> Дело дня: Помогите ребёнку <

Пѣ́снь а҃. І҆рмо́съ: Пои́мъ гдⷭ҇еви пѣ́снь но́вꙋю, непроходи́мое бо ...

 001   002
В начало текстаВ конец текста
Пѣ́снь а҃. І҆рмо́съ: Пои́мъ гдⷭ҇еви пѣ́снь но́вꙋю, непроходи́мое бо ѡ҆землени́въ чермно́е, пѣшеше́ствовати сотворѝ сынѡ́мъ і҆и҃лєвымъ, и҆ сопроти̑вныѧ врагѝ покры̀ мо́ре.

Просвѣти́ ми ᲂу҆́мъ и҆ ѡ҆зарѝ моѧ̑ чꙋ̑вства, согрѣше́нїй мра́къ дꙋшѝ моеѧ̀ ѿгна́въ, хрⷭ҇тѐ бж҃е, да чи́стою со́вѣстїю возмогꙋ̀ пѣ́снь соста́вити и҆ возвели́чити твоегѡ̀ ᲂу҆го́дника, првⷣнагѡ во́ина ѳео́дѡра.

А҆рхїстрати́же непобѣди́мый рѡссі́йскїѧ землѝ, ꙗ҆́коже второ́е со́лнце, дѣѧ́ньми сїѧ́ѧ, всѣ́хъ на́съ помина́й, соверша́ющихъ па́мѧть твою̀, ѳео́дѡре многосла́вне.

Вои́стиннꙋ въ мо́ри пꙋтїѐ твоѝ, побѣдоно́сче ѳео́дѡре, и҆ стези̑ твоѧ̑ безбѡ́жнымъ а҆га́рѧнѡмъ на разоре́нїе въ вода́хъ мно́гихъ, и҆ слѣды̀ твоѧ̑, а҆рхїстрати́же землѝ рꙋ́сскїѧ, врагѡ́мъ не позна́ютсѧ. Бг҃оро́диченъ: Зако́нѡвъ кромѣ̀ є҆сте́ственныхъ, дв҃о, родила̀ є҆сѝ законода́вца бг҃а, человѣ́ка бы́вша. Того̀, ꙗ҆́кѡ бг҃а, молѝ, всенепоро́чнаѧ, на̑ша беззакѡ́нїѧ презрѣ́ти. Пѣ́снь г҃. І҆рмо́съ: Да ᲂу҆тверди́тсѧ се́рдце моѐ въ во́ли твое́й, хрⷭ҇тѐ бж҃е, и҆́же над̾ вода́ми нб҃о ᲂу҆твержде́й второ́е и҆ ѡ҆снова́вый на вода́хъ зе́млю, всеси́льне.

Предстоѧ́ще гдⷭ҇ꙋ со безпло́тными си́лами, неизрече́нною сла́вою блиста́юще, првⷣне ѳео́дѡре, за ны̀ моли́сѧ, творѧ́щыѧ чⷭ҇тнꙋ́ю и҆ пресла́внꙋю па́мѧть твою̀.

Ми́лованїе стѧжа́лъ є҆сѝ хрⷭ҇топодража́тельное, раздава́лъ є҆сѝ бога́тство тре́бꙋющимъ, нбⷭ҇ное бога́тство хода́тайствꙋющее тебѣ̀, є҆́же и҆ полꙋчи́лъ є҆сѝ, ѳео́дѡре.

Ни молва̀ мїрска́ѧ, ни чинѡ́въ и҆ награ́дъ врꙋче́нїе, ни сла́ва тлѣ́ннаѧ твоеѧ̀ ꙗ҆́же по бз҃ѣ простоты̀ ᲂу҆ста́виша, ѳео́дѡре, но бл҃говоли́лъ є҆сѝ вои́стиннꙋ бжⷭ҇твєннымъ дѣѧ́нїємъ.

И҆збавлѧ́еши ѡ҆би́тель твою̀ ѿ лю́тыхъ ѡ҆бстоѧ́нїй и҆ чтꙋ́щыѧ тѧ̀ ѿ потопле́нїѧ въ вода́хъ, ꙗ҆́кѡ предста́тель вѣ́ренъ и҆ мл҃твенникъ и҆зрѧ́денъ, ѳео́дѡре пресла́вне. Бг҃оро́диченъ: Ꙗ҆́кѡ вои́стиннꙋ гдⷭ҇ь воцари́сѧ въ црⷭ҇твїе неѿпа́дающее и҆ ѡ҆блече́сѧ ѱало́мски и҆з̾ тебє̀, бг҃омт҃и, въ кра́сное бл҃голѣ́пїе, пло́ть ст҃ꙋ́ю, є҆́юже сме́рть прїѧ́тъ и҆ разрꙋшѝ є҆ѧ̀ ца́рство.

