Радуйся, яко Ты подъемлеши на Себе ярем спасения нашего. Радуйся, всему миру врачевство духовное. Радуйся, всякому делу благому пособнице усердная. Радуйся, изымающая от сетей корысти и буесловия. Радуйся, довольство житием тихим в душах укрепляющая. Радуйся, державная заступнице всего мира христианского. Радуйся, град наш соблюдающая от обдержания вражия. Радуйся, Бомомати, в напастех помощнице скорая. Кондак 3 Гавриил Благовестник странные глаголы рече Деве Марии, яко смутитися Ей зело, понеже благовести Ей рождение Сына без мужа. Покорна же бе воле Божией избранная раба Господня, смирение великое показа, вдах Себе всю в руце Божий, да научит и нас, приосененных Богоматерним заступлением, возглашати неустанно Вышнему, пути наши дивно устроящему: Аллилуия. Икос 3 Достоит мужем наипаче охрану домов и весей имети, зане силою и крепостию обладают. Сего ради и возсташа, якоже един, вси мужие изборстии, внегда услышаху бряцание бранем и шествие лютого врага, разоряющего домы, — и егда помышляху, како врагу противостати и ограждение веси своея сотворити, внезапу Жена великая прииде и знамение от образа своего яви, да покрову Богоматере радующеся, вознесут ей вси мужие величания таковая: Радуйся, опоро людей Твоих нерушимая. Радуйся, всем ослабевающим укрепление твердое. Радуйся, моря житейского кормчий верный. Радуйся, всем обуреваемым отишия пристань. Радуйся, бурю страстей греховных умиряющая. Радуйся, от деяний бесчестных и злых удерживающая. Радуйся, на земле в поте трудящимся бодрение и сило. Радуйся, делателю нелицемерному отдохновение и отрадо. Радуйся, грубость сердец людских умягчающая. Радуйся, подъемлющая их от земли на небо. Радуйся, забвение несущая дел суетных и ложных. Радуйся, силы подающая к отвращению от путей лукавствия. Радуйся, Бомомати, в напастех помощнице скорая. Кондак 4 Еще в земнем житии Своем, смирением великим богатея, преисполнена бысть труда и забот обрученная старцу Дева-Мати, о доме и о Сыне Своем возлюбленнем попечение всегда имея. И по днесь, егда крестною смертию увенча мир деяния Искупителя не забывает Богомати, уже в славе небесней пребывая, грешного мира людей сирых и обремененных, не преставая о них перед Сыном моления творити да вопиют спасаемые Богу: Аллилуия. Икос 4 Жизнь дарствуя людем и радостную ю творяще, в земнем служении Своем некогда призван бысть Иисус со ученики Своими на брак в Кану Галилейскую, да благословит людей простых и бедных.

 001   002   003   004
В начало текстаВ конец текста

Просим Вас оказать помощь в прохождении лечения и реабилитации ребенку-инвалиду с детства.


       Девочка родилась в срок, головку не держала, есть сама не могла. Не поползла, не села, не пошла, не говорит. Отставание в развитии колоссальное. Требуется систематическая реабилитация у разных врачей (эпилептолог, ортопед, невролог, дефектолог, логопед, ЛФК и др). Кроме того, необходимы средства на комплексные реабилитации, которые стоят весьма не дёшево.

Целенаправленно помочь ребёнку можно здесь

Вам может быть интересно:

благовестие иоакиму благовестие анне мозаика успения пресв богородицы мон-ря дафни 1100 | аллилуия службе сщмч лаврентию интроит gaudeamus omnes мессе вознесение францисканский градуал trento castello del buonconsiglio bibl feininger | сугубая аллилуия | благовестие анне аворий | аллилуия припев антифонам служб типикону великой церкви хлудовская псалтирь гим хлуд 29д |

Предыдущий текст

Источник текста


Постоянная ссылка: Икона Божией Матери Корсунская, Россия, город Санкт-Петербург, Русский музей - Иконы - Рублев. Ищите и обрящете
Поддержи нас
ПОИСКОВ.РФДля Вебмастера