Канон святителю Иоанну Златоусту — Акафистник

 001   002   003   004   005   006
В начало текстаВ конец текста
Для корректного отображения содержимого страницы необходимо включить JavaScript или воспользоваться браузером с поддержкой JavaScript. Память: 09 февраля (27 января ст. ст.) ; 27 сентября (14 сентября ст. ст.) ; 26 ноября (13 ноября ст. ст.) Глас 8. Гражданский Церковнославянский Житие Иконы Пе́снь 1. Ирмо́с: Колесницегони́теля фарао́на погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца, спасе́, пе́снь Бо́гови воспева́юща.

Покая́ния бы́в тепле́йший пропове́дник, Златоу́сте, пока́ятися мне́, о́тче, Бо́гу моли́ся от всего́ се́рдца моего́ и дре́вних прегреше́ний исцели́ти я́звы твои́м страда́тельством умоли́.

Всю́ зарю́ Свята́го Ду́ха, о́тче, прии́м, всесве́тел яви́лся еси́ сто́лп, предводи́телен Це́ркве, преподо́бне, све́тел же о́блак, всеблаже́нне, осеня́ющ правосла́вных собо́ры.

От Христа́ рукоположе́н учи́тель, Боже́ственная уче́ния златови́дным язы́ком, мы́слию же Богому́дрою бога́тно ты́ источи́л еси́: Бо́жия бо река́, во́д испо́лнен Ду́ха, яви́лся еси́, Богоявле́нне Златоу́сте. Богоро́дичен: Преукра́шена разли́чием благода́ти, Богора́дованная, О́тчее Сло́во, пло́ть бы́вшее за благоутро́бие мно́гое па́че ума́ и словесе́, Благослове́нная, родила́ еси́, пребы́вши Де́ва нескве́рная. Пе́снь 3. Ирмо́с: Утвержде́й в нача́ле Небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т, па́че Тебе́, Еди́не Человеколю́бче.

Умо́м Ты́ Христо́вым обога́щся, твои́м чи́стым житие́м челове́ком спасе́ния бы́л еси́ споспе́шник и повествова́тель, де́йствитель, Златоу́сте, учи́тельства точа́ спаси́тельная, Богодохнове́нне.

От невеще́ственных сокро́вищ Ду́ха ты́ обогати́вся, от исто́чников спасе́ния поче́рпл еси́ приснотеку́щий исто́чник уче́ний и напои́л еси́ все́ Це́ркве, преподо́бне о́тче, лице́.

Олядене́вшия душе́вныя, Златоу́сте, ни́вы, прему́дрым земледе́ланием слове́с изчи́стил еси́, му́дре, и плодоно́сны показа́л еси́, Небе́сными ту́чами сия́ напая́я, Богоприя́тне. Богоро́дичен: Поро́ка в Тебе́ и скве́рны не́сть отню́д, Де́во, оби́тель же па́че яви́лася еси́ Небе́сных бла́гостей, в Тебе́ бо всели́ся доброде́телей вся́ святы́ня, Всенепоро́чная. Седа́лен. Неизрече́нныя му́дрости Богови́дно поче́рпл еси́ бога́тство ра́зума, все́м сокро́вищствовал еси́ Правосла́вия во́ды, ве́рных у́бо сердца́ Боже́ственне веселя́щия, неве́рных же мне́ния досто́йно погружа́ющия: те́м отобою́ду благоче́стия по́тами показа́лся еси́ непобе́дный Тро́ицы побо́рник, Иоа́нне Златоу́сте. Моли́ Христа́ Бо́га грехо́в оставле́ние дарова́ти пра́зднующим любо́вию святу́ю па́мять твою́. Пе́снь 4. Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти́: си́ле Твое́й сла́ва, Человеколю́бче.

Ина́го на́м апо́столов единонра́внаго, и́же промышле́нием все́х промышля́я, я́ко Бла́г, даде́ Христо́с тя́, Небе́снаго тайново́дства пропове́дника и Боже́ственнаго сказа́теля та́ин Го́рних, Иоа́нне всеблаже́нне Златоу́сте.

Златоза́рнаго и златослове́снаго, почти́м Златоу́стаго Иоа́нна, вся́ позлати́вшаго златови́дными сия́нии уче́ния и ми́р язы́ком просвети́вша, зла́та светле́йшим и све́та полне́йшим, источа́ющим благода́ть Боже́ственную.

Ве́сь бы́л еси́ Бо́жие жили́ще, ве́сь яви́лся еси́ орга́н Ду́ха, возглаша́ющ вся́кия доброде́тели Богодохнове́нную пе́снь, и спасе́ния вину́, и добро́ту явля́я Небе́снаго Ца́рствия, Иоа́нне всеблаже́нне Златоу́сте.