Сѣда́ленъ, гла́съ г҃: Бꙋ́ди ско́рый въ бѣда́хъ ᲂу҆тѣ́шитель, во бране́хъ предста́тель, во гра́дѣхъ и҆ страна́хъ всѧ̑ лю́ди неисче́тною млⷭ҇тїю покрыва́ѧ, првⷣне ѳео́дѡре, моли́сѧ хрⷭ҇тꙋ̀ бг҃ꙋ ѡ҆ чтꙋ́щихъ ст҃ꙋ́ю па́мѧть твою̀.

Сла́ва, и҆ ны́нѣ: Сло́вѣ бж҃їй, и҆́же рожде́йсѧ ѿ дв҃ы бг҃оѻтрокови́цы, тоѧ̀ хода́тайствы сщ҃е́нными и҆ првⷣнагѡ ѳео́дѡра твоегѡ̀, сп҃сѣ, всѧ́кагѡ ѡ҆бстоѧ́нїѧ и҆ всѧ́кїѧ нꙋ́жды и҆зба́ви дꙋ́шы на́шѧ. Пѣ́снь д҃. І҆рмо́съ: Разꙋмѣ́хъ, всеси́льне, твоѐ смотре́нїе и҆ со стра́хомъ просла́вихъ тѧ̀, сп҃се.

Восхвалѧ́емъ бл҃гость твою̀, гдⷭ҇и, є҆́юже и҆спо́лнилъ првⷣнаго ѳео́дѡра, разꙋмѣ́емъ, всеси́льне, смотрѣ́нїе твоѐ и҆ ᲂу҆бл҃жа́емъ ѳео́дѡра преди́внаго.

Твою̀ помина́емъ, бж҃е, млⷭ҇ть, ю҆́же ꙗ҆ви́лъ є҆сѝ въ ѳео́дѡрѣ человѣколю́бнѣмъ. Бг҃оро́диченъ: Кто̀ и҆зочте́тъ си̑лы твоѧ̑, чⷭ҇таѧ; Но пощадѝ на́съ, и҆змѝ и҆з̾ глꙋбины̀ грѣхо́вныѧ и҆ наста́ви на бл҃го́е покаѧ́нїе безвозвра́тнѡ. Пѣ́снь є҃. І҆рмо́съ: Ꙗ҆́кѡ просвѣще́нїе на́ше сы́й, хрⷭ҇тѐ, просвѣтѝ на́съ, защи́тителю жи́зни на́шеѧ, сохранѝ ны̀, надѣ́ющыѧсѧ на тѧ̀.

Просвѣтѝ твоѐ житїѐ всю̀ вселе́ннꙋю, ст҃е ѳео́дѡре, правовѣ́рными дѣ́лы сїѧ́ющее, ꙗ҆́кѡ со́лнце, трили́чнагѡ бжⷭ҇тва̀ заре́ю просвѣща́емь.

И҆́же на мо́ри бы́въ флотово́децъ и҆скꙋ́сенъ и҆ непребори́мь, и҆спросѝ наслѣ́дїю твоемꙋ̀ мꙋ́жество и҆ вѣ́рꙋ непоколеби́мꙋ, ѿгонѧ́ѧ при́снѡ врагѡ́въ шата̑нїѧ.

За́вистїю и҆ ѕло́бою ѡ҆держи́ми лжесою̑зницы, кѡ́зни дѣ́ѧхꙋ тебѣ̀, ты́ же и҆з̾ глꙋбины̀ се́рдца вопїѧ́лъ є҆сѝ: сохрани́ мѧ, надѣ́ющагосѧ на тѧ̀.

Въ жи́зни вре́меннѣй ника́ѧже ра́на коснꙋ́сѧ тѣлесѝ твоемꙋ̀, ѡ҆ба́че по преставле́нїи порꙋга́нїе мно́гое ѿ ѕлы́хъ человѣ̑къ потерпѣ́ша чⷭ҇тны̑ѧ мѡ́щи твоѧ̑, ᲂу҆множа́юще тебѣ̀, ѳео́дѡре, сла́вꙋ на нб҃сѣ́хъ. Бг҃оро́диченъ: Воспо́йте, всѧ̀ землѧ̀, по́йте же возсїѧ́вшемꙋ и҆з̾ чре́ва бг҃олѣ́пнѡ неискꙋсобра́чныѧ и҆ сїю̀ вѣ̑рнымъ показа́вшемꙋ тве́рдꙋ наде́ждꙋ и҆ похвалꙋ̀. Пѣ́снь ѕ҃. І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ ꙗ҆́кѡ ѻ҆́вцы заколе́нїѧ. Сп҃сѝ лю́ди твоѧ̑, бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе.

