Тропари соборам святых + Православный Церковный календарь

 001   002   003
В начало текстаВ конец текста
Первый Вселенский Собор Препрославен еси, Христе Боже наш, светила на земли отцы наша основавый и теми ко истенней вере вся ны наставивый, Многоблагоутробне, слава Тебе Тропарь. Собору Вологодских святых.

Празднество в Вологде всем преподобным отцам Вологодским Яко светильницы всесветлии, явистеся в пределех града Вологды, преподобнии отцы наши, Вологодстии чудотворцы: вы бо, крест Христов от юности своея на рамена вземше, усердно Тому последовали есте, чистотою Богови при ближившеся, от Негоже и чудес даров нием обогатистеся; темже и мы, с верою к вам притекающе, умильно глаголем: отцы преподобнии, молите Христа Бога спастися душам нашим. Величание. .

Седьмой Вселенский Собор Препрославлен еси, Христе Боже наш, светила на земли отцы наша основавый и теми ко истинней вере вся ны наставивый. Многоблагоутробне, слава Тебе.

Собор Белорусских святых Почти Господь Белорусский край святыми, Ему благоугодившими: святители, мученики, преподобными и праведными, верно Господеви послужившими и мзду трудов приявшими. К тем же ныне и мы вопием: о нас молитеся ко Господу, да в вере и делех плод добр принесём Величание. .

Собор Белорусских святых Величаем вас, святии Белорусския земли, и чтим святую память вашу, вы бо молите о нас Христа Бога нашего.

Собор Владимирских святых Днесь светло красуется Пресвятыя Богородицы избранный град и с ним вси концы земли Владимирския торжествуют, память совершающе богопрославленнаго великаго лика святых, в подвизех Православныя веры издревле во уделе сем Богу угодивших, и к ним с любовию вопиют: о, предивнии Христу Богу молитвенницы, венцы пресветлыми от Него увенчанныя, мир и благоденствие отечеству вашему испросите и душам нашим велию милость.

Собор Волынских святых Приспе день светлаго торжества, людии Волынстии радуются, и с ними вся Российская Церковь ликовствует во псалмех и пениих, и песнех духовных днесь бо, яко же солнце незаходимое, всем возсия память святых и Богомужных угодников и чудотворцев Волынских святителя Стефана чуднаго, иерархом Волынским первопрестольника, и святаго благовернаго Ярополка, блаженнаго страдальца Богомужнаго, и с ними Амфилохия святителя Волынскаго, и победоноснаго Феодора, Острожскаго князя Богодарованнаго, и преподобнаго Иова Почаевскаго присноблаженнаго, ихже молитвами, Господи, землю отеческую нашу в Православии и мире утверди, и спаси всех имуще купно о нас Молитвенницу усердную, Пресвятую Матерь Свою Богородицу, благодатне сияющую в цельбоносней стопе Своей и чудотворней иконе на горе Почаевстей и заступленьми прочих угодников Волынския паствы, Иулиании, блаженныя девы Ольшанския, и святаго преподобномученика Макария, архимандрита Овручскаго.

Собор всех преподобных и богоносных отцев во Святой Горе Афонской просиявших Пустыни Афонския отцы, Ангелы во плоти, исповедники вкупе и преподобныя, святители же и мученики в пениих почтим, подражающе добродетелем их, зовуще согласно и глаголюще: слава Прославльшему вы, слава Венчавшему вы, слава в бедах предстатели нам вы Показавшему. Величание. .

Егда снидосте во гробы и самех себе заключисте, тогда, страсти умертвивше плотския, спогребостеся Христу, Богоноснии, и диавольския в подземных разрушисте ограды, сего ради Ангели венцы с Небес вам подают.

Якоже плод красный Твоего спасительнаго сеяния, земля Российская приносит Ти, Господи, и вся святыя в той просиявшия. Тех молитвами в мире глубоце церковь и страну нашу Богородицею соблюди, Многомилостиве. Величание. .

Ублажаем вас, чудотворцы наши славнии, землю Русскую добродетельми вашими озарившии и образ спасения нам светоявленно показавшии.

Собор Костромских святых Днесь град Кострома вельми вами хвалится: в пределах бо земли Костромския, яко звезды светозарныя, возсиявше, чудесы своими вся озарили есте и ныне молитеся ко Господу, отцы преблаженнии, Геннадие, Паисие, Авраамие, Иакове, Макарие и Пахомие, со инеми многими нашего края Небесными покровителями за град Кострому и всяк град, и страну, и люди, верою и любовию вас почитающия, и о спасении душ наших. Величание. .

Собор Костромских святых Ублажаем вас, преподобне отче наш Геннадие и всех святых отцев собор, Костромскаго края покровителей, вы бо молите за нас Христа Бога нашего.

Собор Новгородских святых Яко всесветлии светильницы, явистеся во стране сей, святителие Новгородстии, преподобнии, и Христа ради юродивии, и вси праведнии, постом насаждении воздержанием напаяеми, сего ради и сподобистеся быти приятелище Божия Духа и чудеса действовати, молите Христа Бога за вся люди, спастися душам нашим.

Собор новомучеников и исповедников Российских Днесь радостно ликует Церковь Русская, яко мати чада, прославляющи новомученики и исповедники своя: святители и иереи, царственныя страстотерпцы, благоверныя князи и княгини, преподобныя мужи и жены и вся православныя христианы, во дни гонения безбожнаго жизнь свою за веру во Христа положившия и кровьми Истину соблюдшия. Тех предстательством, Долготерпеливе Господи, страну нашу в Православии сохрани до скончания века.
 001   002   003
В начало текстаВ конец текста

Просим Вас оказать помощь в прохождении лечения и реабилитации ребенку-инвалиду с детства.


       Девочка родилась в срок, головку не держала, есть сама не могла. Не поползла, не села, не пошла, не говорит. Отставание в развитии колоссальное. Требуется систематическая реабилитация у разных врачей (эпилептолог, ортопед, невролог, дефектолог, логопед, ЛФК и др). Кроме того, необходимы средства на комплексные реабилитации, которые стоят весьма не дёшево.

Целенаправленно помочь ребёнку можно здесь

Вам может быть интересно:

ноября кафедральном соборном храме христа спасителя москве святейший патриарх кирилл вместе предстоятелями представителями поместных православных церквей архиереями духовенством русской православной церкви совершил божественную литургию этот день его | память святых отцев шести вселенских соборов праздничное богослужение александро-невском соборе кирова | память всех преподобных отцев подвиге просиявших богослужение александро-невском соборе кирова | благословение издание служебника подписанное киевским митр иовом борецким смоленским черниговским архиеп исаией копинским луцким острожским исаакием борисковичем холмским белзским паисием ипполитовичем служебник киев 1629 ргб | всемилостивый спас припадающими преподобными димитрием игнатием прилуцкими хоругвь 40-е xvii вгиахмз |

Источник текста


Постоянная ссылка: Тропари соборам святых + Православный Церковный календарь
Поддержи нас
ПОИСКОВ.РФДля Вебмастера