Ты́ Бо́жие благоутро́бие пропове́дал еси́, покая́ния о́бразы излага́я, и злы́х отбежа́ния изя́щнейше поуча́я, преблаже́нне и всесоверше́ннейше, и о де́лех изря́дных поуче́ния источа́я, всече́стне о́тче Златоу́сте. Богоро́дичен: По Бо́зе предста́тельницу Тя́ стяжа́хом, Ты́ бо Бо́жия Ма́ти была́ еси́ Творца́ и Соде́теля, и на́ш зра́к прие́мшаго, Всенепоро́чная, и се́й спа́сшаго от тли́ и сме́рти и сла́вою Боже́ственною просла́вившаго. Пе́снь 5. Ирмо́с: Вску́ю мя́ отри́нул еси́ от лица́ Твоего́, Све́те Незаходи́мый, и покры́ла мя́ е́сть чужда́я тьма́, окая́ннаго; но обрати́ мя́ и к све́ту за́поведей Твои́х пути́ моя́ напра́ви, молю́ся.

Церко́внаго свети́льника вси́ тя́ ве́мы светови́днейшаго и душа́м спаси́тельнаго, восхища́ющаго сия́ из горта́ни смертоно́сныя и к жи́зни путеводя́ща ве́чней, о́тче приснопева́емый.

Разруша́еши ополче́ния ерети́чествующих, треблаже́нне, огради́вся благоче́стия ору́жии и му́жеством души́, свяще́ннейше, собира́еши же, ра́дуяся пресве́тло, правосла́вных ли́ки сою́зом Ду́ха.

Испо́лнены, я́коже фиа́лы, Боже́ственных арома́т лани́ты твоя́ и вселе́нную у́мными благово́нии веселя́т мирова́рным тайново́дством разуме́ний и добро́тою слове́с твои́х, всему́дре. Богоро́дичен: Я́ко Бо́га заче́нши, Соде́теля же, и Зижди́теля, и Го́спода, ро́ди Тя́ вси́ челове́честии, Чи́стая, ублажа́ют, и Безтеле́сных разу́мная чинонача́лия я́ко Ма́терь Бо́жию Тя́ сла́вят. Пе́снь 6. Ирмо́с: Очи́сти мя́ Спа́се, мно́га бо беззако́ния моя́, и из глубины́ зо́л возведи́, молю́ся: к Тебе́ бо возопи́х, и услы́ши мя́, Бо́же спасе́ния моего́.

Му́дростию духо́вною ми́р ве́сь обогати́л еси́, словесе́ раздава́тель бы́в бога́тый: бога́та бо свы́ше, иера́рше, благода́ть излия́ся твои́м устна́м.

Во всю́, я́ко мо́лния, зе́млю изы́де веща́ние твое́, и си́ла же твои́х глаго́л, Златоу́сте, я́ко труба́ велегла́сная, вселе́нныя вся́ огласи́ концы́.

Свы́ше во истка́нную ри́зу оде́явся, всеблаже́нне, доброде́телей и слове́с красото́ю обложи́вся, и́стины яви́лся еси́ сла́вное утвержде́ние.
 001   002   003   004   005   006
В начало текстаВ конец текста

Просим Вас оказать помощь в прохождении лечения и реабилитации ребенку-инвалиду с детства.


       Девочка родилась в срок, головку не держала, есть сама не могла. Не поползла, не села, не пошла, не говорит. Отставание в развитии колоссальное. Требуется систематическая реабилитация у разных врачей (эпилептолог, ортопед, невролог, дефектолог, логопед, ЛФК и др). Кроме того, необходимы средства на комплексные реабилитации, которые стоят весьма не дёшево.

Целенаправленно помочь ребёнку можно здесь

Вам может быть интересно:

таблица слоговые лигатуры примечание лабиализованные 3-го 6-го порядков отличаются друг друга уровнем написания дополнительного значка 6-м по-рядке должен быть выше практике этот уровень обычно одинаков отличить букву 6-го порядка 3-го можно лишь для | 29.07.2008 киев православные верующие которых пустили патриаршее богослужение владимирской горке намерены подать суд виктора ющенко | праздник рождества пресвятой богородицы святейший патриарх кирилл совершил богослужение площади победы города южно-сахалинска | вел кнг елена васильевна приказывает арестовать дмитровского юрия иоанновича миниатюра лицевого летописного свода 70-е xvi гим син 149 | обретение кириллом ростовским тела юрия миниатюра лицевого летописного свода 70-е xvi рнб f.iv.225 333 |

Источник текста


Постоянная ссылка: Канон святителю Иоанну Златоусту — Акафистник
Поддержи нас
ПОИСКОВ.РФДля Вебмастера