Правосла́внꙋю странꙋ̀ рѡссі́йскꙋю бл҃гомилосе́рдѡ пощадѝ, и҆ млⷭ҇тивнѡ ᲂу҆твердѝ, бж҃е на́шъ, и҆ ми́ръ, и҆ любо́вь, и҆ здра́вїе со всѣ́ми сотворѝ, ѳео́дѡра мл҃твенника и҆мѣ́ѧ хода́таѧ ѡ҆ на́съ.

Оу҆кротѝ, воево́до ст҃ы́й ѳео́дѡре, нахо́ды ѕлотво́рныхъ человѣ̑къ и҆ и҆з̾ рꙋ́къ и҆́хъ и҆схитѝ, гонѧ́щихъ и҆ расхища́ющихъ немлⷭ҇тивнѡ.

Мл҃твами предварѧ́ѧ къ бг҃ꙋ и҆ томꙋ̀ предстоѧ̀ со а҆́гг҃лы, за ве́сь мі́ръ моли́сѧ, бра́нь непрїѧ́зненнꙋю всю̀ потреби́ти и҆ побѣ́дꙋ и҆звѣ́стнꙋ да́ти на сопоста́ты во́инствꙋ на́шемꙋ. Бг҃оро́диченъ: На нб҃сѝ а҆рха́гг҃ли и҆ а҆́гг҃ли, херꙋві́ми и҆ серафі́ми сла́вѧтъ, на земли́ же всѝ лю́дїе раболѣ́пнѡ покланѧ́ютсѧ рождествꙋ̀ твоемꙋ̀, сегѡ̀ ра́ди мо́лимъ тѧ̀, влⷣчце: сп҃сѝ дꙋ́шы на́шѧ.

Конда́къ, гла́съ в҃: А҆рхїстрати́же рѡссі́йскїй, слꙋжи́телю наро́да бж҃їѧгѡ, ни́щихъ и҆ ᲂу҆гнете́нныхъ свободи́телю, нечести́выхъ наказа́телю, поле́знагѡ на́мъ просѝ и҆ ве́лїѧ млⷭ҇ти, ꙗ҆́кѡ спобо́рникъ на́шъ, пра́ведне ѳео́дѡре. І҆́косъ: Всечⷭ҇тнꙋ́ю па́мѧть почти́мъ ᲂу҆го́дника хрⷭ҇то́ва, вели́кагѡ ѳео́дѡра, хра́браго во́ина на сопоста́ты и҆ ко́рмчаго бл҃гоꙋти́шна, и҆ ра́достными глагѡ́лы ѿ се́рдца воззове́мъ къ немꙋ̀, си́це вопїю́ще: Ра́дꙋйсѧ, дѣла̀ бл҃га̑ѧ со тща́нїемъ твори́вый: ра́дꙋйсѧ, ᲂу҆пра́вителю мꙋ́дрый и҆ терпѣли́вый. Ра́дꙋйсѧ, врачꙋ̀ ᲂу҆се́рдный и҆ млⷭ҇тивый: ра́дꙋйсѧ, мл҃твенниче те́плый и҆ неꙋтоми́мый. Ра́дꙋйсѧ, воево́до првⷣный и҆ непобѣди́мый: ра́дꙋйсѧ, ра́бе бж҃їй, кро́ткїй и҆ человѣколюби́вый.
 001   002
В начало текстаВ конец текста

Вам может быть интересно:

церковь илии пророка юцком | понедельник первой седмицы великого поста архиепископ юстиниан молился уставным богослужением казанском соборе элисты | боголюбская селе юрьевском боровском уезде калужской губернии | второго южнослав влияния | южно-уссурийский честь рождества богородицы женский монастырь |

Предыдущий текст

Источник текста


Постоянная ссылка: Пѣ́снь а҃. І҆рмо́съ: Пои́мъ гдⷭ҇еви пѣ́снь но́вꙋю, непроходи́мое бо ѡ҆землени́въ чермно́е, пѣшеше́ствовати сотворѝ сынѡ́мъ і҆и҃лєвымъ, и҆ сопроти̑вныѧ врагѝ покры̀ мо́ре. Просвѣти́ ми ᲂу҆́мъ и҆ ...
ПОИСКОВ.РФДля Вебмастера